Trung tuong Trương Thiên Tô, Phaok Akaok Tong cuc Chinh tri Bol lin bhap bani Viet Nam brei thau, yaom lac 50 thun hu nao tapa blaoh min hatai hadhar dom hagait rah tabiak dalam jaman mesruh metak jeng daok tamo dalam glo akaok, nyu yau hajung apui brei pren yava ka rai rah harei ini dak padang taneh aia khang kajap, kaya meda.

“50 urang lambaok dalam mbang pataom mbaok ndom biai nao mai harei ini hu makna ya sa ginum praong gah ilamo, pahadar 50 thun yasa taneh aia tame sa baoh nagar; nan ieu lac prein khang piah pachreih, patuk apui meng kan brei ka rai rah dam dara ranaih harei ini jie hatai, khang takai yam tagok, nao tui bruk ngak katmang di bangsa dalam jaman bahrau.”

Dai uy Vũ Đăng Toàn, urang dahlau diah ngak Chinh tri vien Dai doi, Pan akaok radaih xe tang 390 – urang hu mbaok tapak dalam bruk radaih xe tang ginuh jaleih pabah mbang Dinh Doc Lap kreih pandiak harei 30/4/1975 brei thau, ong oh van hu tukvak dak rai sajarah nan. Tuk nan, bol lin drei ngak hu bruk praong glaong truh langik, ngan haong hatai mesruh metak biak khang saong hatai jia mek hu jayah. Dalam mbang taong puac di abih, jabat ong hu glok haluh daning pacang cakak puac abih di khaman ngụy quyền pak akaok tatua Bai Gaor. 

Ini oh njauk lac sa jayah prong gah chien thuat, blaoh daok lac sa baoh jeng siam mekre di hatai that tiak saong hatai kham merat di taong abih urang jakar, bol lin. Dahlau di tuk patuh phao, Ban chỉ huy urang pan akaok nyaom biai saong njauk hatai haong gauk: “Ngak habar njauk nao truh tapa tatua ka bahu, taong tapak tame jalan ngak hu ba tabiak blaoh – nan ieu lac Dinh Doc Lap!”. Ong Vũ Đăng Toàn kanar hadar lac:

“Bruk rah tabiak di kreih pandiak harei 30/4 dak rai sajarah blaoh khaol dahlak dom urang lin oh van hu, kayua lac drei ngak hu sa bruk biak njauk pok meyaom saong khang hatai, nan lac inem bhong meraih dalam rai khaol dahlak. Khaol dahlak biak bui sambai, oh saneng jayak di mbang taong dang angan va Ho Chi Minh samar drah yau nan, mong mboh hu bruk jaleih saong yein tangin likau alah di karja Ngụy Dương Văn Minh”.

Daok Thieu uy Nguyễn Văn Tập, tuk nan hu pakat Trung si, peih radaih se tang 390 drut druai khan, thau ka hadom ayut sahabat di ong saong bhap bani klak rup drei piah ka kapul radaih taom gaok saong taong tayah hu pabah mbang Dinh Doc Lap:

“Dahlak blaoh blai paje saong sua tangi sa-ai Toàn – chinh tri viên, urang dang akaok radaih di dahlak: “Urak ini drei yau habar sa-ai?". Sa-ai Toàn ndom sa panuac tabiak palaoh panuac lac “Cei nyu njauk taong tame nao”. Di tuk nan, dahlak taong tangin lái tapa gah hanuk, mek jalan căn biak njauk di pabah mbang chính, yuak ga nduac ginuh tame pabah mbang. Radaih dahlak taong tame Dinh Doc Lap akaok meti”.  

Trung tuong Lưu Phước Lượng, urang dahlau diah ngak Phaok Tu lenh Quan khu 9, phaok akaok MBan tacei pato Tay Nam Bo, urak ini lac cố vấn Kapul nyaom daong baoh sang bol lin Ban raya Ho Chi Minh brei thau, dalam rai mesruh metak di drei, ong mong mboh hu rilo pandiak harao, khat lahik, van klak rup drei di ayut sahabat saong tal harei ini kadha nan ngan haong ong jeng daok lac “sa paok sray oh ka ba-yar hu ka sahabat ayut cuai di drei”. Urak ini ong patui veik sa bruk ngak oh ka padeih veik  - sa bruk ngak brei ka dom urang ndih trun:

“Sa vaktu atah dhua tamuh dalam akaok dahlak dom tâm trạng trak damak bo dahlak saneng lac hatung hatai ini oh thau tuk halei khaol drei meng ba-yar ka nyu blaoh. Kayua yau nan ye tuk dahlak padeih bruk karja ye bruk akaok meti dahlak ngak nan ieu lac nao rivang dom jabat, rivang dom ayut. Urak ini daok hu pren, daok hu nao mai, daok hu kham merat hu mbaok gam dom sa-ai piah ngak bruk dhar phol ini ka nyu tani tanat”.

Sa-ai Nguyễn Thị Trang, gru pato, Bi thu Kapul Dam dara Sang bac Cao ndang Ilamo seni Ban raya Ho Chi Minh brei mboh hatung hatai iek prong pok glaong hadei di tuk hu pang dom hadar meng di dom urang nao dahlau, dom urang hu rik daong ngak jeng jayak prong, ba mai bebat, tu do ka bangsa: 

“Khaol dahlak lac dom urang ranaih daok diuk dalam jaman saron mbon, oh njauk nao tabiak mblang mesruh metak, min khaol dahlak thau lac drei daok dang di mat tran karei nan lac mat tran ilamo. Nan lac jauk pandar ilamo di drei tabiak piah daong prein brei ka rai rah”.

Jayah 30/4/1975 hu srak tame dalam dak rai sajarah bangsa yau sa inem bhong hadah tanjak. Nan lac harei taong abih bangsa thei thei jeng bui sambai dalam jayah praong. Hala dok di Mat tran Bangsa peih paha gah Meraong Viet Nam par angaok tabung Dinh Doc Lap, taong inem tukvak taneh aia pagam sa talei, padeih dom thun bilan mesruh metak biak rambah rambup, lahik lahai saong neh rabha./.