Sa-ai Nguyễn Thị Huệ Lan, palei daok di Bình Phước mai daok tạm trú ngak bruk rilo thun ini mai di Ban Thủ Dầu Một, tỉnh Bình Dương  mbiah tal harei ini  oh ka hu sang daok. Hadei rilo thun patak pataom, sa-ai Lan kuhria blei sang daok XH dalam bilan 5 thun 2022 piah hu labik daok suai lavik. Min tapa duah thau dom danak dak sang daok XH Becamex di phường Định Hòa ngan haong dom baoh sang padang ngak blaoh hu pablei abih ye saong jaik abih sang lac hu po paje. Urak ini, dom danak dak birau oh ka peih ngak saong oh hu sang birau.

Tỉnh Bình Dương hu peih ngak rilo sarak ka bruk padang ngak yaok ribau baoh sang daok XH ngan saong yaom pablei lagaih haong urang ngak, hu pachreih ba urang ngak kak kajap haong tỉnh Bình Dương. Urak ni, tỉnh Bình Dương dui pachreih hu urang buh jien tame ngak 86 danak dak sang daok XH hu mbaok tane padang ngak praong abih tih jaik 200 ha, sumu labaih 3,9 trieu m² taneh padang ngak. Yau nan min, dom sang daok jeng oh ka ginup dut haong hatai caong.

Ong Phạm Ngọc Thuan – Tong Yam ndoc Tổng Công ty Becamex IDC brei thau, piah ba mbuan lagaih ka bhap bini  diukrai saong ngak bruk, tukvak tapa, Bình Dương biak sangka patagok sang daok XH. Danak dak hu tỉnh peih ngak biak aval; dalam nan, dom tukvak camereip padang ngak hu  47.500 baoh sang, daong ka yaok rituh ribau urang ngak, urang duah hu jien takik…hu sang daok tani tanat. Yau nan min, kayua bruk khin blei sang daok biak ralo min danak dak peih ngak urak ini oh sumu saong ph pabak ginup hatai caong khin di bhap bini.

Piah daong ka radiuk urang ngak, urang duah hu jien takik, Bình Dương hu likau Rajaei, Mentri Padang ngak pasang iek, daong palagaih gah mesre phun jien laba biar piah tỉnh peih ngak tui bruk ba tabiak; tacei pato jalan peih ngak bruk buh jien tame danak dak sang daok, labik đô thị, palih ruah po đầu tư danak dak padang ngak sang daok XH…Bruk pamaong tal lac paglong  siam mekre sang daok, pabak bruk caong khin hu sang  daok ka taong abih dom nyaom bhap bini. Tui tacei ba di tỉnh ủy Bình Dương kham merat patagok 1 trieu sang daok  ka ngak dalam tukvak  2021- 2025 saong pamaong tal  thun 2030.  Tal thun 2025, tui kuhria taneh sang daok kuhria rah tapa  tui akaok menuac dalam tỉnh hu 31,5 m²; dalam nan, labik đô thị  lac 32,5m², bhum palei pala lac 26, 6 m².

Yam ndoc Sở Padang ngak tỉnh Bình Dương Võ Hoàng Ngân brei thau, dalam vaktu 2021 -2025, Sở Padang ngak hu pok panuac tagok UB bhap bini tỉnh peih ngak 4 janih sang daok ka urang ngak, dalam nan sang daok XH, sang daok brei pah, sang lưu trú dalam dom khu, cụm CN saong sang daok yaom biar.

Bình Dương lac tỉnh patagok CN, bruk padang ngak sang daok XH ka urang hu jien mek tame biar lac bruk praong saong tuk halei jeng hu tỉnh sangka. Jalan sahneng ka bruk patagok sang daok di tỉnh lac ngak tui sarak xã hội hóa, pachreih dom gah ngak kinh tế tame bruk padang ngak sang daok  piah pablei, brei pah, langyah bruk sang daok ka urang dalam sarak karja, urang ngak saong urang hu jien mek tame biar, rik daong tani tanat labik daok – labik ngak mbang ka bhap bini mai tal Bình Dương ngak mbang, diuk rai suai lavik./.

Urang lang: Ai Nghiem - 31/5/2022