Palei Hàng Làng, xa Gung Ré, huyen Di Linh, tinh Lam Dong hu rilo rahra lac urang bangsa takik. Dom thun tapa, bruk padang saong patagok urang ndang meng rahra naih gheih tuk halei jeng hu pakat uy, chi bo palei sangka iek praong. Taha Palei ong K’Keo, Bi thu Chi bo palei Hàng Làng brei thau, meng caik hatai sangka iek praong bruk daong, parilo urang ndang hu ilamo, abih tih 100% urang ndang dalam Chi bo, rilo meng lac dom urang sit thun umo daok dam dara tuk halei jeng buh abih tung tian, ngak siam bruk ba drei ngak dahlau, naih gheih bruk patagok ngak mbang saong raidiuk.

“Dahlau daih, chi bo hu 8 urang ndang, tal ini tagok 13 urang, rilo dalam nan meng lac urang ndang bangsa takik. Njauk ndom mayai lac, chi bo biak iek praong tal dom urang naih gheih, dom urang hu tung tian ka bruk, khol dahlak hulin ba tame bruk parilo urang Ndang. Hadei tuk ba tame blaoh, yaok urang ndang thei jeng buh abih tung tian, tuk halei jeng ba drei ngak dahlau, naih gheih dalam grauk gah, naih gheih ka rahra ngak tui”.

Jeng ye yau nan, bhum urang bangsa takik di xa Đạ Nhim, huyen Lạc Dương jeng ngak siam bruk daong, brei kein lagaih ka rilo urang naih gheih hu tame Ndang. Dalam labaih 120 urang ndang, ngak bruk di 10 chi bo di xa Đạ Nhim ye hu labaih meteh lac urang bangsa K’ho.

Sa-ai kamei Cil Pam Ka Duyên, urang ndang anek kamei dara di Chi bo palei Đạ Tro, xa Đạ Nhim ndom lac, piah rahra je tame saong khang hatai salih jalan pala drak, salih phun pala, ba dom janih phun pala bahrau tame pala, parilo jien mek tame ye yaok urang ndang tuk halei jeng lac urang naih gheih ba drei ngak dahlau.

“Hadei di dahlak hulin jeng urang ndang ye mbuan thau jang ka dom jalan di Ndang, sarak, hukum di Karja. Meng nan, dahlak hulin meng meda ngak siam bruk ngak hu chi bo pandar. Dahlak hulin hu daong mikva dalam mbon palei rilo jang, cambaih laih lac jak ba mikva salih phun pala, kham merat pala veik katut harei piah parilo jien mek tame, patagok bruk ngak mbang di sang. Urak ini raidiuk di mikva bangsa takik di ini hu patrun kan kandah biak rilo dut haong dahlau daih”.

Tui ong Cil Ha Poh, Bi thu Ndang uy xa Đạ Long, huyen Đam Rông piah khik kajap piah ngak siam bruk parilo urang ndang, rilo meng lac dom urang ndang dam dara dalam bhum urang bangsa takik, bruk padang urang ndang, bruk daong dom rahra dalam dom kapul chinh tri xa hoi, mbon palei dalam bhum tuk halei jeng lac bruk hu makna. Ini lac dom urang ndang dam dara, urang bangsa takik hu maong yau urang patui veik ngak bruk dalam bruk padang ndang di tukvak meng anak mai tal. Ong Cil Ha Poh, ndom meyai lac:

“Sangka caik hatai iek praong dom kapul urang naih gheih lac urang dam dara tari taring kham merat dalam bruk ngak mbang, dam dara chreih chrai dalam bruk hu mbaok taneh dom danak dak pakacah anit ranam taneh ia… Meng nan hu urang saong brei kein lagaih nao nac dalam tal bac duah thau ka Ndang, dom urang ndang dalam chi bo patui bruk daong, bac pasram piah hu hatai sahneng ka njauk, ngak bruk ka njauk tuk daok dalam Ndang”.

Dom urang ndang dam dara, naih gheih dalam bhum urang bangsa takik di tinh Lam Dong daok brei mboh bruk ba rup ngak dahlau, naih gheih, uak drei tagok dalam bruk ngak mbang saong raidiuk. Kadha ini brei mboh jalan ngak njauk, karo kajap dalam bruk padang Ndang pagam haong bhum urang bangsa takik dalam jaman urak ini. Ini hu maong lac bruk chinh tri hu makna, lac jalan langyah piah Lam Dong pasiam he thong chinh tri dalam bhum, daong jhul patagok KT-XH, khik ramik an ninh siam mekre saong patahok bruk gul pataom dalam grauk bangsa di bhum palei./.