Di Bei Gon urang likei dam tabiak negar langiu duah jalan dong ka taneh ia

Pandap panda bo Nguyễn Tất Thành ba tui tuk tabiak nao duah jalan daong taneh ia lac hatai anit ranam taneh ia biak praong saong hatai kham merat “ngak bruk hagait jeng hu piah diuk saong piah nao” piah ngak ka pahu hatai caong duah tabiak jalan daong taneh ia, daong rahra. Min nao halei saong nao tal taneh ia halei,  Nguyễn Tất Thành jeng oh thau dahlau. Kadha ini brei mboh cambaih tuk Wa javap jalei nhà văn Mỹ, Anxa Lu-y Xtơrông: “Bhap bini Việt Nam, dalam nan hu menuac menek tabiak dahlak, tuk ini bhian tangi sua gauk lac, thei lac menuac daong ka drei tabiak truh ách thống trị di Prang. Urang ini sahneng lac negar Anh, hu urang sahneng lac Mỹ. Dahlak mboh lac njauk tabiak taneh ia langiu biak thau ka nyu cambaih. Hadei di tuk tui iek urang ngak mbang yau habar, dahlak mai veik daong ka bol bhap rahra di dahlak”.

Hu dalam rup hatai caong peih paha bangsa, tapa rilo thun glaih glar, rambah rambup di taneh ia langiu, Nguyễn Ái Quốc hu nao tal Chủ nghĩa Mác - Lênin saong duah tabiak jalan cách mạng biak njauk - jalan cách mạng vô sản. Wa ndom cambaih laih lac: “Khin daong taneh ia saong peih paha bangsa, oh hu jalan halei karei jalan cách mạng vô sản”. Nguyễn Ái Quốc pilih ruah jalan cách mạng peih paha bangsa tui jalan Cách mạng Bilan 10 Nga (thun 1917), kayua Wa mboh lac: “Dalam dunya urak ini, tok hu cách mệnh Nga lac hu jak jeng, saong jak jeng tal labik, nan lac rahra hu haneim phul, hu tự do, samu gauk biak”. Bruk pilih ruah jalan peih paha bangsa tui jalan cách mạng vô sản, brei mboh jalan maong praong, atah saong lagaih haong jalan cakrok bahrau, pabak hatai caong di bol bhap, rahra, urang ngak. Tal tukvak ini, cách mạng vô sản lac bruk cách mạng abih gah, praong dalam saong glaong di abih. Bruk cách mạng nan oh njauk lac peih paha giai cấp saoh, bo pambuak pagam haong nyu, lac peih paha bangsa, peih paha xã hội.

Khang hatai tui jalan salih bahrau saong pamaong tal độc lập bangsa saong chủ nghĩa xã hội, hadei di labaih 35 thun peih bruk salih bahrau, taneh ia drei mek hu dom jak jeng praong, hu makna sajarah. Tapa dom bruk ngak hu  praong  di bruk salih bahrau, nyu brei mboh cambaih, lac: “Nao tagok chủ nghĩa xã hội lac hatai caong di bhap bini drei, lac bruk pilih ruah njauk di Đảng Cộng sản Việt Nam haong Chủ tịch Hồ Chí Minh, lagaih haong jalan cakrok di sajarah”. Dalam tuk yau urak ini, Đảng ba tabiak jalan lac brei khang hatai, kham merat dang tagok khik caga khang kajap độc lập bangsa saong chủ nghĩa xã hội. Kayua độc lập bangsa lac bruk pamaong tal, lac jalan peih tabiak saong lac kadha brei hu dahlau piah padang chủ nghĩa xã hội, oh hu độc lập bangsa ye oh padang hu chủ nghĩa xã hội; daok padang chủ nghĩa xã hội lac piah patagok prein khang pandap panda – ilamu dak harei dak rilo jang; padang taneh ia kaya meda, khang kadang, ngak jeng jalan khang kajap piah khik kajap độc lập bangsa.

Yau nan, meng bruk cách mạng Việt Nam labaih 90 thun tapa lac bruk ba tame pandar saong cakrok hadah krah Chủ nghĩa Mác - Lênin, tư tưởng Hồ Chí Minh tapa dom bruk praong, dalam nan, bruk dang akaok lac khik kajap hatai sahneng saong sahneng njauk ka độc lập bangsa saong chủ nghĩa xã hội dalam tukvak bahrau di taneh ia saong di saman bahrau, yau Tổng Bí thư Nguyễn Phú Trọng hu ba tabiak dalam kadha vak: "Dom bruk lý luận saong thực tiễn ka chủ nghĩa xã hội saong jalan nao tagok chủ nghĩa xã hội di Việt Nam". Nan lac, “Độc lập bangsa kak kajap haong chủ nghĩa xã hội lac jalan cơ bản, dahlau hadei oh salih karei di cách mạng Việt Nam saong jeng lac kadha praong dalam inem krung jalan sahneng di Chủ tịch Hồ Chí Minh. Meng ilamu bac megru hu tapa bruk ngak biak rilo di drei pambuak haong lý luận cách mạng, khoa học di Chủ nghĩa Mác - Lênin, Hồ Chí Minh hu ba tabiak panuac tamat biak dalam lac, tok hu chủ nghĩa xã hội haong chủ nghĩa cộng sản meng meda langyah hu abih bruk độc lập ka bangsa, meng meda ba mai raidiuk tự do, trei sir saong haniem phul biak biai ka taong abih menuac sia, ka dom bangsa”./.

Urang lang: Mousaphuong- 5/6