Sap chiêng chreih chrai di mala talei phun kayau praong, taha, hijao, that ngak ka labik jalan Trần Quang Khải, taphia Mblang bein 10/3, ban Buôn Ma Thuột, tỉnh Đắk Lắk lahei bingi di kreh langik pandiak thu tabung glaong. Ragam xoang lamin lamuac saong ragu daoh bhap bini bingi pang yau hu prein dui pachreih bhap bini saong tuai damuai nao tapa jeng padeih takai tui iek, tui pang. Amuk Nguyễn Thị Oanh, urang tuai mai meng tỉnh Nam Định khan lac:“Tabiak ini me-in mboh urang me-in kong chiêng Tây Nguyên ye drei tui iek. Kong chiêng Tây Nguyên lac laik sa ye, dalam taneh ia tok hu Tây Nguyên meng hu kong chiêng. Kong chiêng Tây Nguyên labik halei jeng bui sambai chreih chrai”

Danak dak parang me-in kong chiêng saong “giao lưu nghệ thuật” haong rilo asal kadha chreih chrai lac bruk ngak di Pasak Ilamu - Thể thao ban Buôn Ma Thuột peih tabiak di Mblang bein pasak ban dalam dom harei lễ praong. Meng bruk parang me-in kong chiêng, alat ragam bangsa di dom kapul nghệ nhân ranaih umo thun di buôn Ky, buôn Ko Tam, kalup kapul daoh then ban Buôn Ma Thuột, tamia rilo menuac haong gauk di Kalup kapul inem krung ao tah Việt Nam tỉnh Đắk Lắk, Vũ đoàn Doremi Kid... hu ngak jeng sa danak dak daoh tamia biak chreih chrai. Ong Trương Ngọc Bảy, daok di xã Ea Kuăng, huyện Krông Pắk, tỉnh Đắk Lắk mai maong iek danak dak brei thau:“Hu dom bangsa,, urang Ê Đê, urang Tày saong dom bangsa karei jeng hu ilamu karei di urang. Bein ilamu nan, lac bruk hadah mbaok mata di bhap bini, nan ye giao lưu dom janih ilamu brei ka bhap bini kol dahlak dak harei dak thau hu rilo ilamu jang”.

Oh njauk lac ta-eng di Mblang bein 10/3, bo rilo labik du lịch di Đắk Lắk jeng bhian peih dom bruk ilamu daoh tamia ndung bak ilamu Tây Nguyên, yau ye: taih me-in kong chiêng, daoh then capi tính, ngak alat ragam, menyum alak cần, mbang menyum di dom bangsa Ê Đê, M’nông,… ngak ka tuai biak takre.

 Sa-ai Lý Thế Quân, urang tuai daok di TP. Hồ Chí Minh brei thau, drei biak takre danak dak parang me-in capi patau saong alat ragam bangsa tuk mai tal Jalan tapuk cà phê Buôn Ma Thuột dalam mbang ravang me-in Đắk Lắk mbang ini."Dahlak mboh dom kadha hu pablak tame dom janih ngak jeng bruk chreih chrai, brei mboh ilamu bhum palei biak cambaih laih, abih di nyu lac ilamu di urang Ê Đê. Tapa dom sap daoh, sap takơ mboh lac sap di dom ayut biak khang kadang, dane atah, njauk lac ceik glai. Bruk ini dahlak mboh lac di dom labik karei oh hu".

 Oh njauk lac tuai meng dom labik karei bo dom menuac sia daok pak Đắk Lắk jeng mboh tatuak drei saong chreih chrai haong dom bruk ngak ilamu nghệ thuật ndung bak ilamu Tây Nguyên. Sa-ai kumei angan Trần Thị Đan Phương, daok di phường Tân Lập, ban Buôn Ma Thuột brei thau:“Sa mbang padeih rilo harei min sang dahlak brei daok veik Buôn Ma Thuột, daok veik pak baoh sang di drei saong maong iek dom ilamu vil val, jaik taphia. Blaoh tatuak drei mboh lac vil val drei hu biak rilo janih biak gheih mekre yau nan. Caong lac Đắk Lắk drei meda hu dom danak dak gheih mekre yau nan rilo jang brei ka rilo sang, hu dom sang oh hu điều kiện saong hu dom sang urang caong duah thau jang jeng oh  thất vọng saong mboh bui sambai, haniem phul”.

Lac bhum taneh rilo ilamu haong 49 bangsa daok diukrai, taphia dom kein lagaih gah langik tasik ye ilamu di dom bangsa pak di labik lac kadha ngak jeng bruk karei taeng di du lịch Đắk Lắk. Pambak tame dom kein lagaih nan, dalam tuk lễ, Tết dom gah dom labik ngak du lịch di Đắk Lắk jeng khang hatai ngak jeng dom kadha chreih chrai bahrau piah dui pachreih saong khik takai tuai tuk mai ravang me-in Đắk Lắk./.