Dah page harei 8/12, UBMT negar Việt Nam huyện Xuân Lộc, tỉnh Đồng Nai pambuak haong UBND xã Xuân Hưng peih bruk jao baoh sang anit ranam ka sang ong Saroles, bangsa Cam daok di puk 4, xã Xuân Hưng.

Baoh sang bahrau hu padang ngak biak mekre, siam, praong labaih 50m2, hu 1 bilik taduan tuai, 2 bilik ndih, sang ghing saong jaman. Abih tih phun jien padang ngak lac labaih 180 triệu đồng. Dalam nan, kapul dom doanh nghiệp Hàn Quốc di Đồng Nai hu daong 80 triệu đồng, yaom jien daok veik lac kayua sang ong saong gauk gar daong pabak  tame.

Tuk taduan sang bahrau, sang ong Saroles daok hu Gah tài trợ, UBMTTQ tỉnh Đồng Nai, karja palei alin brei rilo pandap, kuhria tabiak yaom jien abih tih lac yaok piluh triệu đồng./.

Urang lang: Thu Thảo