Palei Kon Hring, xã Diên Bình, huyện Đăk Tô, tỉnh Kon Tum urak ini hu salih bahrau abih gah kinh tế xã hội, ngan haong sang rông bahrau praong, glaong di kreih dom baoh sang daok tani tanat; dom jalan bê tông gheih mekre nduac tapa dom bein hijao di njam patam saong baoh karuac. Amuk Y Hxuân, sa urang daok di Kon Hring drut drui khan lac: “Ndang, Kanja biak caik hatai sangka, abih di nyu lac urang bangsa Xơ Đăng. Sangka cak rok patagok kinh te, pabak brei dom janih phun pala, palagaih ka rahra dalam palei hu sa baoh Sang rông. Mikva kham marat piah ka kinh te hu kaya mada jang. Urak ini, sang danaok jeng gheih mekre paje.”

Mayah mikva daok di Kon Hring iek glaong dom jak jeng di cách mạng, jia tui Ndang saong Kanja, ye urang dom puk palei bangsa takik di huyện Tu Mơ Rông gah barak di tỉnh Kon Tum dak anit ranam Ndang dalam luac dom thun bilan hu urang jakar mai gam mbang, gam daok, gam ngak bruk piah jhul kadun likuk eik lipa saong dom bruk oh daok lagaih. Saai A Hai, sang daok di xã Đăk Hà brei thau, meng jia tui Ndang saong urang jakar, sang saa pala hu labaih 5.000 phun gáo vàng mek kayau, raong yaok piluh drei limo, kubau, kuac danao raong ikan,… ngan haong drap ar hu yaom yaok tỷ đồng: Biak thau dhar phol Ndang, Kanja hu padang ngak cơ sở hạ tầng biak khang kadang, haci hacih, siam gheih, mbuan lagaih dalam bruk nao mai. Urak ini, mikva kham marat ngak mbang cak rok patagok kinh te saong tuk halei jeng sahaneng bac taa, ngak tui kreih camin di Wa. Dahlak lambaok ka mikva dalam palei biak thau dhar phol Ndang, Kanja hu caik hatai sangka tal, daong palagaih ka mikva biak rilo.”

Tui ong Trương Hồng Doanh, Bí thư Ndang ủy xã Đăk Kôi, huyện Kon Rẫy, tỉnh Kon Tum, mayah mikva dom bangsa dalam huyện tuk halei jeng hu hatai jia tame Ndang, ye dom urang jakar – urang ndang meng xã tal huyện tuk halei jeng njauk haong hatai jia nan. Dom urang jakar hu rilo thun nao gam haong rahra meng bruk sit tal bruk prang, ngak jeng talei rohim anit ranam gauk: Dom urang ndang pak ini tuk halei jeng patagok hu bruk ba akaok nao dahlau dalam bruk khik kajap an ninh trật tự, salamat puk palei, abih di nyu nan lac urang ndang lac urang bangsa takik bhian pathau khan, jak ba rahra oh pang tui, oh ngak tui panuac pacuh pajarak di kol kanjak jhak.

Tui ong Ka Ba Tơ, umo 83 thun, lac Phó Bí thư Thường trực Tỉnh ủy dahlau deih, akaok HĐND tỉnh Kon Tum dahlau deih, dom panuac bahrau ndem blaoh lac meng hatung hatain di mikva bangsa takik di tỉnh Kon Tum. Ông Ka Ba Tơ brei thau: “Sarak ngak ka urang jakar, urang ndang saong rahra pataom tame cak rok patagok kinh tế - xã hội biak catang saong khang kajap. Ka dua veik lac dak padang Ndang khang kajap, ba akaok nao dahlau di urang jakar, urang ndang piah dang tabiak pato ka rahra peih ngak njauk dom Sarak di Ndang, Kanja.”

Daok patui jalan nao gam haong tỉnh Kon Tum saong taneh ia dalam tukvak bahrau, atah di ini labaih 2 thun Mban Thường vụ Tỉnh ủy Kon Tum hu pato tacei peih bruk jak ba “salih jalan sahaneng, jalan ngak di mikva bangsa takik, ngak ka mikva bangsa takik tabiak truh kan kathaot khang kajap”. Nan lac jalan khang kajap piah brei mboh hatai jia di rahra dom bangsa tame bruk pan akaok di Ndang, ba puk palei dak harei dak trei sil, haniem phul./.