Huyen An Minh kham marat tal thun 2030, huyen hu 20.000 ha padai – hadang tame danak dak.  Di kapul Hop tac xa hadang – ariang – padai Thạnh An daok di xa Đông Thạnh, ngak pablak tui cara sa mbang padai sambang hadang pagam tui raong ariang tasik. Kapul Hop tac xa hu 140 ha, langiu di nan daok pagam ngak labaih kurang 400 ha. Ong Nguyễn Văn Khánh, Akaok Kapul Hop tac xa hadang ariang padai Thạnh An brei thau:

“HTX Thạnh An daok ngak padai huu co. Mikva urang ngak nong, dahlau abih urang di HTX Thạnh An tame danak dak biak gheih hatai.  Khol dahlak jeng caong hu ngak danak dak ini.”

Tui PGS.TS Mai Văn Trịnh, Akaok Insitut moi truong ngak nong, Jalan nga hadang – padai ieu lac sa bruk ngak nong karo. Padai tam blaoh ye nerang pong brei ka hadang mbang. Daok raong hadang ye nyu aih tabiak jeng kaya mbang brei khak ka padai. Nyu ieu lac njauk jeng jalan payeng vil taom dar payeng daong brei pakurang jien buh tame di urang ngak nong. 

“Tuk urang ngak nong ngak hu padai sa-at hijau yau nan daong ka urang pablei mbat taok harak hijau saat, yaong kaom tuk nan jeng hu tagok glaong. Tuk hadang pakurang di sang raong meng camin kreih mek hu 3 taka kein lagaih siam dalam tuk bhian biasa bahrau hu 2 kein lagaih, gam patrun ia nerak, gam paglaong yaom kinh te 2 mbang gam khik hu langik tasik alam sinh thai karo, caga alam sinh thai dunya.”

Piah ngak hu siam di abih, huyen jeng lakau khin ngak 5 palai iek glang dalam, halak haling jak piah iek glang mblang hamu, iek khik caga jit palai. Dalam nan daong, dom janih brei pandar rah pom pong nerang patagok bruk ngak mbang dan saong padar gah ngak kong sinh hoc, vi sinh dalam bruk pandar pong nerang. Ong Lê Văn Khanh, dahlau urang akaok jabat ngak nong huyen An Minh brei thau:

“Tui bhum huyen An Minh khol akau brei ngak tui jalan tame danak dak. Khol akau pok panuac caong ngak ha tang ka siam makre di bhum ngak tui danak dak piah ngak hu saim jang.”

Bruk ngak padai – raong hadang di Kien Giang ieu lac sa janih ngak lagaih, biak siam brei patagok hijau. Mikva urang ngak nong ngak tui jalan ini ngak tui jalan ngak huu co, hu urang ngak mbang blai salih pambuak harak daong ndap nda brei ngak, daong blei ndap nda ngak tabiak hu yaom glaong. Urang ngak nong mek hu 3 taka kein lagaih gam palao klak kanjah, paglaong yaom kaom kinh te, gam khik hệ sinh thái karo kajap brei ka ngak nong jeng ye di palei ngak nong.

Tinh Kien Giang tut tangin ba 200.000 ha tame ngak Danak dak “Pakaro 1 trieu ha taneh ngak padai yaom glaong dan padai tukik gam saong tagok hijau di Taneran krong Cuu Long tal thun 2030”, peih ngak di 12 huyen, ban dalam tỉnh dan saong brei ngak tui yaok tukvak. 

Dom bruk asal di nyu piah ngak danak dak ieu lac brei pilih, padang bhum taneh ngak, eik glang Pakaro dom paok ky thuat khik brei patagok siam karo, brei ngak jeng pato pamagru patagok yaom ngak, patagok ha tang di bhum ngak, pataom ba manuac ngak, daong jamraik ky thuat saong jien ndo meng dom gilang jieng carbon, dom gilang jien daong di dunya …/.