Mai tal palei Tân Lợi, xa Thạnh Tân, huyen Thạnh Trị, thei jeng thau tal ong Sơn Sóc Hiên, urang hu angan je di dalam bhum urang bangsa takik. Dalam dom thun tapa, ong Sơn Sóc Hiên tuk halei jeng pachreih bruk ba drei ngak dahlau, naih gheih di urang ndang jak ba mikva tuk halei jeng padang sa raidiuk hu ilamo. Praong abih di nyu nan lac, ong hu jak ba dom gah ngak pahla daong jien padang hu 12 baoh tatua di palei, jak ba mikva rik prein ngak bruk, tapa nan, dom danak dak ngak tatua betong di ini hu dak harei brei dak pasalih ka tatua meng kayau gai kreim di phum soc, daong ngak pasiam jalan, sang bac, gom truac saong balai di bhum palei. Ong Sơn Sóc Hiên khan brei thau: “Dahlak hulin tuk halei jeng kakei mikva pahaci hacih sa-at vil taom dan labik daok saong mek hu tanut padang palei ngak nong bahrau. Dom thun dahlau dahlak jeng jak ba mikva pasiam jalan oh ka mek hu tanut chuan, jak ba mikva rik daong prein yava saong jien padai piah ngak yau habar ka radaih pak baoh tame brei pajeng ndap panda dalam palei hu".

Ieu lac sa tinh hu rilo mikva urang bangsa takik, Soc Trang tuk halei jeng sangka iek praong tal bruk paralo urang ndang dalam bhum mikva urang bangsa takik. Gam saong di nan bruk paglaong urang ndang jeng dak harei dak hu patagok. Yau ye palei Hội Trung, ban sit Lịch Hội Thượng, huyen Trần Đề urak ini hu 34 urang ndang urang bangsa Khmer hu labaih 70%. Ong Thạch Văn Mến, Akaok Bi thu Chi bo palei Hội Trung brei thau, urang ndang bangsa takik tuk halei jeng asar pasak, nao dahlau dalam dom danak dak di bhum palei. Dom urang ndang tuk halei jeng lac dom urang naih gheih piah mikva bac megru saong ngak tui: “Khol dahlak hulin hu sahneng lac, dahlau tuk jak ba mikva ye drei ngak sa baoh kreih camin piah ka mikva pasang ngak tui. Meyah drei oh pasram uak rup drei, oh bac magru patagok paglaong ilamu ye drei ndom mayai mikva oh pang. Sahneng di khol dahlak hulin lac yaok sa urang ndang jeng padang bruk kuhria jalan ngak mbang lagaih haong jien padai di yaok baoh sang, lagaih haong ta-eng rup di drei”.

Bruk patagok paralo urang ndang bahrau tuk halei jeng hu tinh Soc Trang sangka caik hatai iek praong, yaok thun sa mbang, dom pakat uy ba tabiak tanut patagok paralo urang ndang lac kapul urang hu ilamo, urang ngak bruk dalam dom bruk kinh te, urang jakar ilamo jamraik khoa hoc ky thuat, urang kapul ndoan, urang dalam kapul di labik daok rahra, bhum hu rilo mikva urang bangsa takik, urang tui agama.

Amuk Bùi Thị Hồng Thu, Bi thu Ndang uy ban sit Lịch Hội Thượng, huyen Trần Đề brei thau, yaok thun Ndang uy di ban sit jeng pato tacei dom puk palei, dom kapul sangka patagok paralo urang ndang urang bangsa takik: “Urang Ndang urang bangsa Khmer tuk halei jeng naih gheih, ba rup nao dahlau, ngak siam bruk ngak di drei. Dalam danak dak padang brei oh daok baoh sang taik tahak tui jalan di rajaei ye dom urang ndang urang bangsa Khmer jeng biak chreih chrai daong mikva dalam bruk padang ngak sang daok, dalam bruk patagok ngak mbang kinh te, raong glang, pala drak piah khik kajap kinh te baoh sang hu patagok”.

Urak ini ndang bo tinh tinh Soc Trang hu labih 49.000 urang ndang, dalam nan, hu 8.400 urang ndang lac urang bangsa Khmer. Tui taong yaom di Tinh uy Soc Trang, urang ndang bangsa khmer dak harei dak tagok. Praong abih di nyu dalam nan lac, rilo urang jakar urang bangsa Khmer hu tame dom pakat uy saong khik dom angan hu makna di bhum hu rilo bangsa urang Khmer./.