Sa dalam dom asal kadha di Dự thảo Hukum Taneh riya (pasiam veik) nan lac pamaong tal pasiam dom adat, jalan ngak ka bruk jao taneh, brei pah taneh, salih bruk pandar taneh ngak nong. Peih ngak bruk jao taneh, brei pah taneh tapa bruk to yaom quyền pandar taneh, to yaom dự án hu pandar taneh ngak nong. Quy định catang dom bruk jao taneh, brei pah taneh oh tapa to yaom quyền pandar taneh, to yaom dự án hu pandar taneh. Ong Cao Thành Văn – Akaok HTX Artemia Vĩnh Châu – Bạc Liêu brei thau, quy định ini meda ngak brei kan kandah ka dom hợp tác xã tuk caong khin pah taneh piah peih prong bruk ngak mbang, pala drak: “Taneh ye Karja brei pah hadom thun ini mai ye yaok 5 thun ngak tal bo urak ini piah ngak danak dak brei hu harak pambuak bruk suai lavik ye meng peih ngak danak dak, dự án hu…Tui Hukum Taneh riya lac njauk to yaom bo to yaom ye hợp tác xã oh hu tư cách piah dang tabiak to yaom…”

Kan kandah dalam bruk pah taneh riya tuk caong khin peih prong bruk ngak mbang pala drak nan lac bruk di rilo sang urang nong, HTX. Hu Karja  palei tacei pato ngak harak gar pah taneh ngak nong piah ngak sản xuất min labaih 2 thun ini mai, sa-ai Nguyên Hữu Vinh saong dom urang dalam Hợp tác xã Tam Quan (huyện Hoài Nhơn – tỉnh Bình Định) jeng laghah laghoi cang sarak di jabat khik ramik. Kadha ini ngak kan kandah dalam bruk peih ngak danak dak sản xuất jeng yau dom khat lahik kinh tế ka hợp tác xã. Ndom ka dom pambak tal bo Hukum Taneh riya (pasiam veik) meda ba mai ka urang nong, hợp tác xã ngak nong, sa-ai Nguyễn Hưu Vinh caong khin: “Pasiam veik Hukum taneh riya ngak habar tuk caong khin ngak kinh tế kapul nyaom atau lac Karja paladhaih ka pah taneh ye njauk hu cơ chế ngak harak gar piah drei padang ngak sang xưởng, atau lac quy hoạch sa mblang hamu di hợp tác xã bo mikva urang nong gam rik daong tame”.

Rilo panuac ndom lac, oh njauk meyah brei trun tal tanut glaong di abih bruk pandar taneh ngak nong. Hukum Taneh riya (pasiam veik) njauk mong iek ka nyu cambaih laih bruk brei ka bhap bani hu quyền salih bruk pandar taneh angaok taneh ngak nong, meng phun ini tapa phun diah, meng phun pala tapa anek raong atau cak rok patagok dom bruk ngak mbang pablei salih rilo janih angaok taneh ngak nong tui hatai caong khin di darak pasar… ngak habar bruk ngak nong jeng lac bruk praong (meblah 80% taong abih mblang taneh pandar).

Ong Hồ Xuân Hùng – dahlau diah ngak Thứ trưởng Mentri Ngak nong saong Patagok palei pala brei thau, bruk rami ramik veik hatai saneng ka cak rok patagok bruk ngak nong nao gam haong rami ramik veik quỹ taneh ngak nong hu makna ngak brei Hukum Taneh riya (pasiam veik) ba mai dom kadha siam laghaih tal bruk ngak nong di negar drei: “Kasa lac vin taom dhal hatai saneng ka…rami ramik veik quỹ taneh, sa-ai caong khin salih, caong khin raong pala kaya ikan dalam aia, caong khin pala phun hagait nan bo quỹ taneh oh hu rami ramik veik ye ngak habar”.

Dự thảo Hukum taneh riya (pasiam veik) hu caong lac meda jao “quyền pandar” taneh ngak nong jaik yau quyền ngak po piah ka urang nong, kapul nyaom kinh tế tập thể, hợp tác xã roh takac, pandar ka nyu siam pren khang meng taneh riya. Kayua lac caong khin padang hu nền ngak nong bahrau, tui jalan ngak tabiak rilo pandap panda saong prong bo taneh riya oh hu khik iek tui njauk bruk di darak pasar ye tal sa tuk halei nan, bruk ngak nong biak kan cak rok patagok./.