Jalan hu tuh betong tapak kein lagaih ka bruk nao mai 

Xã pulao kaoh mek hu angan palei pala bahrau paglaong - An Thạnh I, daok dalam huyện Cù Lao Dung, lac xã akaok mereip mek hu chuẩn palei pala bahrau di tỉnh thun 2014 saong mek hu angan palei pala bahrau paglaong di puac thun 2020. Hu rilo công trình hạ tầng hu buh jien tame ngak meng danak dak padang ngak palei pala bahrau  di xã, nan ye bruk ngak mbang saong daok dang nao mai di bhap bani hu mbuan laghaih jang. Hu jalan mbak nao mai siam mekre, kaya ikan hadei di tuk mek pablei hu urang pablei salih mai tal labik duah blei haong yaom glaong jang. Sang bac hu padang ngak siam mekre, nan ye uranaih hu nao tal sang bac. Hu balai y tế rik daong iek glang pren yava bhap bani palei tasik hu siam jang...

Tui ong Nguyễn Văn Đắc – Akaok Jabat ngak nong saong patagok palei pala huyện Cù Lao Dung, thau lac bruk padang ngak palei pala bahrau, palei pala bahrau paglaong saong palei pala bahrau kiểu mẫu lac piah paglaong rai diuk ka bhap bani, ngak pasiam jalan mbak nao mai piah duh ka bruk ngak mbang kinh tế - xã hội tui jalan bahrau di abih, nan ye huyện daok brei buh jien tame ngak, paglaong dom tiêu chí dalam nhóm kết cấu hạ tầng piah pabak  ka bruk công nghiệp hóa, hiện đại hóa di puk palei. Abih di nyu lac, dalam xã cak rok patagok hu rilo bruk ngak mbang mek jien tame meng 500 - 600 triệu đồng sa ha sa thun; hu dak padang, patagok hu 68 bruk pala phun mbang baoh. Dalam nan njauk ndom tal dom bruk ngak kinh tế brei jien tame glaong yau: pa-aok Cát Chu mek hu 500 triệu đồng sa ha sa thun; darang xuồng, kruac bingu tím, pala bingu thiên lý (200 - 300 triệu đồng/ha/thun.

Daok di xã palei pala bahrau paglaong Tham Đôn, huyện Mỹ Xuyên, labik hu rilo bhap bani bangsa Khơ me daok, hu caik hatai tal dom bruk ngak  kinh tế kein laba saong laghaih haong adat cambat tanarakun di bhap bani. Meng bruk padang ngak palei pala bahrau bo rai diuk di bhap bani hu patagok, rilo bruk ngak mbang kinh tế patagok hu kein laba, yau raong limo aia tasau, pala njam patam pambuak hong rilo pala rilo janih phun ba jien tame rilo ka bhap bani. Tuk bruk ngak mbang kinh tế tani tanat, karja palei jak ba mikva rik daong jien padai, pren yava tame ngak dom công trình công cộng tapa jalan xã hội hóa biak mbuan lagaih jang.

Ong Tăng Trung Bảo - Bí thư Đảng ủy, Chủ tịch xã Tham Đôn brei thau, “Lac xã hu rilo bhap bani Khơ me, khaol dahlak tuk halei jeng kuhria tal bruk  raong, pala yau habar ka nyu laghaih saong hu rilo bhap bani pachreih tui meng hu jak jeng. Ngak hagait jeng njuak iek prong bruk khik ramik asal ilamo, cak rok patagok kinh tế, min njauk pambuak pagam haong bruk khik ramik adat cambat tanarakun di bhap bani. Mai meng dom bruk ngak yau nan, hu daong ka Tham Đôn mek hu chuẩn palei pala bahrai paglaong di puac thun 2021”.

Ong Lâm Văn Mẫn - Bí thư Tỉnh ủy Sóc Trăng brei thau: Sóc Trăng lac tỉnh kathaot, hu jaik 36% bhap bani bangsa Khơ me, dalam bruk padang ngak palei pala bahrau, tỉnh tuk halei jeng saneng lac drei bahrau ba tangin tame ngak oh ka hu labik padeih. Abih di nyu brei thau lac, bhap bani lac pasak piah  pathau khan, daong ilamu, kỹ thuật, ieu pataom yaok pren khang brei ka bhap bani, patui jalan pachreih tui hu mbaok tame dom bruk pakacah padang ngak palei pala bahrau di puk palei.

Meng jalan ngak siam laghaih dalam bruk padang ngak palei pala bahrau bo mbaok mekra palei pala bahrau bhum urang Khơ me di Sóc Trăng hu rilo salih bahrau, hadah hadai. Rai diuk di bhap bani dak harei dak cakrok patagok, asal ilamo hu khik ramik saong patagok./.

Urang lang: Jasi -5/4