Rilo labik ngak cong urang ngak dok kurang takik 

Hadei di Tết Nguyên đán anek sak rimong  2022, urang ngak mai veik ngak bruk   di Long An, hu jaik ginup abih. Di labik ngak cong Long Hậu, huyện Cần Giuộc, meng iek glang siam bruk an sinh, labik dok, jien thưởng bilan  13, 14 song dom sarak daong pabak brei karei karei, bo meng hadei di tết dom urang ngak mai ngak bruk veik avar song jiak ginup abih.

Ong Bùi Lê Anh Hiếu, Yam ndoc kinh doanh, Cty cổ phần Long Hậu, doanh nghiệp buh jien tame ngak gah hạ tầng labik ngak cong Long Hậu, brei thau: Dom urang ngak di labik ngak cong hu  biak rilo , piah khik takai urang ngak, abih di nyu nan lac urang ngak hu tangin gheih ngak, gah công ty, công đoàn kham iek glang labik mbang labik dok piah ka urang sahnang hatai ngak bruk . Meng nan, ong Hiếu mboh lac: bruk patagok labik dok ka urang ngak kak kajap haong bruk patagok labik ngak cong meda tani tanat urang ngak  ka bruk ngak:

Tui hulin mboh dalam bruk quy hoạch labik ngak cong ye kaoh tabiak dom taneh piah ngak labik sang dok. Nao gam haong nan lac bruk khik ramik , meda jao ka  Sở padang ngak  atau mban khik ramik labik  Kinh tế  pasang iek, brei ngak, khik ramik  piah mbuan lagaih jang  ka gah buh jien tame ngak mbang.

Tỉnh Long An kuhria mboh dahlau lac, thun  2022, dom  doanh nghiệp dalam tỉnh  cong hu labaih  51.000 urang ngak. Dalam nan, urang ngak meng tangin takai meblah  71,8%;  Taeng dalam bilan 1 song bilan  2/2022, tỉnh ni hu 210 doanh nghiệp tut angan palih ruah  jiak 5.000 urang ngak, rilo meng lac urang ngak hu tangin gheih ngak.  Ong Nguyễn Văn Quí, Akaok  Liên đoàn Lao động tỉnh Long An brei thau: 

Liên đoàn Lao động tỉnh hu panuac daong ka Tỉnh ủy, UBND tỉnh bayar 2ha taneh bloh , urak ni, dok peih bruk bayar 2ha tra  piah samar padang dom labik công đoàn, labik ilamu... Dahlau di abih, piah samar klah rabha dom kan kandah, jang yau sangka tal urang ngak hu rai duik kan kandah piah sahnang hatai ngak bruk, ngak siam bruk an sinh piah dui pachreih urang ngak dalam tuk vak yau urak ni. 

Hadei di tết, urang ngak mai ngak bruk veik biak rilo min jeng daok hu jaik  5.000 urang ngak oh ka mai veik. Taphia di nan, rilo doanh nghiệp peih prong bruk ngak hadei di tuk jit ruak, nan ye daok kurang urang ngak. Urak ni, langiu di bruk palih ruah urang ngak pabak tame, dom  doanh nghiệp di  Long An hu nao tal dom tỉnh ban karei, piah ba urang ngak mai ngak bruk.

Ong Nguyễn Đại Tánh, Phaok Yam ndoc  Sở Lao động - Thương binh song Xã hội tỉnh Long An, brei thau: Piah pabak bruk caong hu urang ngak chất lượng glong brei ka dom labik, cụm ngak cong, Long An hu ba tabiak bruk lac, yaok thun  ba 1.000 urang ngak dok ngak di dom  doanh nghiệp dalam tỉnh nao ngak bruk di  Japon, Hàn Quốc...sa tuk vak, piah paglaong tangin gheih ngak, bloh mai tỉnh ngak bruk veik.  Ong Nguyễn Đại Tánh lac:

Hu rilo  doanh nghiệp, abih di nyu nan lac  doanh nghiệp Japon, urang brei taduan dahlau urang ngak nao ngak bruk di negar langiu mai. Abih di nyu nan lac dalam labik ngak công Long Hậu di Cần Giuộc, dom doanh nghiệp dok taduan urang tame ngak dahlau. Dalam tuk ngak bruk, urang pato pasram, bloh pato sap Japon song pato bruk ngak. Hadei di nan, ba urang ngak tapa ngak bruk di  Japon, tuk mai veik daok brei ngak bruk ka dom công ty di Long An.

Ndom ka jalan ngak suai lavik, Long An pamong tal bruk hu urang ngak pak di labik. Dom urang ngak nao negar langiu ngak bruk song mai veik, meng bruk dong  di dom doanh nghiệp negar langiu dok buh jien tame ngak mbang di tỉnh, hu cong lac meda pabak hu dom urang ngak hu ilamu glaong, tangin gheih ngak, pabak siam ka bruk patagok kinh tế xã hội di  Long An dalam tuk vak anak tal./. 

Urang lang: Hanipha- 16/3