Ini lac labik rivang main dane angan di huyện Bắc Bình, tỉnh Bình Thuận. Piah khik salamat ka rahra saong tuai damuai, gah chức năng hu padang “bảng cảnh báo” saong  pacang veik vil val labik glut jaleih. Kadha vak di Đoàn Sĩ, urang vak di rayo sap ndom Viet Nam  daok di TP.HCM:

Labik glut jaleih atah vil val labaih 115m, labik gar praong abih lac 21m, glaong 4m. Mblang taneh njauk glut jaleih labaih 1.590 m2. Piah khik salamat ka rahra di pak ini jang yau tuai damuai, gah chức năng hu peih ngak chip bruk padang paga pacang, katung talei, tacei brei thau ka labik glut jaleih piah ka manuac urang, radaih oh nao jaik labik glut jaleih. Ong Phạm Gia Hiếu, khik ramik labik ngak dịch vụ du lịch Bàu Trắng U&Me brei thau,  hu ieu kakei dom urang peih radaih địa hình oh pajeng tuai nao tal jaik labik glut jaleih: "Dahlau di abih dom gah brei pambuak bruk haong mban khik ramik labik rivang main Bàu Trắng saong UBND huyện samar drah pacang veik vil val labik glut jaleih, khan brei tuai thau saong pakauk taong abih dom sruh radaih oh nao tame labik hu pacang veik. Dom harei tapa, tui pasang iek jeng oh hu radaih halei nao tame labik pacang".

 Tui panuac khan di rahra daok pak ini, bruk glut jaleih taneh cuah ar Bàu Trắng bhian rahratabiak, min mbang ini glut jaleih ratabiak praong. Ong Lê Thanh Chung, akaok UBND xã Hoà Thắng, huyện Bắc Bình, tỉnh Bình Thuận brei thau lac, anak mata xã haong Đồn Biên phòng Hòa Thắng, patagok bruk pasang iek ieu kakei manuac urang, radaih oh nao jaik labik glut jaleih; daok  tui iek, brei thau labik mbuan glut jaleih dalam tukvak anak tal:  "Karja palei jeng hu khan ka rahra thau piah oh peih palao athur dalam labik mbuan glut jaleih, pathau khan tui rilo jalan yau ye papar tapa loa, pathau khan tapak. Piluh dom thun dahlau jeng rahtabiak bruk glut jaleih di labik jaik ar cuah min takik, daok mbang ini rilo jang".

Jalan ngak suai lavik, palei jeng likau UBND tỉnh pato tacei dom So, dom gah pambuak tal, daa dom urang ilamo gam haong palei pasang iek taneh riya, taong yaom, duah tabiak makna ngak brei glut jaleih cuah piah hu jalan langyah ngak pasiam, khik caga labik ravang main Bàu Trắng.

Bàu Trắng lac labik dane angan di tỉnh Bình Thuận daok di xã Hòa Thắng, dalam huyện Bắc Bình. Pak ini hu maong lac “Sa mạc Sahara sit” ngan haong dom mbuan cuah glaong – biar, thaot binguk karei di gauk saong tuk halei jeng salih karei meng ngin yuk. Yaok thun, Bàu Trắng dui pachreih hu yaok ratuh rabau tuai mai rivang main saong duah thau.

Bàu Trắng lac labik gheih mekre hu Mintri Ilamo, TT&DL dak angan lac labik inem krung pakat negar saong daok dalam quy hoạch taong abih gah piah cak rok patagok Labik du lịch pakat negar Mũi Né, tỉnh Bình Thuận tal thun 2025, pamaong tal thun 2030./.