Ong Nguyễn Duy Thành – Tong Yam ndoc Công ty khik ramik Sang Dunya (Global Home) mboh biak caik hatai haong bruk klaak khung yaom jien taneh, ba tabiak yaom taneh tui yaom darak pasar.
Ini lac bruk praong abih dalam Hukum Taneh riya (pasiam veik). Tui nan, dom urang po taneh hu kein jang, doanh nghiep taneh riya jeng hu mbuan jang piah mek mbaok taneh tui jalan di darak pasar. Ong Thành lac:“Bruk siam camereip abih lac tagok jien mek tame kadung jien karja, kadua lac khik hu keih laba njauk hukum di dom po taneh riya. Yau nan, yaom taneh jaik haong yaom darak pasa, ngak brei cambaic laic dalm bruk pablei salih taneh riya.”
Tui ong Sử Ngọc Khương – Yam ndoc pakat glong Công ty Savills Việt Nam, bruk brei tapa Hukum Taneh riya pasiam veik hu pambak biak ralo tal dom tavak tavaiy meng lavik mai di doanh nghiep lac jien pandar taneh.
Abih di nyu nan lac, gah sang daok meda hu pambak tame biak cambaic laic. Tukvak tapa, bruk pabak sang daok di TPHCM biar abih kuhria dalam 10 thun. Ong Khương caong lac bruk lang talaih gah adat hukum, peih tabiak jalan ka darak pasar hu hadah hadai jang jang:“Meyah langyah hu bruk gah hukum ye darak pasa sang danaok taneh riya meda patagok khang kajap. Khol drei brei tapa Hukum Taneh riya ye bruk lac ba jalan ka pandap panda darak pasa nao njauk haong ralo bhap bini.”
Hukum Taneh riya pasiam veik birau hu brei tapa brei mboh cambaic bruk mek rahra ngak pasak. Tui nan, hu rilo asal kadha hu ba tabiak tui jalan khik caga ralo abih kein laba di bhap bini. Ong Lê Hoàng Châu - Akaok Hiệp hội Bất động sản TP.HCM (HoREA) taong yaom glong asal kadha parabha pakat, brei bruk cambaic laic, paglong bruk ngak di karja palei: “Bruk praong lac bruk ngak di Karja dalam bruk brei Harak pandar taneh ka urang hu taneh njauk brei harak adat. Ini lac bruk di Karja, oh cang urang, baoh sang hu harak likau meng brei harak adat yau dahlau diah”
Di Ban raya HCM, Sở Tài nguyen saong Moi truong daok tavak tavaiy tame dalam bruk ba tabiak yaom taneh cambaic laic. Ngan haong dom danak dak dahlau di tuk hu Hukum Taneh riya 2013, dữ liệu pambuak tal daok kurang, meda lahik meng 6 bilan tal 1 thun piah jabat chức năng duah thau ginup khaw tin, dui atah tukvak kuhri kuhria. Ong Nguyễn Toàn Thắng – Yam ndoc Sở Tài nguyên saong Môi trường Ban raya caong khin dom tavak tavaiy, kan kandah di gah ini meda hu jalan langyah mbuan lagaih jang: “Caong tame biak ralo bruk bahrau hu langyah, yau ye hu 18 bruk hu brei adat mek veik taneh, ba tabiak dom jalan pasang iek, taong yaom taneh… Pagam tame 10 asar kadha dalam Sarak 98 hu khan brei UB bhap bini Ban raya, yau nan bruk peih ngak di thun 2024 meda hu mbuan lagaih jang.”
Lac sa ban paraong gah kinh te yau TPHCM, taneh riya lac prein khang biak karei njauk brei pandar saong patagok abih. Nan ye, dom jabat hu thẩm quyền njauk samar ba tabiak dom sarak tacei pato peih ngak hukum, pambuak haong dom bhum palei ramik pasiam asal kadha ka nyu lagaih haong bruk di urak ini./.
Viết bình luận