Dalam baoh sang praong, siam, ong Lâm Se, urang nong Khmer slut mbut hu manuac sia iew lac tỷ phú takai haluk, khan lac tuk bahrau khin gauk, dua diuk pasang ong tabiak daok karei haong mblang hamu sit, tuk nan ong saneng duah jalan piah cak rok patagok bruk ngak mbang kinh tế. Hadei di tuk hu puac kadha vak angaok báo ndom ka bruk cuộn pon di bhum Đông Nam Bộ, ong Lâm Se ba tui blah báo nan nao họp di Kapul urang nong, brei panuac haong kapul saong hu kapul pachreih tui bruk ngak cuộn pon. Ong khan kac: “Yaok thun, hadei di yuak padai bloh, dom pon angaok mblang hamu biak rilo min mikva tok cuh klak. Meng phun jien di drei saong hu Karjar brei mesre yaom laba lap, dahlak blei hu sruh mac cuộn pon. Hadei di tuk ngak mbang hu, dahlak blei gac veik mac cuộn pon saong padang labik khik piah labaih  6.000 paok pon”.

Meng 4 sruh mac cuộn, ong Lâm Se haong 10 urang ngak yaok harei hu labaih 2.000 paok pon meng dom mblang hamu dalam saong langiu tỉnh, jien mek tame labaih 20 triệu đồng sa harei. Ong tuk halei jeng abih hatai klah rabha ilamu ngak mbang piah ka mikva ba gauk yam tagok dalam bruk ngak mbang. Bahrau ini, ong hadah mbaok meta hu Thủ tướng Raja-ei pok brei Harak meyaom.

Akaok Hội đồng quản trị gam lac akaok Hợp tác xã ngak nong Ngọc Biên (huyện Trà Cú, tỉnh Trà Vinh) Lê Phúc Hiền brei thau, tapa dom jalan khau tin, báo chí, ong saong dom urang dalam HTX duah thau ka Hukum Hợp tác xã piah duh ka bruk ngak mbang, pablei salih, ba bruk ngak ka urang ngak saong khik ramik HTX. Hợp tác xã Ngọc Biên daok pambuak bruk pala saong blei veik abih padai ST25 di labaih 300 baoh sang urang nong Khmer ngan haong mblang taneh praong labaih 500ha; tapa nan, daong ka urang nong patrun yaom jien buh tame ngak, hu HTX blei veik abih padai ngak hu haong yaom blei glaong jang meng 1.500-2.000 đồng/kg dut haong dom pajaih padai karei.  

Di Kiên Giang, tapa báo chí, bhap bani Khmer thau hu dom yaom ilamo saong iek prong jang dalam bruk khik ramik, patagok ilamo meng kan dom bruk ngak di bangsa. Akaok mban Bangsa tỉnh Kiên Giang, Danh Phúc brei thau, tapa harak báo, tạp chí gam haong dom sarak, danak dak cak rok patagok kinh tế-xã hội hu daong ka mikva thau hu bruk, pandar dom ilamu khoa học-kỹ thuật tame dalam bruk ngak mbang, pala drak, tani tanat labik daok piah ngak mbang. Meng dom khau tin di angaok dom harak báo, bhap bani Khmer daok ba gauk padang rai diuk ilamo, pacang khik saong cak rok patagok yaom ilamo bangsa drei. Urak ini, bruk pabak brei báo, tạp chí ka dom xã daok dalam danak dak 135, bhum tapain negar saong dom baha  Khmer di Kiên Giang hu ngak biak siam ngan haong 432.440 blah báo, tạp chí di jaik 20 janih báo yaok thun…

Hòa thượng Tăng Nô, Phaok akaok Kapul Gul pataom sư sãi ranam taneh aia tỉnh Sóc Trăng, Akaok mban Trị sự Giáo hội Phật giáo Việt Nam tỉnh brei thau, sarak daong pabak báo ka bhap bani Khmer tuk halei jeng hu dom ong bhik iek prong kayua ini lac jalan khau tin siam, lagaih, daong ka mikva cak rok patagok taong abih gah. Tapa nan, daong ka bhap bani dak harei dak paglaong hatai sangka, oh pang tui kol kanjah jhak ngak srau dhau rai diuk sron mbon salamat di bhap bani.

Ong Thạch Sa My, urang jakar padeih hưu daok di ấp Ba Se A, xã Lương Hòa, huyện Châu Thành, tỉnh Trà Vinh bui sambai khan lac, tapa báo, ong jak ba bhap bani dalam ấp, dalam xã ngak tui: Anak meta, kakei haong anek kamuan dalam sang, but pajaih peih ngak siam dom adat hukum di karja; pachreih bhap bani saong chư tăng Khmer patagok hatai gul pataom abih bangsa, abih hatai ngak tui dom bruk pakacah gauk ranam taneh aia di puk palei, gam rik daong pren yava dak padang palei negar kaya meda.

Thượng tọa Danh Nâng, urang bangsa Khmer, Urang dang akaok baha Thứ Năm, xã Nam Thái, huyện An Biên, tỉnh Kiên Giang hu jak ba mikva padang bruk khik caga alam môi trường, pacang caga haong bruk biến đổi khí hậu di bhum njaom ia mbak hu jak jeng siam mkre. Thượng tọa Danh Nâng caong khin anak tal, gah chức năng njauk patui veik bruk buh jien tame ngak, daong ka bhap bani Khmer thau ilamu công nghệ bahrau dalam ngak mbang, pala drak piah mek hu kein laba glaong jang./.