Cần Thơ daok kham merat abih drei, yam tapa dom tavak tavaiy, pasiam dom kan kandah piah hu jeng labik rivang ma-in melam “hu angan je”, ba dulich cak rok tagok birau. Danak dak hu peih ngak camereip abih di quận Ninh Kiều. Meng di tuk hu sarak brei ngak, melam 30/4 meng blaoh, jalan nao tabak Ninh Kiều hu peih tabiak duh ka tuai dalam ban saong tuai dulich.

Langiu jalan nao tabak Ninh Kiều, Ban Cần Thơ mboh lac patagok kinh tế melam pataom tame 4 gah  lac: ma-in sambai, mbang menyum, blei salih saong rivang iek. Ong  Trần Quốc Thành, Uỷ viên Thường trực Mban tacei jaln padang ngak jalan tabak Ninh Kiều brei thau, quận Ninh Kiều hu ba tabiak jalan patagok kinh tế melam meng tukvak dahlau, dalam nan hu ba tabiak dom jalan pablei salih. Meng harei 30/4 mbiah tal ini, harei sanecar yaok adit jalan nao tabak taduan raok labaih 1.000 tuai sa melam, ini lac bruk brei mboh siam lagaih, caong lac tapa nan piah ka Cần Thơ peih ngak dom bruk patui di danak dak “patagok  kinh tế melam”: “ Hadei di harei tabiak rai, ba tame ngak, dom bruk hagait daok kurang ye brei tacei pato pasiam, ngak habar khik hu siam abih ka bhap bini, tuai damuai mai rivang me-in. Khik brei jalan phố jeng lac labik mekre, labik rivang dulich di Ban Cần Thơ pambuak saong mblang bein  Ninh Kiều, tatua nao tabak jeng dom bruk pambuak veik ngak, hadei ini pambuak tame saong bruk ngak di kinh tế melam.”

Yaom lac hu hadah hadai tuk kinh tế melam hu padang ngak jeng danak dak, min tui taong yaom, urak ini ban oh ka hu labik kinh tế melam praong pabak ka bruk pandar dom dịch vụ ma-in sambai tuk melam ka tuai rivang ma-in saong bhap bini tui jalan tacei pato di Rajaei saong dom Mentri, gah. Dalam tuk Thủ tướng Rajaei mbaoh tangin  tame danak dak patagok kinh te melam di Viet Nam, di dom ban praong hu prein khang ye meda ngak iek dom labik ngak kinh tế 24 mon piah ba jien tame ralo.

Piah Cần Thơ ngak hu bruk nan, urang ilamu kinh tế Trần Hữu Hiệp khan lac, meyah Tapen ia Ninh Kiều, Sang lồng meng kan, darak melam Ninh Kiều hu palih ruah ngak iek ye brei buh jien tame ngak ka nyu siam. Langiu di nan, dom gheih mekre tapen kraong Hậu, kraong Cần Thơ urak ini daok njauk cakak veik,  ban caik hatai buh jien tame ngak meng darak anagok kraong Cái Răng tal quận Bình Thủy hu labik ka kinh tế melam meda pabak prein khang cak rok patagok kinh tế melam: “ Bruk nan njauk hu phun jien buh tame. Hạ tầng duh ka bhap bini ye karja brei kaoh tabiak paok jien praong buh tame ngak, daok veik bhap bini atau urang hu kein laba di labik ini  buh jien tame ngak. Meng kadung jien nan ngak jeng labik ka kinh tế melam cak rok patagok siam. Kinh tế melam oh lac bruk ngak kinh tế bo daok ndung bak makna ilamu main sambai yau nan ye nyu brei hu rilo bruk main mekre ngak brei siam gheih jang.”

Danak dak patagok kinh tế melam di Cần Thơ hu maong lac jalan lagaih dui gah dulich yam tagok hadei di tukvak kan kandah  kayua jit Covid-19, Pho akok Ban Cần Thơ Dương Tấn Hiển brei thau, dom sở, mban ngành oh “kadun likuh”, yam tagok pasiam dom kan kandah piah tauk angan ka Cần Thơ lac “ban oh ndih”. Caong lac “Danak dak Patagok kinh tế melam di ban Cần Thơ” ngan haong yaok jalan ngak cambaic laic, Cần Thơ samar pasiam dom kan kandah, ba bruk dulich saong kinh tế ban cak rok patagok jang dalam tukvak anak tal./.

Urang lang: Ai Nghiem -4/6/2022