Kadha vak "Kan kandah ka bruk ngak, rilo urang ngak di gah Meraong tok thau pambak tame bruk suak jien BHXH sa mbang" di urang vak Kim Thanh.

Jit Covid-19 daok ngak kan kandah prong tal dom doanh nghiệp, tal harei ini, bruk kurang đơn hàng jeng daok rah tabiak, ngak ka doanh nghiệp njauk patrun tukvak ngak bruk, cakak trun urang ngak. Bruk ngak tabiak pandap, pablei salih pandap di dom doanh nghiệp daok gaok kan kandah, đơn hàng daok njauk cakak trun dalam quý I/2023, meda dui atah tapa quý II/2023. Kadha ini meda ba tal bruk rilo urang ngak njauk patrun tukvak ngak bruk, lahik bruk, pambak tal yaom jien mek tame saong rai diuk.

Tui Sở LĐTBXH TPHCM, tapa pasang iek di jaik 3.800 jabat dalam quý I/2023 brei mboh lac hu labiah 30% doanh nghiệp khan lac urang ngak daok trun, labaih 50% khik tamo dom urang ngak. Tui kuhria mboh dahlau dalam quý II ini, labaih 71% doanh nghiệp jeng daok khik veik bruk ngak pandap, pablei salih yau klak, jaik 21% doanh nghiệp tagok, labaih 7% doanh nghiệp meda patrun urang ngak. Dalam thun 2022, TPHCM hu labaih 146.000 urang taduan mek hu jien daong thất nghiệp. Dalam 2 bilan akaok thun ini hu labaih 17.000 urang taduan mek hu jien daong lahik bruk ngak. Urak ini, jaik 99.000 urang ngak tabiak truh labik ngak bruk di drei, jeng hu makna lac yaok pluh ribau urang ngak daok cang suak mek jien BHXH sa mbang. Ong Nguyễn Văn Lâm, Phaok akaok Sở LĐTBXH TPHCM brei thau: “Makna praong ba tal srau kadau, tuk bo đơn hàng trun, tavak sraiy BHXH, bruk chốt sổ BHXH ka urang ngak oh peih ngak hu. Meng nan, quyền lợi di urang ngak njauk gaok tame, nan ye di dom labik pandiak yau Bình Tân, Củ Chi, Thủ Đức, ban raya hu tacei pato dom quận huyện pambuak bruk haong BHXH, Liên đoàn Lao động, Sở LĐTBXH duah thau cambaih talei pambuak bruk urang ngak di puk palei, bruk ngak mbang pablei salih di dom doanh nghiệp piah hu jalan langyah samar drah, plaih rah tabiak dom bruk oh siam”.

Tui ong Trương Văn Cẩm, Phaok akaok Hiệp hội jik menyim Việt Nam (VITAS), piah daong ka urang ngak ye njauk daong ka dom doanh nghiệp pasiam veik bruk ngak pandap, pablei salih, khik ramik saong peih prong bruk ngak pandap, ba bruk ngak saong jien mek tame ka urang ngak piah khik takai urang ngak, patrun bruk urang ngak suak jien BHXH sa mbang. Hiệp hội jeng hu pok panuac tagok Karja hu dom jalan ngak daong ka doanh nghiệp yau daong phun jien saong tín dụng, daong darak pasar trái phiếu saong jien padai, daong gah jien je, salih bahrau harak gar hành chính, brei mesre piah pachreih urang buh jien tame ngak mbang…: “Doanh nghiệp jeng njauk ta-eng drei kuhria caga ginup abih min ngan haong Raja-ei, dom Mentri, dom ngành, jabat Karja ye khaol dahlak jeng hu kiến nghị lac ngak yau habar piah daong jien jhung mesre gilang pariak, abih di nyu lac dom sarak ka jien je yau  jien je jien mek tame di doanh nghiệp, jien je giá trị gia tăng, jien je jien mek tame hu di yaok urang… jeng yau dom janih kadung jien. Khaol dahlak jeng caong khin brei hu dom roh duah piah meda dui atah, brei padeih atau patrun yaom jien rik tame kadung jien công đoàn”.

 Ong Lê Đình Quảng, Phaok akaok MBan sarak adat hukum, Tổng Liên đoàn Lao động Việt Nam mboh lac, brei hu dom sarak daong siam ka rai diuk di urang ngak dalam tukvak urak ini. Thau chip bruk kan kandah, cakak trun  đơn hàng di dom doanh nghiệp; bruk tavak jien bilan, tavak jien bảo hiểm xã hội, bảo hiểm y tế, bảo hiểm lahik bruk ngak di urang ngak… piah samar ba tabiak dom jalan daong. Meng lavik mai, khaol drei caik hatai tal sarak BHXH min meyah urang ngak bo hu bruk ngak suai lavik, khang kajap ye dom urang nan oh saneng tal bruk suak jien BHXH tui jalan taduan mek jien BHXH sa mbang,  ini lac bruk bo khaol drei njauk pamaong tal./.