Uan tabuan raok raya tết di ini, bhap bini rahra, tuai damuai hu ba drei tame sap kong cieng - xoang, mbang cvar dom pandap nda kaya mbang saong ba drei tame harei raya. Kadha vak “Mai Kon Tum ma-in main raya Tết di palei” di urang vak Khoa Điềm.

Hadei di hadom thun njauk jit ruak COVID-19, Tết raya sak tapai thun ini, palei Măng Lây, xã Đăk Ring, huyện Kon Plông, mboh gilac gaic bruk main bui sambai, jumpataom gauk. Mikva pataom mbaok di Sang rông, peih harei raya harei Papei hijau bánh chưng xanh, mbang huak gam saong gauk. Amuk Y Gơ, sa urang kumei di dalam palei brei thau lac: Sang thei hu hagait mbang bingi, thei hu caih ia tapai bingi ba mai daa gauk mbang manyum. Hu rilo urang mai mbang manyum drei ba mai daong bui samabai hatai ka urang po sang Amuk Y Gơ hu caga mbiah dahlau meng dom bilan dahlau: “Piah ngak hu caik ia tapai bingi njauk hu dom pandap panda siam. Ngak alak meng tangai brai kê atau meng bei plom ye jeng njauk pilih ruah dom janih siam di abih. Kan kandah abih di nyu ieu lac bruk ngak tape. Tapei tapai njauk  pabam meng hal di glai di urang Xơ đăng, njauk tame glai blaoh duah hu phun hala tapai ini, njauk hata tapai meng drei ba mai sang ngak tape. Dalam palei biak rilo urang min tapi mada hu sa, dua urang meng thau duah thua ngak tape piah riak ia tapai. Caik ngak ia tapai tape njauk dak di dalam halui cih saat. Tuk manyum, alak hu sambo kanjik katam deih yau ia darko, manyum oh khin padeih ieu nan ia tapai bingi ye”.

Tết raya ba mai hatai biak bui sambai, chreih chrai kayua jit ruak COVID-19 hu pasang iek, gam haong yava ragam kong ciang di urang Xơ Đăng, Ba Nar, Gia Rai, Giẻ- Triêng, B’râu, Rơ Măm, H’rê ở Kon Tum, chreih chrai jang saong sap xoang di dom urang likai, dam dara biak gheih ghang. dom harei raya hu peih ngak dalam sang saong dalam palei hu rahra dalam palei peih ngak njauk harei raya Tết meng kan di bangsa ndung mbak ilamo. Ngan haong 2.500 yau kong ciangg hu khik piah, pandar gam haong dom alak ragam lagu meng jaman dalau ieu lac sa janih ilamo siam gheih dalam jalan roh duah, ba drei tame ilamo bangsa saong jirah main tuk mai tal puk palei dalam tuk Tết ray di tỉnh Kon Tum. Ong Phó Đức Văn, lac tuai damuai daok di phường Tứ Liên, quận Tây Hồ, ban ine Hà Nội jeng maong mboh cambaih laih bruk ini: “Mbang akaok meti harei camriep drei mai main di tinh Kon Tum biak uan tabuan tatuah mboh Harei raya kong ciangg di dom bangsa di tỉnh Kon Tum ye drei mboh ndung bak ilamo dalam. Kong ciang, blaoh tal phling patau, Klông pút, tal ralo sambo warna khan aw di mikba bangsa mboh biak siam gheih, parilo janih”.

Khik ramik ilamo tapak tame dom bruk ngak yaok harei di mikva bangsa ieu lac sa di dalam dom bruk ngak ba tabiak bo daok hu tỉnh Kon Tum kham marat peih ngak. Meng di Tu Mơ Rông, bhum palei atah bayah biak kan kandah di tinh ngan haong labaih 95% lac urang bangsa takik bangsa Xơ Đăng jeng halain hatain ba hatai yaih khan dom ilamo siam gheih di bangsa drei tapa dom bruk ngak jirah main du lich di rahra bangsa. Ong Nguyễn Bá Thành, Yam ndok Pasak Ilamo, Pahat rup, Jirah saong Dakwah Truyền thông huyện Tu Mơ Rông, brei thau lac: “Tuai damuai mai tal, meda hu mbaok gam haong dom baoh sang jhik manyim khan bai mayim pataih di urang Xơ đăng saong ba drei tame ilamo kong ciangg - xoang. Dom tuai damuai meda hu nao iek dom labik ma-in, yau ye ia jarai Siu puông, ia jarai Tê rông saong jirah maong iek mblang hamu kanyan di Măng Ri jang ye bein bei sâm Ngọc Linh”.

Ngan haong hatai biak bui sambai, chreih chrai bahrau, biak lagaih, Raya Tết di puk palei mbuan ngak ka rahra buan bala saong tuai damuai mai jirah mai main jaik gauk jang. Bruk jumpataom gauk di harei raya Tết di dom palei pala mikva urang bangsa takik di tỉnh Kon Tum kayua yau nan mboh bui sambai suka chreih chrai meng abih dalam baoh sang tabiak tal bak bhum palei./.