Urang nong daok di bhum taneran kraong CL ngak kaya meda meng pala padai

Bhum taneran kraong Cửu Long urak ini hu taneh ngak padai labaih 4 triệu ha sa thun, meblah labaih mateh dom taneh ngak padai dalam taneh ia saong sản lượng padai mek hu 23 triệu tal 24 triệu tấn sa thun. Dalam bhum hu jaik 212 ribau ha ngak tui bruk pala padai pablak haong raong hadang ngan haong sản lượng labaih 84.700 tấn. Bruk njauk uan tabuan nan lac abih tih jien mek tame di bruk ngak padai pagam haong raong hadang di rilo baoh sang hu labaih 90 triệu đồng/ha...

Ong Tạ Mạnh Kha, Akaok Kapul khik ramik Hợp tác xã (HTX) dịch vụ ngak nong Minh Tâm daok di xã Khánh Bình Tây, huyện Trần Văn Thời, tỉnh Cà Mau brei thau, piah peih bruk ngak padai tui jalan hữu cơ, ong Kha hu nao tal tỉnh Sóc Trăng bac megru ilamo ngak padai hacih mai pandar ngak ka mblang hamu sang drei. Ngak hu hadei di mbang camiep, dom urang nông daok jaik taphia jak gauk ngak tui. Tal puac thun 2018, HTX Minh Tâm cak rok bhum pala drak tagok labaih 500 ha, hu So ngak nong saong patagok palei pala tinh Cà Mau pok brei angan bhum ngak padai salamat. Tal urak ini, bhum ngak padai hacih di HTX ini hu peih praong tagok labaih 1.000 ha, hu labaih 300 baoh sang hu mbaok tame ngak padai hacih ngan haong dom janih pajaih hu chất lượng glaong.

Bruk ngak padai tui jalan ngak padai pablak haong raong hadang nan lac ilamo biak siam ba tal jak jeng tuk camriep di Hợp tác xã dịch vụ - ngak padai pablak haong raong hadang di HTX Trí Lực, daok di huyện Thới Bình, tỉnh Cà Mau. Tal urak ini, HTX Trí Lực hu pambuak haong urang nong piah peih praong bhum ngak padai meng 50 ha di 15 baoh sang tagok labaih 800 ha ngan haong bruk hu mbaok di labaih 500 urang nong pala padai di pak ini. Dalam nan, hu 117 ha padai mek hu angan padai hữu cơ saong labaih 700 ha padai mek hu angan padai hacih.

Rilo thun ini mai, urang nong hu angan je Nguyễn Văn Quất daok di xã Phước Long, huyện Phước Long, tỉnh Bạc Liêu tuk halei jeng jak jeng haong bruk ngak padai pablak haong raong hadang di mblang taneh labaih 3 ha, yaok thun jien mek tame tui kuhria meng 300-400 triệu đồng. Daok urang nong Nguyễn Văn Dũng, daok di puk Tà Suôl, xã Lộc Ninh, huyện Hồng Dân brei thau, drei hadang, phun padai hu daong ka urang nong ngak kaya mada, rik daong ngak ka bhum palei atah bayah ini hu salih mbaok meta. Meng jalan pala drak takik pandar khak saong jru halak dalam bruk ngak padai piah khik caga  môi trường raong hadang nan ye kein laba tagok cambaih laih, mblang raong hadang khat lahik trun manieng, tok daok 6% dalam thun ini.

Urak ini bruk ngak padai tui jalan hữu cơ piah patrun kan kandah tal alam môi trường lac jalan nao njauk. Dalam nan, bruk ngak padai saong pablak haong raong hadang hu dom urang ilamo taong yaom lac bruk pala drak hadah krah, siam lagaih di dunya. Cà Mau urak ini hu labaih 90.000 ha taneh ngak padai, abih tih sản lượng padai yaok thun labaih 550.000 tấn. Yam ndoc HTX Trí Lực Lê Văn Mưa brei thau: kham marat hu labaih 200 ha padai ST24 mek hu angan  padai hữu cơ piah pablei tapa darak pasa Mỹ, EU, Nhật Bản. Bruk nan meda ngak hu dalam bilan ngak anak tal, kayua luac tukvak ngak padai, dom baoh sang urang nong hu mbaok tame HTX oh pandar janih hóa chất hagait piah hu alam môi trường hacih pabak ka bruk raong hadang.

Di tỉnh Sóc Trăng, tapa 5 thun peih ngak Danak dak patagok ngak padai đặc sản, tukvak 2016-2020, mblang taneh padai đặc sản, padai pahe dom janih hu tagok, meng labaih 148.000 ha tagok tal labaih 178.000 ha, yam tapa jaik 30% dut saong bruk ba tabiak di danak dak. Thun 2022, tỉnh kham marat mek hu sản lượng labaih 2 triệu tấn. Tỉnh hu padang bhum ngak padai pablak haong raong hadang tani tanat, brei thau ini lac bruk ngak padai hadah krah, khik siam alam môi trường, pamaong tal cak rok khang kajap ngan haong 10.000 ha.

Urak ini, gah ngak nong dom tinh, ban daok salih bahrau saong ngak pasiam dom ilamu ngak padai pambuak haong raong hadang tui jalan paglaong chất lượng, parilo janih pandap saong cak rok patagok bruk ngak tui jalan khang kajap. Dalam nan, dom gah hu mbaok tame njauk ngak cambaih dom bruk pala drak, janih pajaih saong ngak njauk tui tukvak pala drak biak catang.. yam tal cơ giới hóa, hu pok brei angan pandap panda piah mek hu yaom glaong jang./.

Urang lang: Thu Thao – 05/05