Uranaih hu labik main ia dalam tuk padeih hè biak bui sambai 

        Thun halei jang yau nan, tuk bilan padeih pandiak tal, nai Nguyễn Thị Kim Thạnh di xã Phan Hoà, huyện Bắc Bình mbung mabuk duah labik mblang main brei ka anek di drei. Bilan padeih pandiak thun ini, langiu di bruk lakau brei anek bac taong pahat, bac caluac ia, nai daok buh angan ka anek bac dat balong. Nai Kim Thạnh brei thau, mada atah bayah min drei kham marat kayua caong hatai khin ka anek bik hu mblang main siam makre selamat di bilan hè.  

        Bilan he dom uranaih hu labik main pak di sang

       Oh njauk lac sang halei jeng hu ganap prein pilih hu labik dhua brei ka anek bik hu mblang main njauk hatai selamat. Di bhum palei atah bayah jeng ye di bhum palei urang bangsa takik, hè mai padeih bac uranaih gilac tui amaik ame nao tagok apuh tagok glai piah main.

        Nai Bích Thị Duyên – sa urang phụ huynh di xã Phú Lạc, huyện Tuy Phong khan lac, kayua oh hu labik main, uranaih bian ndik tagok phun kayua atau trun kraong ribaong manei. Ralo uranaih di bhum palei urang bangsa takin daok daong bruk brei ka amaik ame. Nai Duyên daok khan lac:

        Uranaih biak bui sambai tuk hu labik main dalam tuk he.... 

        Urak ini, yau ye jaik hi bih palei pal di dalam tỉnh jang hu sang ilamu. Oh takik sang ilamu siam praong ngak bih ralo jien ndo min tapi kurang janih main. Saai Nguyễn Thanh Phương di xã Hàm Đức, huyện Hàm Thuận Bắc brei thau lac, yaok mbang brei ka anek nao bac caluai iar nao jaik si labaih 20 km tame mbiak di ban Phan Thiết.

Bhian tame harei sanercar, harei adit pak ni bac caluia.Urang prong thau caluai bloh, dok uranaih sit bac tal 3 dok bac caluai. Mblang main ka uranaih nan jeng lac takik. Bhum palei pala, dom adei nao main song ayut sahabat, main di sang, main di sang uranaih, tok di pak ni oh hu.

        Kayua ralo phụ huynh pilih bac caluai iar di bilan hè, yau nan ye labik pato ba manei iar nyu bak katian. Saai Nguyễn Hoàng Nhật- sa urang gru pato manei iar di Pusak Trung tâm thể thao Quốc Hùng, palei Xuân Hoà, xã Phong Nẫm, Ban Phan Thiết lac, dalam harei ngak bruk yaok harei hu labaih meng 200-300 mbang urang mai caluai iar. Dalam 2 harei hujung dalam dit manuac ralo tagok labaih tal 1.000 urang tame.

        Rilo di abih lac dalam tuk padeih  lễ, harei puac adit song di tuk padeih hè. Dalam tuk meng  2 – 4 mon bier harei biak rilo. Di pak ni hu abih tih  5 danao caluai. Dalam nan hu  3 danao caluai prong song 2 danao caluai sit.

         Piah daong urang mai caluai iar brei da dam dara uranaih di ban Phan Thiết jang ye di dom labik jaik taphia, Sang ilamu uranaih tỉnh Bình Thuận daok dang pang ngak Danao caluai brei ka labaih 1.000 urang manei caluai mada blaoh di akaok bilan 7 mang anak tal. 

        Piah hu mbalng main siam makrei salamat brei ka uranaih ka dom adei dah krah harei dei njauk hu salabik gam daong bac gam daong main siam makre njauk hatai jauk jalan salamat. Dalam nan huh arak gal, ndap nda ilamu, janih bac magru, main siam njuak ilamu… Tapi min dom janih nan daok biak kurang brei ka uranaih di palei pala bhum atah bayah bhum palei urang ngak nong jeng ye urang di ban sit ban praong.

        Kayua kurang labik main yau nan ye mad ahu ralo uranaih pilih jalan mbak, jalan radaih nduac, tiệm kadai internet piah bui main, oh hu labik pilih karei.

        Piah hu labih main hu sambai hu siam makre hu salamat brei ka uranai anek saih dalam nan njauk tame bilan he padeih bac bilan pandiak, urang ngak amaik ame, urang jaka di dom bhum palei urang ngak nong njauk caik hatai tal bruk ngak siam makre ini./.

Urang lang: Samad Hẳn -26/6