Di pak ini hu palei pak  kriem laa meng kan hu daong ka rilo urang kumei hu jien mek tame tani tanat

Lac bruk ngak meng kan saong hu rilo rai kak kajap haong bruk pak meng kriem laa, min dahlau deih, bruk pajeng ba dom pandap hu ngak meng palei ngak ba nao pablei gaok rilo kan kandah. Kayua lac pandap ngak meng tangin, ngak tui yaok baoh sang nan ye tuk hu ginup pandap, mikva meng pah radaih piah pajeng nao tal labik pablei di Pasak ban Sóc Trăng atau dom huyện, dom tinh jaik taphia nan, abih rilo jien, bo daok khut atau jaoh.

  Thun ini, sa bruk biak bui sambai ka palei ngak tuk labik blei pandap pak kriem laa Thủy Tuyết hu padang tabiak di xã Phú Tân, pak di dalam palei ngak, ba mbuan lagaih ka bhap bini cak rok patagok bruk ngak tuk hu pabak pandap tamo piah ngak, hu blei veik pandap, patak pataom hu yaom jien pah pajeng, sahanang hatai ka bruk pablei pandap.

 Saai Trương Thị Bạch Thủy, po labik blei pandap pak kriem laa Thủy Tuyết brei thau, mboh urang ngak di palei ngak xã Phú Tân lac biak praong; dalam nan rilo meng lac adei saai kumei hu tangin gheih ngak tuk ngak tabiak pandap panda hu chất lượng, gheih mata, nan ye saai khang hatai panduan ba labik blei meng Phường 8, ban Sóc Trăng mai ngak di xã Phú Tân, ngan haong hatai caong ba mbuan lagaih di abih ka mikva ngak saong pablei pandap, daong ka palei pak kriem laa meng kan oh padeih cak rok patagok. “Ngan haong bruk ngak ini, mayah sang hu hamu ye hu ieu lac bruk ngak phụ, daok sang oh hu bruk ngak ye ngan haong dom urang nan, ini lac sa bruk ngak piah duah jien. Drei mai pak ini lac kayua pak ini hu palei ngak, caik ka mikva tabiak langiu lac  atah. Drei mai pak ini blei taneh, padang ngak sang xưởng di gah ini ye lagaih ka mikva ngak blaoh ba tabiak pak ini, pandap hu di labik, pandap tam,o piah ngak jeng hu di labik.”

   Urak ini, labik ngak di sang saai Thủy hu labaih 100 pandap ginup abih dom janih, meng pandap pandar tal dom pandap caik iek ngak gheih, pandap du lịch, hu rilo mẫu mã. Urak ini, langiu di bruk blei veik dom pandap di dom adei saai kumei, di mikva palei ngak, saai Thủy daok hu pabak pandap tamo piah ka dom adei saai ngak mbang pah di sang tui panuac kakei di urang blei piah ba pandap ngak meng tangin dak harei dak yam atah jang tal rilo bhum palei saong pablei tabiak negar langiu.

Meng tuk hu labik ngak tabiak saong blei veik pandap panda pak meng kriem laa Thủy Tuyết, palei ngak di xã Phú Tân hu chreih chrai tagok. Rilo sang, abih di nyu nan lac dom adei saai kumei, urang praong thun sanang hatai ngak tabiak dom pandap yau ye canaih, cangoa, li-i, cần xé bo oh daok huac oh hu labik pablei.

  Amuk Châu Hồng Hoa, Akaok kapul Liên hiệp urang kumei huyện Châu Thành brei thau, Kapul meda pambuak haong dom gah, jang yau labik blei dom pandap pak Thủy Tuyết ba bruk ngak ka urang ngak daok saoh di palei, abih di nyu nan lac dom adei saai kumei, piah ngak tabiak dom pandap pak dak harei dak hu chất lượng, rilo janih, oh lac ba jien tame tani tanat ka bhap bini bo daok duh ka tuai mai rivang iek, du lịch tui dom tour du lịch di dalam huyen dalam tukvak anak tal. “Anak tal, kapul meda ba tabiak panuac haong jabat ngak nong huyện saong đảng ủy, ủy ban brei padang hợp tác xã pak kriem laa piah ngak habar hu bruk pambuak gauk di doanh nghiệp, labik ngak, gam haong palei daong ka dom labik, ba bruk ngak ka dom urang dalam kapul urang kumei cak rok patagok bruk ngak mbang, pablei salih, tani tanat raidiuk.”

Mai tal palei pak kriem laa meng kan di xã Phú Tân urak ini, urang oh lac hu mboh di anak meta bruk pak kriem laa meng tangin bo daok hu maong iek sa labik ilamo haong ginup pandap pak meng  kriem laa, pak hu pataom tame di labik Thủy Tuyết. Meng labik ini, dom pandap meng palei ngak meng kan di xã Phú Tân hu yam nao atah saong hu nao tal rilo labik, rilo bhum palei dalam taneh ia, peih tabiak jalan ka sa palei ngak, daong pabak, parilo janih dalam raidiuk saong lac ilamo di bhum taneh hu rilo mikva bangsa Khmer daok  meng dom saman ini mai./.

 Urang lang: Thu Thảo – 17/08