2 bảng njauk tuh sơn tagok, oh daok puac hu akhal di mangaok nan

Tiến sĩ khảo cổ Nguyễn Thị Hậu, Tổng Thư ký Hội Sử học TP.HCM brei thau, labik ngak lan Hưng Lợi hu kuac rok tagok di puac thun 2017. Hadei di nan, mboh lac inem krung hu yaom biak glaong, nan ye miuyim Sajarah hu likau UBND ban raya brei kuac rok ragok mbang ka 2, gam tui di nan lac ngak harak gar likau Mintri Ilamo Brei thau pok brei angan lac inem krung pakat negar.

Hadei di tuk kuac rok tagok, kapul khảo cổ mboh lac mbuan lahik nao kayua ini lac labik daok đô thị hoá khang, bhap bini kuac rok  bhum tapen nan mek haluk lan tuh ngak jalan saong tuh ngak gheng takai sang. Urak ini, inem krung pakat negar njauk palai pajoa, khut tayah. Ban raya daok hu jalan ngak pasiam manieng inem mek Lò gốm Hưng Lợi, min Tiến sĩ Nguyễn Thị Hậu daok haduh hatai lac: “Hu dua bruk ba tabiak, ka 1 lac khik hu taong abih mblang taneh ini tal tuk danak dak hu ngak jeng biak biai halei oh. Ka dua, mayah padang veik ye njauk patagok dom yaom glaong meng jalan ba du lịch, pato pakai sajarah di puk palei, ye cơ sở hạ tầng lac bruk ba tabiak, oh caik ka jalan nao tame inem krung biak kan kandah, yau nan oh tagok hu saong tal tuk halei nan, inem krung meda lahik nao”.

  Labik inem krung Lò gốm Hưng Lợi daok hu ieu lac Lò Lu, Lò Cây Keo daok di dalam phường 16, quận 8 hu pok brei angan lac inem krung khảo cổ học pakat negar di thun 1998. Thun 1999, Sở Ilamo Brei thau hu padang ngak pabah mbang, danieng sang, tabung sang pacang labik inem krung. Min tal urak ini, tabung pacang oh daok tra, gah mangaok di lò gốm tok daok veik sa mbang taneh. Yaom lac UBND quận 8 hu ngak cống, paga pacang lưới B40 piah khik caga, padang 2 bảng brei thau lac pakauk tame labik inem krung, min tal thun 2021, danieng pacang njauk cakak, 2 pabah mbang njauk urang taoh mek saong 2 bảng njauk tuh sơn tagok, oh daok puac hu akhal di mangaok nan. Meng bruk rahtabiak yau urak ini di labik inem krung, abih di nyu nan lac bruk ngak di puk palei, bruk ngak di gah ilamo njauk ba tabiak ngak cambaih laih.

Sở Ilamo Thể thao TP.HCM brei thau: tui Hukum inem krung ilamo ye UBND dom pakat lac labik dang tabiak khik iek dom inem krung. Sở saong quận 8 hu rilo mbang ginum biai, njauk gauk rami ramik labik khik ramik saong ngak pasiam labik inem krung Lò gốm Hưng Lợi. Min bruk ini njauk likau panuac di Mintri Ilamo Thể thao saong Du lịch. Daok ong Nguyễn Thanh Sang – Phó akaok UBND quận 8 brei thau lac inem krung pakat negar kayua ban raya dang tabiak khik iek, kayua di pakat quận oh thau hu yaom glaong di khảo cổ học: “Di Pakat quận oh thau hu yaom yaom glaong di inem krung khảo cổ. Labik inem krung ini daok hu rilo yaom glaong daok dalam mbaok taneh njauk kuac rok tagok ye drei meng thau nan lac hagait. Min meng di tuk hu pok brei angan tal urak ini oh brei kuac rok”.

Tui ong Cao Thanh Bình – Akaok mban Ilamu Xã hội HĐND TP.HCM, bruk khik ramik inem krung lò gốm Hưng Lợi tal urak ini lac biak suai, nan ye oh brei caik ka nyu suai tra, bo njauk ngak chip. Anak meta, UBND phường 16 brei pathau khanm, jak ba bhap bini; ba menuac mai rami ramik inem krung. Phường meda peih bruk xã hội hoá, jak ba mạnh thường quân caik camera an ninh, pambuak nao gah công an phường piah tui iek. Gam haong nan,Ilamu Thể thao TP njauk ba inem mek ini tame danak dak samar drah, njauk buh jien tame ngak dahlau saong brei menuac khik iek: “Sa danak dak pakat negar bo tal urak ini ka oh hu mban khik iek danak dak. Tuk hu mban khik iek danak dak, akaok mban, phó mban saong dom urang dalam mban ye bruk ngak meda cambaih laih. Bruk ini sở ilamo thể thao njauk roh duah, kuhri kuhria”.

  Lò gốm Hưng Lợi lac palei ngak hu angan je di Sài Gòn meng kan. Di kreih abap 18-19, di pak ini rilo meng ngak pakaong lan am, hadei di nan ngak pandap pasiam sang danaok saong pandap ngak bein, blaoh pandap caik pandap mbang manyum. Tuk urang France paduan ba palei ngak nao labik karei, rilo bhap bini di pak ini hu nao tal Lái Thiêu di Bình Dương saong Tân Vạn di Đồng Nai piah ngak veik bruk ngak lan. Lac inem krung sajarah di bruk đô thị hoá di TP.HCM, bruk padang ngak veik, khik ramik saong patagok dom yaom glaong ilamo inem krung di labik ngak lan Hưng Lợi lac bruk bo ban raya njauk ngak chip./.

Urang lang: Thu Thao – 24/09