Gam nao taong cap, khik caga kaya ikan, gam duah thau bruk angaok tasik, sa-ai Đỗ Công Liêm, urang lin Trung đội Dân quân biển xã Tam Thanh, huyện Phú Quý, tỉnh Bình Thuận tuk halei jeng kham merat hu mbaok tame bac megru dom ilamu mesruh angaok tasik: “dahlak hulin hadah mbaok mata lo tuk lac sa urang  dân quân tasik, dahlak taong cap langiu tasik hu mbaok tame duah thau bruk angaok tasik. Dahlak saong ayut sahabat tuk halei jeng abih drei hu mbaok tame dom bruk pato pasram, tuk halei jeng caga abih bruk piah khik palei negar”.

Tam Thanh lac xã camereip abih di huyện Phú Quý brei padang trung đội dân quân tasik ngak iek, pilih ruah dom urang nao tasik daok hu mbaok taong cap kaya ikan angaok dom sruh kapal gilai ikan saong gilai pataom blei kaya ikan. Trung đội dân quân tasik Tam Thanh hu parabha jeng 3 tiểu đội, gam ngak bruk taong cap kaya ikan gam pathau khan samar drah bruk angaok tasik mai ka mBan chỉ huy Quân sự xã, abih di nyu lac dom bruk pambuak tal tasik pulao, bruk kapal gilai negar langiu lih tame bhum tasik Việt Nam saong gaok bruk oh lagaih angaok tasik. Ong Phạm Minh Đức, akaok mBan Chỉ huy quân sự xã Tam Thanh, huyện Phú Quý, tỉnh Bình Thuận brei thau: “mban chỉ huy quân sự xã Tam Thanh hu cakrok, dak padang biên chế kapul dân quân ginup 1,42% duk saong menuac sia. Langiu di bruk taong cap kaya ikan, kol dahlak daok sangka pato pakai chính trị, jalan sahneng ka taong abih dân quân tasik, thau cambaih bruk ngak di drei”.

Huyện pulao Phú Quý hu 3 xã lac: Tam Thanh, Ngũ Phụng saong Long Hải, hu jaik 1.500 gilai taong cap kaya ikan gam haong labaih 7 rabau urang ngak angaok tasik. Dalam nan hu 1/3 dom gilai taong cap di tasik atah. mBan Chỉ huy Quân sự huyện hu padang angaok yaok gilai taong cap di tasik atah hu meng 2 tal 3 dân quân saong 10 sruh gilai ngak jeng 1 trung đội daok di tasik.

Meng caik hatai sangka saong sami samar dalam padang ngak, khik ramik, pato pasram, bruk ngak di dân quân tasik huyện Phú Quý oh padeih hu paglaong. Trung tá Nguyễn Minh Hải, Phaok Chỉ huy - Tham mưu trưởng mBan Chỉ huy Quân sự huyện Phú Quý, tỉnh Bình Thuận brei thau:“Ngan saong dân quân Long Hải labik nan pato pasram yau habar, jaik haong bruk di anak mata atau di xã Ngũ Phụng jalan pato pasram jaik haong puk palei. Dalam tuk pato, pasram, dom adei bac megru biak samar”

Gam haong gah dân quân thường trực saong dom tapon nyom bol pan phao kraong daok angaok pulao, dân quân tasik Phú Quý tuk halei jeng paglaong hatai sangka, kajap tangin phao, halan hatian khik caga quyền ngak po tasik, pulao, khik labik taong cap kaya ikan... ka urang ngak ikan sahanang hatai ngak bruk angaok tasik, patagok kinh tế, dak padang palei negar saong rik daong panuac tame bruk khik caga quyền ngak po tasik, pulao./.