Tukvak masa blaoh tapa, Linh mục Hoàng Văn Số, hakem jammaah Thanh Hà, xã Ia Đrăng, huyện Chư Prông, tỉnh Gia Lai hu ngak siam bruk pambuak di dom kapul nyaom politik saong mikva tui agama di ini. Tui ong, piah ka dom bruk ngak siam, dom bruk ngak hu angan hu pambak praong njauk ngak njauk ngak jeng.

Kayua yau nan ye, dalam dom panuac khobah dakwah kadha agama, linh mục jammaah Thanh Hà tuk halei jeng pablak tame biak lagaih, duah jalan ngak bahrau dom asal kadha ka hatai jia, bruk jumpataom gauk, daong ba gauk dalam raidiuk, khik siam makre ka rahra, padang ngak baoh sang haniem phul, kuhria pamaong ba dam dara ieik tal raidiuk siam makre ka dunya.

“Brei ka bruk ugama ieu lac sa urang Katolik tuk halei jeng njauk ngak dom janih siam gheih di abih ka mikva, meng bruk langyah ka asal kadha, ma-in sambai, atau lac bruk brei ka anek kamuan mbang bac, tuk halei jeng dui pachreih peih ngak. Bruk ngak nan oh lac sajanih pachreih bruk pakacah dalam jammaah palei, blaoh tuk nao tal sang bac, atau tabiak langiu jeng meda piah cak rok patagok siam ka anek manuac di taong abih gah kadha.”.

Tui asal kadha “ndem ka rahra pang, ngak ka rahra thau, pato tacei jalan ka rahra tui saong ba akaok ngak ka rahra jia tame”, Ndang ủy, kanja Mặt trận Negar dom pakat saong dom kapul nyaom, dom manuac urang hu pambuak haong dom urang halau janieng, dom urang angan je dalam rahra peih ngak rilo bruk ngak hu kein lagaih, yau ye labik tui agama oh hu urang ngak chung suan, khik ramik alam moi truong, khik siam makre ilamo siam gheih di bangsa, padang ngak palei pala bahrau dak harei dak patagok siam lagaih saong hu bruk ngak dalam.

Pagap yau urang taha palei Siu Vớt daok di jammaah palei Ia Đreng, huyện Chư Pưh, tỉnh Gia Lai. Patagok bruk ngak di drei lac sa urang ndang, lac sa urang tui agama anit ranam taneh ia, dom baoh panuac pato tacei di Wa Ho hu ndem ka bruk jumpataom gauk di dom agama, anit Po Langik, ranam taneh ia hu ong tuk halei jeng caik dalam hatain, piah ngak bruk rik prein tame ka palei negar, taneh ia.

“Taha njauk ndom mayai dom baoh ka oh siam. Alak tapai, ma-in mbia lac biak jhak tachauk. Ieu lac sa urang ndang, drei jeng ndem yau nan. Meng tuk hu Ndang meng hu jalan, hu gom ndien, hu bilai yte, sang bac, urak ini hu abih. Drei ndem mayai njauk biak meng rahra jia drei.”.

Atau pagap ye di tỉnh Sóc Trăng ieu lac sa bhum labik hu rilo mikva urang bangsa Khơ me daok, hadei di tuk Hukum adat cambat, agama hu ba tabiak saong hu brei pandar. Mbang Agama Rajaei kham marat, pambuak haong dom Mintri, dom mbang, dom gah, dom tinh ban peih ngak dom jalan ngak di Ndang, sarak hukum di Kanja ka agama meng rilo janih kadha.

Urak ini daok hu labaih 100 urang acar ugama Bhat Theravada Khmer di tỉnh Sóc Trăng saong ralo di nyu daok di bhum taneran kraong Cửu Long daok nao bac negar langiu bac dokter master gah agama Bhat yau ye di nagar Thái Lan, Campuchia, Myanmar, Sri Lanka, Ấn Độ v.v... Ngan haong bruk caik hatai sangka di kanja bhum palei, jaik abih dom paha Khmer di Sóc Trăng jeng hu padang pasak pato huruh akhar bahasa, ka mikva. Langiu bac magru di sang bac, daok hu 92 baoh paha urang Khơ me di Sóc Trăng urak ini jeng bhian peih dom tal pato akhar huruh bahasa Khmer. Thượng tọa Trần Văn Tha, Phaok Mbang Pahasa Kapul Ugama Bhat tỉnh Sóc Trăng brei thau:

“Sang paha jeng ieu lac sa pasak piah pato ilamo, pato akhar haruh, pato tacei ka jalan diukrai, ngak anek manuac saong daok pato bruk ngak ka urang tui agama bhat. Daok dom adei uranaih dalam bilan padei pandiak, sang baha peih bac magru ilamu, bac huruh akhar Khmer ka  anek naih bac tal 1 tal tal 5. Daok dom urang acar mai tal paha, langiu di bruk bac akhar tapuk Khơ me daok bac sap Pali, bac hukum, bac dom ilamo bangsa.”.

Bruk khik siam hatai tui ugama tui adat cambat oh lac brei mboh bruk caik hatai sangka di Ndang, Kanja ngan haong raidiuk, mbang ngui di mikva, blaoh tapa di nan daok khik ka anek manuac, khik ka dom hatai caong biak lagaih ka agama, ka adat cambat di mikva urang bangsa takik dalam taneh ia nagar./.