Bruk ba ilamu công nghệ glong tame bruk sản xuất, dong ka dom kaya nong di  Long An dak harei dak siam

Long An lac sa tỉnh dang ka 4 di bhum taneran krong Cửu Long ka sản lượng padai, hu jiak 3 triệu tấn sa thun. Dalam tỉnh patagok hu 502 mblang hamu prong, hu jiak 13.000 boh sang hu mbaok tame pala ngak. Urak ni, dom puk palei dalam Ðồng Tháp Mười tỉnh Long An hu pambuak bruk song Tập đoàn Lộc Trời peih ngak 7 bhum padai công nghệ glong, ngan song taneh prong labaih 1.700 ha. Langiu di nan, tỉnh batabiak bruk lac meng ni tal thun 2025 pala hu yaok pluh ribau ha phun kruac aik, thanh long, njam patam hu pandar công nghệ glong. Ngan song bruk rong glang, hu dong “gieo tinh nhân tạo” 1.000 limo binai menek di huyện Ðức Hòa song dok padang labik ngak iek piah peih prong tabiak dom puk palei.

Sở Ngak nong song patagok Long An hu padang tabiak song patagok 47 tổ pambuak bruk, hợp tác xã dalam bhum ngak nong pandar công nghệ glaong. Hu dong, tacei pato Cty Vina Hoàn Hảo mek hu angan doanh nghiệp công nghệ glong; padang 3 chuỗi pabak pandap mbang hacih saat; brei harak chứng nhận VietGAP ka 51 labik song hu pok angan brei ka 31 pandap OCOP.

Ong Lê Văn Tại, Yam ndoc Hợp tác xã ngak nong Resfuot Tân Thạnh (xã Tân Lập, Tân Thạnh) ndom lac, hợp tác xã dok ba jalan ka sang bein pandar công nghệ golng dalam bruk pala phun kruac bung, phun kruac aik pandar khak hữu cơ mek hu tanut chuẩn VietGAP piah pablei tapa drak pasa châu Âu. Ong Tại ndom lac tok hu khak hữu cơ meng ba mai kinh tế glong di abih piah paglong giá trị gia tăng.

Tui ong Bùi Quốc Bảo, Bí thư huyện ủy Tân Thạnh, urang nong Tân Thạnh hu salih labaih 1.000 ha taneh padai takik kein laba, tapa pala phun mbang boh yau: durian ralow katam asar pait, kruac bung klik hajao, kruac aik oh asar, panat thái… hu pandar công nghệ glong ba jien tame glong jang rilo mbang dut song pala padai. Huyện dok quy hoạch bhum phun mbang boh Tân Lập lac bhum phun mbang boh pambuak song du lịch bein pagam pambuak 4 gah.

Piah paglong jien mek tame ka yaok mblang taneh ngak nong, Long An dok pasang iek, pabak bruk salih dom mblang taneh pala padai kein laba takik tapa phun pala, athur rong hu kein laba kinh tế glong, iek glong padang ngak bhum ngak nong mek hu tanut GAP; pambuak gauk dalam bruk sản xuất song pablei pandap , thau hu asal di nyu; pataom tame patagok sản xuất tui jalan chuỗi giá trị, gam song khik ramik siam mekre pandap mbang piah patagok yaom di nyu.

Piah paglaong yaom ka pandap kaya nong, tui muk Đinh Thị Phương Khanh, Phaok yam ndoc Sở ngak nong song patagok palei pala Long An, karja brei hu jalan ngak, sarak dong brei prong, njauk bruk piah ngak jeng prein jhul patagok bruk pambuak gauk di doanh nghiệp, hợp tác xã song urang nong. Njauk pataom dom gah, labik ngak labik sản xuất, doanh nghiệp tame kalup kapul atau hiệp hội song rami ramik veik bruk pachreih nong bhap bini. Hu yau nan, bruk pablei kaya nong dalam tuk vak anak tal meng patagok tani tanat song khang kajap./.

Urang lang: Hani Pha – 20/05