Dom doanh nghiep daok duah thau dom jalan langyah piah salih tapa số

Công ty TNHH Gia An daok di quận Bình Tân, lac cty ngak khóa số pacang caga co klaik saong pandap định vị di mangaok radaih ô tô. Meng salih tapa số bo doanh nghiệp ni trun hu rilo yaom jien, gam tui di nan bruk ngak mbang, pablei salih jeng hu tagok jang meng 25-30% dut saong dahlau. Doanh nghiệp daok brei salih tapa số di gah pablei pandap online piah trun manieng manuac ngak. Amuk Phạm Thúy An, Yam ndok Cty TNHH Gia An brei thau: “Saman ini bo oh salih tapa số ye meda oh nduac samu haong darak pasa. Ngan haong Cty công nghệ, bruk salih tapa số hu makna biak praong, njauk ngak samar drah. Khol dahlak biak caong kapul langyah lagaih haong prein ngak piah duah tabiak jalan ngak salih tapa so ka nyu lagaih haong jien padai, manuac ngak di khol dahlak”.

Salih tapa số daok lac bruk caong ngak di biak rilo doanh nghiệp di TP.HCM, min rilo doanh nghiệp ka oh thau peih ngak meng halei. Anak bruk kan kandah di doanh nghiệp, TP.HCM hu padang Pasak daong ba saong langyah bruk salih tapa số. Taphia di nan, rilo Cty pabak dịch vụ salih tapa số jeng hu rilo jalan langyah, pandap ngak ka yaok gah, yaok bruk ngak, nghiệp vụ, dịch vụ di yaok doanh nghiệp.

TP.HCM lac labik hu rahra pandar phone tangin glaong abih dalam taneh ia, hạ tầng cáp quang, internet băng thông rộng, hạ tầng di động 3G, 4G ma-om bak abih dom xã, phường. Ini jeng lac sa bruk mbuan lagaih piah ka Ban raya jhul khang bruk salih tapa số. Min, bruk salih tapa số brei hu kapul manuac ngak hu ilamo glaong, cơ sở hạ tầng công nghệ ka bruk salih tapa số. Amuk Đặng Thị Mỹ Châu, Phaok Tong yam ndoc Pasak salih bahrau sáng tạo Viet Locus brei thau lac: Doanh nghiệp caong khin karja padang hu hệ sinh thái saong padang nền tảng rilo janih piah meda pambuak gauk angaok môi trường số saong hu dom sarak samu gauk, liên thông saong biak sami samar: “TP.HCM njauk padang dom jalan ngak karei ka dom doanh nghiệp hu mbaok tame salih tapa số. Pagap yau hu dom danak dak praong, sit dalam kinh tế vĩ mô meda brei dahlau ka doanh nghiệp mayah urang hu prein pandar hu bruk salih tapa số”

Salih tapa số, cak rok kinh tế số lac bruk njauk ngak, min piah ngak hu bruk ba tabiak, TP.HCM brei patui jalan sangka buh jien tame ka patagok hạ tầng số dalam gah ngak kong saong dịch vụ, padang cơ sở dữ liệu, pandap pandar gam, jhul samar số hóa. Ban raya jeng njauk padang sarak daong biak karei brei ngak dahlau jhul patagok bruk pambuak gauk roh duah pandar công nghệ số di labik roh duah saong labik ngak kong.

Kinh tế số pambuak tal công nghệ, kayua yau nan ye ban raya njauk salih samar drah jang saong ngak salah dom sarak, pakhang pasiam hạ tầng saong ngak jeng hệ sinh thái mbuan lagaih ka doanh nghiệp cak rok patagok kinh tế số. Nan meda lac bruk pachrieh ba saong ngak jeng prein khang ka kinh tế TP.HCM cakrok samar jang dalam tukvak anak tal./.

Urang lang: Thu Thao – 20/04