Phường Hiệp Bình Chánh, ban Thủ Đức lac sa dalam dom labik hu bhap  bani rilo abih di TP.HCM ngan haong jaik 107.000 menuac. Bhap bani rilo ngak ka urang jakar taduan mek hồ sơ saong langyah harak gar (iew katut lac labik sa pabah mbang) di phường tuk halei jeng hu rilo manuac mai ngak dom harak gar  hành chính. Kayua yau nan ye bruk klak sổ hộ khẩu ba-ar tui Hukum Cư trú 2020, ngak ka bhap bani bui sambai kayua bruk ini ba mai mbuan laghaih, samar drah dalam tukvak ngak harak gar, oh daok cang suai lavik yau dahlau diah.

 Sa-ai Huỳnh Thị Hồng Đào daok ngak harak xác nhận bruk lakhah caga di labik ini brei thau:  “Hadei di tuk klak hộ khẩu ba-ar dahlak mboh urang jakar phường ngak bruk biak samar drah, dalam 10 minit lac salah blaoh. Klak sổ hộ khẩu ba-ar jeng lac klah nao dom bruk yau sao y chứng thực piah ka urang jakar khik piah tame hồ sơ. Kadha ini nyu ngak brei patrun biak rilo jien phí saong tukvak”.

Umo prong thun bhian ndom blaoh var, ong Nguyễn Văn Thịnh (70 thun), daok di phường Linh Đông, TP. Thủ Đức khan lac, bruk klaak sổ hộ khẩu dahlau di abih hu daong ka ong oh daok ba tui rilo harak gar, mbuan laik lahik atau meluk tame kan duah tabiak tuk nao ngak dom harak gar hành chính. Ong Thịnh yau hu tuh nao naong trak: “Bhian di nyu yaok mbang công chứng lac ba tui sổ hộ khẩu saong ba nao photo,… Min urak ini klaak sổ hộ khẩu yau nan, dahlak mboh ngak harak gar biak  mbuan lagaih saong rup dahlak jeng mboh njuan njac jang”.

Mboh lac klaak sổ hộ khẩu ba-ar dalam bruk ngak harak gar hành chính ba mai rilo mbuan laghaih ka bhap bani, yau nan min ngan haong urang jakar ngak harak gar ye bruk pandar ngak tui adat nan tame dalam bruk ngak, tuk camereip oh plaih hu dom kan kandah, tavak tave.

Urak ini, cơ sở dữ liệu labik daok di bhap bani di gah công an jeng oh ka salah blaoh saong oh ka pambuak pagam, klah rabha dữ liệu yau nan ye urang jakar ngak harak gar gaok kan kandah dalam bruk duah thau ka tukvak daok cư trú di bhap bani. Langiu di nan, angaok harak gar brei thau ka labik daok di jabat công an oh brei thau ka tukvak daok di bhap bani di puk palei. Meng nan, bruk klak sổ hộ khẩu daok tamuh tabiak sa binah bruk  ka urang jakar phường.

Ong Trần Thành Thắng, công chức Tư pháp – Hộ tịch di phường Hiệp Bình Chánh, ban Thủ Đức khan lac: “Khaol dahlak jeng hu ginum biai haong pakat angaok saong jabat công an. Khaol dahlak hu panuac caong gah công an lac tuk xác nhận thong tin labik daok di bhap bani ye njauk brei thau tukvak bhap bani tame hộ khẩu daok di puk palei.  

 Bruk klaah sổ hộ khẩu dalam tuk oh ka liên thông, pambuak pagam, klah rabha dữ liệu thong tin ka labik daok di bhap bani daok ngak ka gah langyah harak gar hành chính gaok kan kandah dalam bruk duah thau ka tukvak daok cư trú di bhap bani. Meng nan, ba tal suai damuai dalam bruk ngak harak gar ka bhap bani./.