Mai tal dom puk palei di huyện Châu Thành, tỉnh Sóc Trăng dom harei  bilan 6 ini, kol dahlak mboh hu bruk salih bahrau mbaok mata di bhum palei pala dahlau deih daok rilo kan kandah. Dom jalan pambuak dom xa hu peih tabiak daong palagaih ka bruk nao mai, pajeng ba pandap panda ka mikva. Rah tui dua gah jalan dom talei phun bingu, phun kiểng hu iek glang tani tanat, ngak jeng mbaok mata hadah mekre ka phum soc di drei.

Piah ngak hu yau ini, sa dalam dom kham marat di huyện Châu Thành lac jhul khang bruk peih ngak hu siam bruk jak ba “Abih rahra jumpataom gauk padang ngak palei pala bahrau, đô thị văn minh” tui jalan ngak lac “mek prein rahra sangka raidiuk di rahra”. Tui nan, dalam 5 thun tapa, mặt trận negar dom pakat hu dang tabiak, pambuak gauk peih ngak, khik ramik, peih praong rilo bruk ngak hu siam lagaih yau ye: “Tổ dân cư eng drei pasang iek khik caga alam moi truong, langyah nerak tachrauk”, “tổ dân cư pacang caga toi pham, bruk kanjah jhak, kol jru phien ma túy”,“pabah mbang rahra eng drei khik iek”, “Camera an ninh” “ móc khóa an ninh”,“Truac hadah jalan palei, padang ngak jalan kieu mau, gheng dok negar, pala bingu kiểng… Abih di nyu nan lac, pambuak gauk jak ba rahra rik daong jien padai, alin taneh, rik prein padang ngak cơ sở hạ tầng, cak rok patagok kinh te, patrun kan kathaot khang kajap, dak padang raidiuk ilamo. Tapa nan, hu jak ba rahra alin 15.000 m2 taneh, rik daong labaih 1,5 tỷ đồng saong labaih 19.000 harei ngak padang ngak palei pala bahrau. Kuhria tal puac thun 2023, dalam huyen hu 25.300 baoh sang mek hu angan saong ilamo saong taong abih labik rahra daok mek hu angan labik rahra ilamo. Ong Lâm Hiệp, daok pak xã Phú Tân lac sa dalam dom rahra hu rilo prein rik daong tame bruk padang ngak palei pala bahrau khan lac: “Padang ngak jalan mbak yau nan, rahra biak chreih chrai, Ndang, kanja sangka ka rahra hu yau nan thei jeng uan tabuan lo. Maong gah hadeih ye dahlak jeng hu rik prein ngak jalan patau di ar ribaong piah ka rahra nao hamu, drei kham marat ngak habar piah ka rahra nao hu. Gah ini ye nduac radaih hu bo gah deih jeng nduac radaih hu, gah ini lac radaih 4 baoh, daok gah deih lac radaih dua baoh.”

Huyện Châu Thành hu labaih mateh lac urang bangsa takik, dalam nan rilo abih lac urang bangsa Khmer. Peih ngak dom sarak di ndang, dom danak dak, sarak bangsa hu ba raidiuk, bruk ngak mbang ngak huak di mikva hadah hadai tagok, min, jeng daok hu sang suh sah ka sang daok, ka raidiuk jeng daok kan kandah. Kayua yau nan ye, meng thun 2019 tal urak ini, huyen hu jak ba saong hu pakat tinh ba brei jaik 29 tỷ đồng, gam haong dom xa, ban sit jak ba hu 1 tỷ 670 triệu đồng, padang ngak hu 358 baoh sang saong ngak pasiam veik 12 baoh sang Jumpataom. Langiu di nan, daong taong ruak, blei bảo hiểm y tế ka 390 urang. Ong Lê Hoàng Nuôi, Akaook Uỷ ban MTTQ Việt Nam huyện Châu Thành brei thau: “Mặt trận negar huyen kham merat salih bahrau asal kadha, jalan ngak piah mai jaik rahra saong hu trach nhiem haong rahra, sangka khik caga kein laba di rahra. Gam haong nan, mặt trận jeng hu peih ngak samu gauk dom bruk thau dhar phol, patrun kan kathaot, hu mbaok tame bruk dak padang kanja, rik panuac  dak padang ndang hacih sa-at, khang kajap. Ini jeng lac sa bruk ngak di mặt trận negar ba tabiak ngan haong danak dak padang ngak palei pala bahrau pambuak haong đô thị văn minh dalam tukvak tapa.”

Tapa bruk Jak ba hu pablak tame rilo asal kadha lagaih, pamadeih tagok khang hatai jumpataom gauk, hu rahra pachreih tui, rik prein tame gam haong Ndang, Kanja yam tapa kan kandah, tavak tavaiy, khik kajap  raidiuk di rahra, pamadeih tagok yaok prein khang dalam rahra piah daong ngak brei jayah bruk chính trị, kinh tế, ilamu-xã hội./.