Yau nan min, piah dui pachreih rilo doanh nghiệp tame ngak gah ini oh lac bruk mbuan, abih di nyu lac di dom labik bhum ceik, kayua ngak nong lac gah mbuan gaok rilo khat lahik meng bala di langik tasik saong jit ruak. Kayua yau nan ye, piah dui pachreih doanh nghiệp buh jien tame ngak gah ngak nong njauk hu dom jalan ngak ka nyu khang saong samu gauk.

Urak ini dalam tỉnh Hà Giang hu labaih 1.500 janih phun jru, meblah labaih 39% dom janih phun jru dalam negar. Hà Giang thau lac, phun jru lac sa dalam 5 phun pala prong dang akaok di tỉnh, rik daong patruh eik patrun kathaot. Meng nan, rilo urang nong daok salih hatai saneng, meng ngak sit sot tapa ngak jeng bhum phun jru praong, ba phun jru tame pala tui mùa vụ, ba mai kein laba glaong. Ong Vũ Tiến Hiếu, Phaok Yam ndok Sở Ngak nong saong patagok palei pala tỉnh Hà Giang brei thau: “Kasa nan lac brei thau cambaih janih phun jru hu lagaih saong brei patagok dahlau, pasiam dom jalan ngak piah peih bruk pala, mong iek phun jru dalam tỉnh Hà Giang. Kadua nan lac, daong dom doanh nghiệp, hợp tác xã hu mbaok tame pala, ngak, sơ chế, ngak tabiak chuỗi giá trị ngan haong phun jru. Ka klau lac brei panuac rik daong tame dom jalan ngank, sarak taong yaom dom chuỗi pambuak gauk piah peih bruk pambuak gauk ngak, blei veik abih”.

Urak ini tỉnh Hà Giang hu rami ramik labik pala phun jru saong hu ba tabiak dom sarak daong pambuak bruk ngak nong, tui chuỗi giá trị, dui pachreih rilo doanh nghiệp dalam saong langiu tỉnh mai buh jien tame ngak. Dom doanh nghiệp buh jien tame cak rok patagok phun jru hu daong taong abih jien jhung phun jien mesre, haong yaom phun jien hu daong jien jhung rilo di abih lac  500.000.000 đồng sa bein, dalam 36 bilan.

Sa dalam dom doanh nghiệp hu buh rilo jien tame gah ngak nong di Hà Giang nan lac Cty cổ phần phun jru Bông Sen Vàng. Doanh nghiệp ini hu buh jien tame sang mac ngak jru praong 2.000 mét vuông mek hu tanut chuẩn GACP. Ong Bàn Văn Sơn, Quản đốc sản xuất, Cty Cổ phần phun jru Bông Sen Vàng brei thau:   “Công ty ngak tui jalan lac buh jien tame camereip abih lac meng phun jru. Phun jru meda lac labik pala di cty. Cty eng drei buh jien tabiak ngak atau phun jru nan, lac bruk pambuak gauk haong dom sang, dom hợp tác xã atau dom nyaom baoh sang piah hu jalan ngak ka nyu laghaih. Langiu di nan, cty jeng cak rok patagok sa jalan bahrau tra. Nan lac bruk phun jru ini saong tui tanut ba tabiak di jru tavao, tanut Kiểm nghiệm jru siam”.

Meng jalan patagok suai lavik, tỉnh Hà Giang hu rami ramik bhum pala phun jru praong. Mboh hu dom siam lagaih nan, Cty cổ phần cak rok patagok bruk ngak nong ngak glai saong môi trường Việt Nam jeng hu buh jien tame dây chuyền ngak pandap công nghệ glaong, janih phun pala, piah paglaong năng suất saong chất lượng kaya nong. Ong Cao Văn Quỳnh, Phaok akaok Cty cổ phần patagok bruk ngak nong ngak glai saong môi trường Việt Nam brei thau: “Urak ini di Việt Nam bahrau pabak hu  jaik 20 % dom phun jru piah ngak. Ka dua lac mai meng bruk pala phun glai, pala glai, ba mai kein laba biak biar, nan ye cty hu buh jien tame gah nan piah pabak brei sa binah sit gah jru tavao ka Việt Nam, jru nyu hu asal. Kadua tra lac piah paglaong kein laba bruk ngak glai ka bhap bani, ba mai kein laba kinh tế”.

Piah dui pachreih rilo doanh nghiệp buh jien tame gah ngak nong, tỉnh Hà Giang hu tabiak Sarak Nyaom roya Đảng bộ tỉnh mbang ka XVII vaktu 2020-2025, hu ba tabiak sa dalam klau bruk salih bharau khang lac Cak rok patagok du lịch ngak nong pandap panda chất lượng glaong tui chuỗi giá trị. Meda ndom lac, bruk dui pachreih doanh nghiệp buh jien tame ngak nong, gam haong nan patabiak dom sarak cak rok patagok bruk ngak nong, lac jalan jhul patagok ka bruk ngak nong tỉnh Hà Giang./.