Peih rilo pabah lamnge piah tame tabiak meng jalan krong 

Dahlau diah, 4 huyện ngak kong praong di Long An lac: Đức Hòa, Bến Lức, Cần Đước saong Cần Giuộc dui pachreih urang buh jien tame ngak oh ka hu laghaih kayua jalan mbak nao mai sit sot oh pambuak pagam dom labik karei haong gauk hu. Kayua yau nan ye, rilo urang buh jien tame ngak yaom lac mboh Long An hu rilo siam laghaih ka bruk ngak mbang min jeng daok mboh huac kanda kayua jalan mbak nao mai oh ka tui samu gauk ngak khat lahik jien pajeng ba saong dom jien brei ka logistics.

Dalam 3 thun mai ini, Long An peih ngak khang saong ngak salah blaoh rilo jalan mbak nao mai pambuak pagam dom labik ngak kong saong dom labik pabah lamnge dunya yau: ĐT 830 pambuak pagam huyện Đức Hòa tal pabah lamnge Dunya Long An; ĐT 818 pambuak pagam huyện tapen negar Đức Huệ haong huyện Tân Trụ... rik daong biak prong dalam bruk pachreih urang buh jien tame ngak mbang, patagok bruk pabak dom khu, cụm ngak kong saong ngak jeng rilo labik daok ka bhap bani, ngak jeng khu đô thị bahrau siam gheih.  

Ong Võ Quốc Thắng, akaok HĐQT Đồng Tâm Group, jabat Khik ramik Pabah lamnge dunya Long An brei thau: “Meyah khaol drei ngak jalan mbak nao mai ka nyu siam ye dahlak jia lac meda hu rilo urang buh jien tame ini ngak mbang. Kayua lac jien pajeng ba oh glaong ye ginup pren meriak gauk haong dom negar piah ka khaol drei mbeik drei yam tame ka nyu siam jang. Bruk daong gah sarak di Raja-ei meyah hu bruk pambuak gauk ka nyu samu ye dahlak jia lac kinh tế dom tỉnh di bhum taneran kraong Cửu Long meda hu veih tagok tui samu haong dom tỉnh, ban karei”.

Langiu di bruk pambuak pagam dalam tỉnh, akaok thun 2022, Long An kuhria caga peih ngak rilo danak dak pambuak pagam haong TP.HCM, Tiền Giang, Đồng Tháp…. Tukvak peih ngak danak dak vành đai 3, 4 pambuak pagam haong TP.HCM saong jalan cao tốc Bến Lức - Long Thành (Đồng Nai) saong  jalan Hồ Chí Minh labik nao tapa Chơn Thành (Bình Phước) – tal huyện Đức Hòa jeng daok pataom tame ngak piah samar hu nao mai. Bruk padang ngak rilo jalan pambuak pagam haong gauk oh njauk lac tok ba mbuan laghaih ka bruk nao mai bo daok katung tui bruk cak rok patagok đô thị, ngak jeng dom labik daok di bhap bani, peih tabiak jalan cak rok patagok đô thị dalam harei hadei.

Jalan mbak nao mai pambuak pagam Long An haong TP.HCM, Đồng Nai, Bình Dương, Bình Phước, Tây Ninh daok hu ngak, peih tabiak rilo jalan cak rok patagok dalam harei hadei ka puk palei, pambuak khang kajap haong Bhum kinh tế prong gah meraong. Jalan pambuak dom bhum meda pabak siam jang bruk  pajeng ba nao mai dak harei dak glaong, daong ka bruk nao mai cak rok patagok.

Ong Nguyễn Văn Út, akaok UBND tỉnh Long An brei thau: “Caong khin cakrok patagok kinh tế ye khaol dahlak brei hu bruk daong biak rilo meng dom tỉnh, TP.HCM, Đồng Nai, kuhria gam tỉnh Bình Dương, Đồng Tháp piah ngak habar brei cak rok patagok kinh tế Long An”.

Meng hatai kham merat ngak brei jalan mbak nao mai hu salih bahrau yaok harei meng ini tal thun 2025, tỉnh Long An brei pasiam veik rilo jalan karei. Tapa nan, daong ka tỉnh ini ngak ka bahu hatai caong khin jeng puk palei sami samar, pachreih dom urang buh jien tame ngak, lac sa dalam dom tỉnh ba akaok nao dahlau dalam bhum taneran kraong Cửu Long, tỉnh cak rok patagok mbiah dalam Bhum kinh tế prong gah meraong./.

Urang lang: Jasi -4/3