Brei panuac peih Nyaom biai, akaok Mintri ilamo, Thể thao saong Du lịch (VHTTDL) Nguyễn Văn Hùng ndom lac, 54 bangsa Việt Nam hu ilamo karei di gauk, tapa nan hu rik daong ngak jeng ilamo Việt Nam ndung mbak bruk yasa dalam rilo janih. Nan lac bruk hadah karei, saong lac jalan cak rok patagok ilamo negar drei, lac bruk ngak jeng prein khang gah dalam, pataom veik prein khang dalam taneh ia. Rah tapa dom tukvak sajarah cak rok patagok, dom bangsa Việt Nam hu ngak jeng sa gilang inem krung ilamo biak praong, biak rilo janih saong gheih mekre. 

Dalam tukvak urak ini, Đảng saong Kanja drei hu jalan ngak jhul khang bruk cak rok patagok ilamo dalam chính trị saong cak rok patagok ilamo dalam kinh tế piah pamaong tal dak padang chính trị khang kadang, pacang gilac veik bruk jhak nao di jalan sahaneng, đạo đức, cak rok patagok kinh te pambak tame ilamo, đạo đức, pamaong tal kayua anek menuac, rahra, bangsa. Gam tui di nan, gah pambuak bruk dunya, kol drei daok patagok yaih khan bruk rilo janih di ilamo dom bangsa Việt Nam tabiak dunya; jhul patagok bruk pablei tabiak negar langiu dom pandap panda ngak kong ilamo. Viet Nam daok jhul patagok bruk ba tabiak negar langiu dom pandap ngak kong ilamu, brei mboh prein sahneng duah ngak jeng dom prein khang ilamo dalam bhap bini dom bangsa piah patagok prein khang di ilamo saong paglaong labik dang di thaot binguk taneh ia Việt Nam mangaok dunya. Kayua yau nan ye, bruk peih ngak, patagok prein khang ilamo di bhap bini dom bangsa piah cak rok patagok saong mbeik drei tame dunya tui jalan khang kajap lac hu makna biak praong.

Di Nyaom biai, rilo urang ilamo, urang roh duah ilamu hu brei panuac, pataom tame dom asal kadha yau ye bruk hu biak rilo janih di ilamo bangsa saong dom bruk ba tabiak di urak ini; patagok prein khang ilamo dom bangsa takik dalam cak rok patagok taneh ia, dom jalan sahaneng siam lagaih; jhul khang bruk khik ramik, patagok dom yaom glaong ilamo meng kan di dom bangsa dalam tukvak cak rok patagok urak ini.

PGS.TS Nguyễn Thị Phương Châm, Viện roh duah Ilamo, Viện Hàn lâm Khoa học xã hội Việt Nam brei thau, urak ini, bruk patagok prein khang ilamo dom bangsa takik dak harei dak hu caik hatai njak tanut jang, asal kadha ini hu ndem tal, hu pataom veik, hu brei thau di rilo sarak, rilo danak dak cak rok patagok kinh tế xã hội bhum bangsa takik, jaik di ini Quốc hội hu tabiak Sarak ka 120 hu brei tapa bruk buh jien tame Danak dak bruk ngak negar cak rok patagok kinh tế - xã hội bhum bangsa takik saong bhum ceik tukvak 2021 - 2030

Meng dom bruk ini hu rik daong ngak jeng ilamo Việt Nam ndung mbak bruk yasa dalam rilo janih. Nan lac dom bruk biak karei, gam tui di nan, lac jalan cak rok patagok ilamo negar drei, lac bruk ngak jeng prein khang gah dalam, pataom veik prein khang dalam taneh ia saong prein pachreih ba, kadha di ilamo Việt Nam, daong brei mboh ilamo negar drei di mangaok dunya .

Taphia di nan, dom urang lambaok hu ndem tal dom bruk samar drah dalam khik ramik dom ilamo bangsa anak dom bruk mbuan lahik nao; nyim du lịch piah khik ramik ilamo dom bangsa. Nyaom biai taduan hu rilo panuac siam lagaih piah peih jalan ngak, pok tagok dom jabat hu  thẩm quyền dom hatai sahneng bahrau, dom jalan ngak, dom caong khin siam lagaih piah paglaong kein laba di bruk dak padang saong pandar dom prein khang ilamo dom bangsa di Việt Nam dalam cak rok patagok taneh ia./.