Pagam haong bruk ngak ahar jaik 25 thun, yaok bilan labik Tân Bạch Nguyệt di sa-ai Từ Thị Nguyên Mai, daok di palei Trường Khánh 1, xa Long Thạnh, huyen Phụng Hiệp ba tame darak pasar meng 10-15 ribau baoh ahar pía saong rilo janih keo karei. Gam haong hatai caong takre ba baoh ahar di sang drei ngak nao atah jang, meng thun blaoh sa-ai hu mbaok tame danak dak OCOP brei ka ahar pía. Tui sa-ai Mai meng di tuk mek hu angan OCOP 3 patuk, ahar pía di sang saai hu tuai damuai taduan blei rilo jang, pablei hu rilo jang dut haong dahlau daih.

 “Drei hu mbaok tame Danak dak OCOP ye angan jie pandap nda kaya ngak drei hu nao atah jang. Kaya OCOOP hu urang thau tal rilo jang. Nao tame sieu thi, nao tabiak negar langiu ye kaya di drei jeng hu danei angan tagok saong urang jia tame kaya di drei jang.”

Langiu di brei patagok bahrau ndap nda kaya kan, huyen Phung Hiep daok pambuak haong dom labik, gah daong ka dom urang po ngak salah blaoh dom janih kaya ndapnda tui jalan paglaong angan siam chat luong saong ngak salah thaik thaot papaok, bruk ngak ba tabiak, ngak salah dom kaya saong bruk yaih khan pablei salih brei ka darak pasar, yaih khan ndapnda kaya, tui bruk pablei salih online, pablei tabiak kaya saong ngak bruk khik caga asal angan bruk ngak brei ka kaya ndap nda. Tal ini, ralo janih ndap nda dalam nan mboh kaya OCOP hu urang ngak mbang dang mek jeng ye brei parabha kaya ndap nda.

Amuk Võ Thị Phương Trang – Akaok labik riak alak tui jalan ngak meng kal Út tây, daok di palei tân Long A, xa Tân Bình, huyen Phụng Hiệp, tinh Hậu Giang, urak ini hu 4 kaya pandap mek hu OCOP 4 patuk pakat tinh, gam mek hu kaya pandap OCOP kreih camin di bhum taneran kraong Cuu Long, ndom lac:

 “Janih brei riak alak Út Tây meng brah, meng mekuac yau nan ye Út Tây jeng daong brei pok praong pok paglaong yaom di asar brah saong gam haong di nan jeng ngak tabiak tui tuần hoàn, nao tal jalan ngak mbang hijao, hacih sa-at. Caong takre lac kaya ngak nong di Hau Giang hu sa yam patagok bahrau, paglaong yaom di dom kaya ngak nong.”

Tal ini di huyen Phụng Hiệp hu 42 kaya mek hu angan OCOP, hu 15% di dalam dom kaya OCOP di tinh Hau Giang. Dom kaya hadei tuk mek hu angan OCOP jeng hu ba nao yaih khan pablei salih tagok ralo meng 50%-60% dut haong dahlau tuk mek hu angan. Taong abih jien mek tame meng dom kaya OCOP di huyen thun blaoh hu jaik 100 ty dong.

Dalam thun ini, huyen Phụng Hiệp ba tabiak jalan padang takik di nyu meng 5-7 kaya OCOP hu 3-4 patuk pakat huyen, salah blaoh harak gar tut angan taong yaom kaya OCOP pakat tinh saong brei caga 07 kaya pandap dalam puac thun. Dom kaya pandap hu pataom tame padang dalam thun ini hu rabha jeng dua kapul. Kapul kaya mbang saong kapul kaya jru saong kaya meng jru. Ong Lê Như Lê- Phaok akaok UB Bhap bini huyen Phụng Hiệp brei thau:

 “Di dalam tukvak masa meng anak khol dahlak daok jak ba saong duah jien daong brei ka dom hop tac xa dalam nan hu dom Hop tac xa bahrau hu blaoh sagait kaya OCOP. Ye khol dahlak mada daong jien phun, daong dom labik piah ba tabiak kaya, daong cara ngak barau, daong tame dalam bruk ngak piah ba tabiak kaya dak harei dak siam jang. Langiu di nan khol dahlak patui veik patagok dom kaya OCOP hu angan jia di bhum palei.”

      Ngak danak dak OCOP, jalan ngak di huyen Phụng Hiệp nao tal langiu di bruk patagok kein lagaih dalam bruk ngak nong, ba bruk ngak mbang di bhum palei patagok khang kajap, paglaong raidiuk rahra palei pala. Yaok sa kaya OCOP mek hu angan jeng yau dom baoh kiak piah Phụng Hiệp ngak tui Sarak ka 05 di Ban Chap hanh Ndang bo huyen ka patagok bruk ngak nong khang kajap pagam haong jirah main tukvak masa 2021-2025, kuhria dahlau tal thun 2030, peih tabiak kein lagaih ka “gah cong nghiep oh hu asak” di bhum palei ini hu brok tagok.