Di bhum ĐBSCL, bruk mbuan mboh dalam bruk ngak nong lac ngak sit, ba tal jien mek tame di urang nong oh hu tani tanat. Taphia di nan, ilamo pala drak daok biar, rilo meng ngak tui jalan ngak klak, kein laba oh glaong bo daok jhak tal taneh riya, halau ia. Langiu di nan, kurang pambuak gauk saong kurang thau ka darak pasa, ba tal cuang kandah ka urang nong dalam bruk thau ka yaom kaom saong bruk “cung cầu”.. Dom cuang kandah ini biak kan piah duah mboh panuac langyah, mayah oh hu bruk hu mbaok di công nghệ số.

Pandar bruk salih so dalam khik ramik, bruk ngak mbang pablei salih saong bruk pambuak haong darak pasa atah di ini 4 thun, ong Nguyễn Hữu Phước, Akaok Hội đồng Khik ramik HTX ngak nong Tân Tiến, xã Mỹ Lộc, huyện Tam Bình, tỉnh Vĩnh Long khan lac, kein lagaih ba mai praong di abih lac thau hu rilo khau tin dalam bruk ngak mbang, pablei salih di HTX: "Dahlak praong thun nan ye pambuak haong kong nghe thong tin bahrau lac biak kan kandah, min dahlak jeng patuah kayua hu dom adei saai ranaih umo dalam mban khik ramik tacei, daong, pato jalan yaok bruk pambuak hu, ngak bruk di mangaok komputer hu. Ngak habar piah cak rok patagok jang dom khau tin siam, lagaih piah ka urang nong thau hu samar di abih, ngak tabiak dom pandap panda siam pabak ka rahra. Caong khin mạng ngak nong lac gah nao gam haong urang nong dalam zaman 4.0 ini".

Meng 25 urang ngak, mblang taneh ngak lac 80ha padai yaok vụ, rilo meng ngak dom pajaih hu chat luong glaong, angan je piah pabak ka bruk blei mbang dalam taneh ia saong pablei tabiak negar langiu. Ong Dương Văn Siêu, Phó Yam ndok HTX ngak nong Thuận Thắng, huyện Thới Lai, ban Cần Thơ brei thau, salih so dalam bruk ngak nong lac jalan yam nao di urak ini, urang nong meda thau ginup khau tin yaom kaom di darak pasa, gah pabak pandap panda hu mbuan lagaih di abih: "Dalam bruk ngak nong jeng caong hu bhum di dalam palei drei hu kuhria mboh dahlau bruk langik tasik, blaoh ka dua tra lac urang nong so yau nan lac biak siam, gheih, biak njauk haong bruk di anak mata ye nyu meda daong ka mikva urang nong cak rok khang jang".

Kayua yau nan ye, njauk ndem lac pandar bruk salih so dalam gah ngak nong meda daong ka urang nong, doanh nghiep saong abih di nyu nan lac dom gah hu mbaok tame chuỗi giá trị hu rilo kein laba, dalam nan hu gam bruk padang tabiak jalan ba pala drak, paglaong chất lượng pandap panda saong gam yaom kaom di dara pasa pablei tabiak…

Ong Nguyễn Ái Hữu – Urang padang tabiak Công ty Cổ phần Thế giới công nghệ phần mềm, nền tảng Mạng ngak nong hu caong lac bruk ginum biai urang nong praong prang hu daong meng trí tuệ nhân tạo (Al), daong ka bruk klah rabha khau tin hu mbuan lagaih. Urang pandar nền tảng jeng mbuan padang tabiak jalan cai pandar jien padai, pathau khan mùa vụ tui jalan ba tabiak ngan haong bruk daong ba di dom pandap panda bahrau: "Di mangaok mạng ini padang jalan ngak, padang jalan bilan ngak piah ka kol drei thau hu labik dang, sản lượng, dịch vụ dahlau di tuk drei ngak tabiak. Kol drei kuhria hu dahlau abih tih dom phun jien buh tame, yaom pablei tabiak saong yaom laba dahlau di tuk drei brei ngak halei oh. Nan ye abih tih dom khau tin, dữ liệu di kol drei hu ba tame dalam nền tảng mạng ngak nong meda hu langyah hu sa bilan mùa vụ yau habar di mangaok hệ thống ini".

Bruk njauk hu saong jalan langyah ka “cak rok patagok urang ngak, paglaong ilamo di urang nong” hu brei thau dalam sarak ka 26, Trung ương 7 mbang X. Nan ye, “tri thức hóa” urang nong lac bruk oh kurang hu dalam  tuk padang ngak bruk ngak nong sinh thái, palei pala bahrau, urang nong hadah krah. Mạng ngak nong tabiak rai, haong jalan pambuak tame mbuan lagaih, pabak dom khau tin kein lagaih meda peih ngak bruk praong lac “tri thức hóa urang nong”.

Hệ sinh thái ini meda daong pambuak dom chủ thể dalam gah, meng nan pasiam yaom phun ngak tabiak, yaom kaya nong tuk tal tangin urang blei tapa jalan pablei salih online. Gam haong nan jeng lac jalan piah cak rok patagok gah ngak nong dalam zaman 4.0./.