Bhum Đông Nam bộ urak ini hu labaih 14.800 doanh nghiệp pabak dịch vụ logistics, meblah 49,2% abih tih dom doanh nghiệp logistics dalam taneh ia… Yaom jien logistics di Việt Nam urak ini daok di tanut 16,8% yaom pandap panda dalam tuk di dom taneh ia dalam bhum lac 10-12%. Dom doanh nghiệp dịch vụ logistics mboh lac, urak ini jalan mbak di TP.HCM jeng yau di bhum Ðông Nam bộ daok kurang bruk pambuak gauk, kurang samu gauk. Bruk ini ngak brei tapa prein, gaok mai ba tal tavak tavaiy dalam bruk pajeng ba pandap panda, ngak patagok phun jien ka logistics.

Ong Phạm Văn Xô, akaok Kapul pablei tabiak negar langiu di tỉnh Bình Dương brei thau: “Logistics di kol drei urak ini suai cak rok, quy hoạch logistics ka oh hu peih ngak siam ba tal bruk pambuak jalan mbak ka oh samu gauk. Hu dom jalan pajeng ba pandap ka oh pabak hu bruk ba tabiak, ngak brei gar jalan, gar maong nduac, phun jien pajeng ba tagok biak rilo.”

Rilo doanh nghiệp saong gah chức năng hu kuhria tal bruk pandar jalan ia daok hu piah pajeng pandap panda, gam trun prein ka jalan radaih, gam patak pataom phun jien. Min anak meta mboh lac, jaik abih dom kraong ribaong ka oh raok hu gilai praong, tatua tapa jeng oh ka lagaih.

Ong Lê Nam Quốc, Phó akaok Cục Hải quan tỉnh Long An brei thau lac, di Long An, rilo doanh nghiệp dalam taneh ia saong gah Campuchia hu kuhria tal bruk pambuak dom logistics jalan ia min oh peih ngak hu: “Gah Campuchia hu sa pabah lamnge dalam taneh ia, atah di pabah mbang negar Hưng Điền A di tỉnh Long An 6km min. gah taneh ia saabat kuhria lac pandap panda pajeng meng negar langiu mai, tapa Cảng Sài Gòn, quá cảnh, nao meng jalan ia. Hu pasang iek bloh min kraong nan pajeng rilo abih tuk ia tagok glaong tok lac gilai 50 tấn, ngak habar nao container hu.”

Piah jalan ia ka gah logistics patagok njauk haong kein lagaih, prein khang ye dom labik dalam bhum njauk samar hu dom danak dak kruac raok dom kraong ribaong, patagok “độ tĩnh không” ka dom tatua urak ini saong sangka tuk padang patua bahrau. Meng nan meda dui pachreih hu bruk ngak pandap panda, cak rok patagok dịch vụ logistics jalan ia.

Daok gah TP.HCM, ong Nguyễn Nguyên Phương, Phó yam ndok Sở Công thương TP.HCM brei thau, sa dalam dom bruk daok cuang kadah hu makna praong dalam bruk cak rok patagok kinh tế lac logistics. Kayua yau nan ye, ban raya biak sangka tal bruk taoh talaih min njauk iek tui prein di drei piah peih ngak dahlau dom bruk cambaih laih: “Ban raya pataom prein tame taoh talaih dom kan kandah dalam logistics. Min anak meta prein khang oh ka pabak hu ginup abih nan ye ban raya langyah, taong yaom, pilih ruah dom bruk njauk ngak dahlau, lagaih haong prein di drei. Paglaong pasiam  jalan mbak nao mai, lac bruk njauk ngak, quy hoạch hu blaoh min daok pagam pambak tame jien padai.”

Logistics pambuak pagam, daong ba, jhul dom gah kinh te cak rok patagok, paglaong prein hu mbaok tame chuỗi giá trị dunya. Gam haong nan, kinh tế negar drei hu tanut peih tabiak biak glaong (labaih 200%) ye bruk cak rok patagok, pasiam veik dom dịch vụ logistics lac bruk ngak hu makna praong, lac jalan nao piah jhul samar bruk công nghiệp hóa, hiện đại hóa, khik ka cak rok patagok kinh te samar drah saong khang kajap./.