Hadei di labaih 1 thun tame darak pasar Trung Đông, tal uak ini, jabat  giao dịch di HTX ngak nong Bến Lức, Long An di darak praong đầu mối Dubai hu padang tabiak. Sa-ai Phan Thanh Liêm hu HTX brei tapa Dubai (Tiểu vương quốc Arap Thống Nhất - UAE) piah dang akaok jabat lambaok ini. Bruk di sa-ai lac yaok pagaiy mesup hu mbaok di darak praong Dubai piah duah thau cambaih jang bruk blei kaya nong, gia vị di Trung Đông.

Tui panuac di sa-ai Liêm, darak praong ini, lac labik pataom jaik abih dom janih kaya nong blei meng negar langiu ame, dalam nan hu baoh kruac aik mai meng dom taneh ia piah ba nao dom puk palei dom tinh ban dalam UAE saong taneh ia jaik taphia. Bruk hu mbaok di darak pasar hu daong ka sa-ai samar thau bruk, meng nan samar ginum biai yaom kaom haong gah blei, blaoh pathau mai ka HTX thau. Tapa sa-ai Liêm saong dom menuac pambuak bruk pak palei negar nan, rilo lô kruac aik saong kaya nong karei meng Long An hu mbuan lagaih pablei tapa darak pasar Trung Đông: “Tuk yaom kruac aik siam ye drei ba tapa rilo, tuk yaom biar, baoh takik ye drei pambuak gam thanh long, la-u, ổi… tapa sa Cty pablei salih di Dubai piah ba tapak tal urang blei. Bruk ini tagok hu kein laba, tagok bruk meriak gauk jang, trun hu biak rilo bruk pachot pagat, kateik yaom. Di darak paraong gah ini bruk pachot pagat jeng hu rilo”.   

Meng harei padang jabat di akaok thun 2024 tal urak ini, HTX Bến Lức hu pablei tapak tapa darak praong Dubai yaok bilan meng 8 tal 10 container, yaok container 24 tấn baoh kruac aik. Tui panuac khan di ong Trần Duy Thuận – Yam ndok HTX, yaom lac tukvak tapa, dom srau kadau meng darak pasar, bruk mesruh gauk di Trung Đông ngak ka bruk blei salih tame tabiak negar gaok rilo kan kandah, min HTX tuk halei jeng kuhria caga hu dahlau. Bruk ginum biai tapak haong gah blei meng di Trung Đông, sản lượng saong yaom kaom tuk halei jeng hu tani tanat. Ong Thuận brei thau: “Meyah oh hu bruk mesruh gauk ye darak pasar Trung Đông lac sa dalam dom darak pasar praong ka baoh kuac aik di HTX. Kayua darak pasar ini blei meng 70-80% baoh kruac aik pablei tapa negar langiu di Bến Lức. Pandap hu ba tapa Dubai blaoh hadei di nan ba nao dom taneh ia Oman, Qatar… min pablei rilo jeng lac di Dubai.”

Tui amuk Đinh Thị Phương Khanh, Phaok Yam ndok Sở Ngak nong saong Patagok palei pala Long An,  tal tukvak ini, bhum pala kuac aik Long An hu 3.000ha pala ngak tui kong nghe glaong. Dalam nan Long An hu 41 mã số bhum pala saong 31 mã số tame pok.

Urang pala kruac aik hu pato pasram pala ngak gheih ghang piah padang bhum nguyên liệu oh lac duh ka darak pasar dalam taneh ia, darak pasar Trung Quốc bo daok brei ka dom darak pasar kan tame yau ye: EU, Anh, Nga, New Zealand, Hà Lan saong Trung Đông…  Bruk sang urang ngak nong, HTX pambuak gauk hu mbaok di dom darak pasar praong langiu taneh ia Việt Nam hu karja dom tinh ban biak pachreih ba saong daong brei. Tỉnh Long An jeng hu rilo mbang pambuak pagam, duah bruk daong di tham tán thương mại di taneh ia langiu, piah daong bruk pablei salih kaya nong hu mbuan lagaih saong njauk adat hukum. Dom tham tán thương mại sanya daong ka dom doanh nghiệp Long An tuk peih dom jabat lambaok di negar langiu. Tỉnh jeng daok lac talei pambuak piah ka bruk pablei salih di doanh nghiệp hu bruk pachreih tui, bruk daong di dom tham tán. Abih di nyu lac hu bruk tacei pato, brei thau gah adat hukum, jeng yau hu bruk daong rilo kadha karei karei piah khik kajap bruk ngak njauk tui hukum Việt Nam saong dom taneh ia”.

Long An dak harei dak brei mboh angan je baoh kruac aik di dom darak pasar kan tame. Gah Công Thương saong Ngak nong tỉnh Long An daok jhul khang dom bruk kuhria mboh dahlau ka darak pasar, pambuak bruk haong doanh nghiệp, peih bruk pablei salih piah peih praong darak pasar pablei pandap, paglaong yaom kaya nong, tuk halei jeng pabak prein khang bahrau piah ka urang ngak nong saong doanh nghiệp buh jien tame ngak hu kein laba jang ka bruk pala, ngak, duh ka bruk pablei tapa negar langiu./.