Tui jalan cak rok yu lit di huyện vaktu 2016-2020, pamaong tal thun 2030 saong dom sarak, jalan ngak di Huyện ủy, UBND huyện ka cak rok patagok yu lit jeng bruk ngak mbang kinh tế prong dalam vaktu 2022-2030, Xuân Lộc daok padang dom labik yu lit karei di drei.

Yau ye bruk pambak tame prein khang labik yu lit inem mek, labik gheih mekre pakat negar ceik Chứa Chan ngan haong Danak dak cak rok patagok yu lit sinh thái, padeih padei, ma-in bui sambai. Pambuak yaom glaong di dom bruk ngak nong, palei pala, dom bein phun mbang baoh jeng dom labik yu lit sinh thái bein, yau: bruk padang Palei yu lit bhap bani xã Xuân Bắc; bein ca cao Suối Cát; bein dâu, bein bingu, danao ikan… di dom baoh sang daok di dom xã. Abih di nyu lac, hu dom bein hu pambuak haong doanh nghiệp lữ hành padang nong trại, ngak dom pandap yu lit brei ka anek saih, sinh viên.

Sa-ai Hoàng Thị Thu Vân, urang tuai mai meng Ban raya Hồ Chí Minh brei thau, tour yu lit ini hu caik veik rilo siam mekre dalam hatai dom menuac di sang sa-ai. Langiu di bruk hu daok angaok kapal mong iek phun kayau sang danaok di dua gah jalan, khaol dahlak daok hu mong iek dom bein phun mbang baoh, ba drei tame paik baoh kayau di bein. Njauk caik hatai di abih nan lac tuk nao tal Bein Bingu “Bốn Mùa” xã Xuân Bắc. Yaom lac dom bein phun ngak nong min po bein hu ramik ngak jeng dom tiểu cảnh piah hu rilo labik gheih mekre ngak ka khaok dahlak biak caik hatai”.

Rilo thun ini mai, bein ca cao di ong Trương Văn Mỹ daok di xã Suối Cát hu jeng labik mai tal di dom kapul rivang iek, duah thau ka yu lit. Bein ca cao di ong hu ngak tui jalan hữu cơ, pambuak haong yu lit duah thau. Urak ini, bein ca cao ini lac labik mai ka dom kapul nyaom sinh viên saong tuai yu lit hu dom duah thau chreih chrai haong jalan ngak saong pala ca cao hữu cơ piah pacang khik pren yava di urang dang ngak, pacang khik pren yava di urang blei pandar saong rik daong tame bruk pacang khik alam môi trường.

Yaok thun, huyện Xuân Lộc jeng hu peih ngak dom mbang rivang iek, duah thau, ginum biai piah pataom mek panuac rik daong ka dom pandap yu lit di puk palei. Rilo urang lac dom doanh nghiệp yu lit mai meng Ban raya Hồ Chí Minh, Bình Dương… hu dom rik daong biak abih hatai, daong ka dom labik nao tal pasiam dom labaih kurang piah ngak ka nyu siam jang.

Tui dom urang ilamu gah yu lit, hadei di tuk duah thau famtrip, dom doanh nghiệp, urang ilamu saong tuai damuai jeng oh ka mong mboh tabiak hu kadha biak karei di gah yu lit di huyện Xuân Lộc. Nan ye, huyện Xuân Lộc njauk jhul khang bruk meyaih khan yu lit; patagok bruk pambuak gauk di po bein saong dom doanh nghiệp ba tuai rivang ma-in; padang dom kadha khan brei thau ka labik nao tal, gam haong nan, pato pathram kapul urang ba jalan chuyên nghiệp, hu bac megru gah yu lit piah meyaih khan pandap panda di puk palei.

Ong Phạm Ngọc Hiếu, urang gru pato di Sang bac đại học Lạc Hồng (ban Biên Hòa), khan lac, Xuân Lộc hu rilo kaya pandap piah cak rok patagok bruk yu lit, min bruk pambuak hạ tầng piah nao tal dom labik oh ka lagaih, radaih prong oh nao tame hu dom bein phun mbang baoh. Tuai damuai mai tal dom bein jeng daok kurang labik mong iek, hu dom bein oh ka caik hatai sangka njauk bruk piah dui takai tuai damuai.  

Tui amuk Huỳnh Thị Lành, Phaok akaok UBND huyện Xuân Lộc, huyện daok pamaong tal cak rok patagok yu lit haong 3 janih pandap praong lac: yu lit sinh thái – padeih padei; yu lit ilamo – tâm linh; yu lit ngak nong palei pala saong dom janih pandap pabak tame. Tui jalan padang dom pandap yu lit ngak nong, yam tal padang pandap yu lit OCOP. Piah paglaong ilamu ngak yu lit ka bhap bani, tukvak anak tal, taphia di bruk jak ba mikva urang nong paglaong akaok saneng dalam bruk cak rok patagok bruk yu lit ngak nong palei pala, huyện meda pambuak bruk haong dom sở, ngành, sang bac pato pakai yu lit daa gru patao, chuyên gia pato pathram, tacei ba bhap bani dom ilamu dalam bruk ngak yu lit./.