Mblang taneh di bhum taneran krong Cuu Long mbak padai pajaih pahe 

Dom kapul pambuak gauk, HTX ngak padai pahe di dom tỉnh ban yau:  Sóc Trăng, Hậu Giang, An Giang, Bạc Liêu, Vĩnh Long, Trà Vinh… hu dom jalan yam nao biak njauk pok meyaom. Dom HTX hu ba pandar bruk ngak padai thông minh, pandar rilo ilamu kỹ thuật pala padai pabak jalan nao bahrau, lagaih haong biến đổi khí hậu. Sa kadha bui sambai dalam dom harei akaok thun  2022 ka dom urang pala padai di bhum taneran krong  CL lac  Cty CP Tập đoàn Tân Long bahrau peih pakak Sang mac brah Hạnh Phúc, praong samu tanut bhum châu Á, lac prong  161.000m2 daok di huyện Tri Tôn (t.An Giang). Sang mac ini hu pren bluh thu 4.800 tấn padai that dalam sa harei, hu 80 silo caik padai hu 240.000 tấn, chai hu 1.600 tấn dalam sa harei (padai thu), patagok công suất brah siam hu labaih  1.000 tấn sa harei . Meng ilamu công nghệ bahrau song hệ thống pacang sir, yau ye taduan mek, ngak hacih, bluh thu song silo caik padai, chai padai…, sang mac brah Hạnh Phúc lac bruk caong khin di rilo doanh nghiệp ngak mbang, pablei salih padai brah Việt Nam meng lavik mai. Hu mbaok di tuk peih pakak sang mac brah  Hạnh Phúc, Akaok negar Nguyễn Xuân Phúc ndom lac: “Gah ngak nong Việt Nam gam gam pablei tabiak negar langiu  mek hu yaom glong tapa dom thun. Bruk buh jien tabiak padang sang mac ngak padai brah prong, lac bruk ngak hu meta mong atah ka asar brah  Việt Nam, pabak glong di abih ka bhum châu Á song dunya. Bruk prong lac, blei abih kaya nong ka urang nong, pasang iek peih prong taneh piah pandar tame bruk pala ngak praong di bhum taneran krong CL”.

Meda lac, sang mac brah Hạnh Phúc dok di labik biak mbuan lagaih, daok jaik 5 huyện pala padai lac  Tri Tôn song  Thoại Sơn (t.An Giang); Giang Thành, Hòn Đất song Kiên Lương (t.Kiên Giang). An Giang song  Kiên Giang lac  2 tỉnh hu taneh pala padai prong abih di bhum taneran krong  CL , urak ni hu labaih 200.000ha sa tỉnh song sản lượng padai di yaok tỉnh jeng hu labaih  4 triệu tấn sa thun . Ni jeng lac 2 tỉnh hu rilo urang nong patak pataom taneh pala padai yam tapa tanut taneh prong abih dalam bhum, abih di nyu nan lac urang nong bhum 4 kieng Long Xuyên.

Bahrau ni, akaok mintri ngak nong song patagok palei pala Lê Minh Hoan hu mbang ndom biai chreih chrai hong dom “patao kaya nong” Việt. Di mbang ndom nyai nao mai ini, kỹ sư Hồ Quang Cua, (lac urang ngak tabiak pajaih padai pahe ST) brei thau dom suh sah urak ni lac  brei hu jalan ngak piah patagok janih brah pahe yau pandap “sếu đầu đàn”.Meng bruk hu mbaok di sang mac  brah Hạnh Phúc dok di bhum pala padai dane angan 4 kieng Long Xuyên mong yau hu mbaok di “sếu đầu đàn” ba jalan ka talei pambuak bruk dalam gah ngak tabiak song pablei salih padai di bhum taneran krong Cuu Long./.

Urang lang: Hanipha- 16/2