Saai Nguyễn Hữu Đức, daok di khu phố 2, puk Hải An, ban sit Phước Hải, huyện Đất Đỏ, tỉnh Bà Rịa – Vũng Tàu khan lac, saai ngak bruk di mangaok gilai taong ikan di tasik atah hu labaih 20 thun, min jaik 10 thun ini mai kayua jien mek tame oh daok tani tanat nan ye saai salih jalan ngak. Atah di ini 7 thun, saai Đức hu buh jien tame jaik 80 triệu đồng blei gilai li- I mac saong halam piah taong ikan jaik takai tasik.  

Yaok harei tuk maong 1 tal maong dua page, saai Đức ba gilai li-i tabiak tasik, tal maong 8 atau maong 9 lac tame ar, ba mai rilo janih kaya ikan taong mek hu, yau ye ikan, hadang thẻ, jantak saong dom janih karei karei.

Tui saai Đức, bruk ngak gilai li- I brei jien mek tame tani tanat, harei halei njauk ye duah hu meng 1 - 1,2 triệu đồng, daok harei tasik riyak praong, hu  hangin khang ye takik jang, tok hu meng 400-500 ribau đồng. Kuhria rah tapa yaok bilan, saai Đức duah hu labaih 10 triệu đồng hadei di tuk kaoh abih jien buh tame: “Nao tasik angaok gilai atah ar 20 thun, ngak pah, parabha gauk haong po gilai min glaiih glar lo, nan ye salih tapa gilai li-i. taong mek ikan jaik ar, harei halei jeng nao. Bruk nao taong mek ikan meng gilai li-i tuk camereip ka oh randap, hu dom urang praong thun, dom urang hu ilamo pato tacei. Harei halei hu jien mek tame glaong ye drei pataom veik piah cai pandar dalam dom harei oh taong mek hu, jeng diuk hu, biak tani tanat.”

Pak khu phố Hải Trung, ban sit Phước Hải dahlau dieh hu 80% urang ngak ikan diuk meng bruk nao taong mek ikan di tasik atah, tuk nan du lich saong jit vu ka oh cak rok patagok. Dom thun jaik di ini, labik taong cap ikan angaok tasik dak harei dak takik nao, yaom xang manjek tagok, rilo po gilai ngak oh hu nan ye pablei gilai, dom urang nao tasik jeng tagok ar duah bruk ngak karei. 

Amuk Nguyễn Thị Kim Lê, Akaok khu phố Hải Trung, ban sit Phước Hải brei thau, dalam khu pho hu 749 sang ye jaik abih hu jien mek tame meng bruk nao tasik, urak ini rilo sang salih tapa ngak jit vu, pablei salih kaya ikan saong peih quan mbang: “Urak ini dalam khu phố tok daok 60% sang ngak bruk nao tasik, jeng hu dom urang taong mek ikan salih bruk ngak. Rilo urang taong ikan hu sang di mbaok jalan ye peih quan mbang, pablei salih sit, pablei salih kaya tasik”.

Urang pan akaok UBND ban sit Phước Hải, huyện Đất Đỏ brei thau, dom thun dahlau, palei hu ka oh tal 40 sruh gilai li-i mac, đò nan taong mek ikan jaik takai tasik, min dom thun jaik di ini, dom sruh gilai li-i tagok jaik 480 sruh.

Tui ong Mai Châu Khánh, Bí thư Đảng uỷ ban sit Phước Hải, urak ini sruh gilai taong mek ikan pak ini hu 460 sruh, trun 30 sruh dut saong 2 thun dahlau. Makna ngak ka rilo urang taong mek ikan njauk pablei gilai, padeih ngak lac kayua taong mek ikan oh hu laba, yaom kaom pandap panda piah nao tabiak tasik tagok glaong, dalam tuk yaom kaya ikan oh tagok. Dom urang klak bruk nao tasik, rilo meng salih tapa bruk pablei salih jit vu, pablei salih kaya tasik. 

Ngan haong urang nao tasik lahik bruk ngak, Ndang uỷ ban sit pato tacei kanja palei, dom Kapul, nyaom, Gah chính trị, xã hội daong brei masaiy piah padang bruk ngak, patruh eik patrun kan kathaot,.. piah daok kak kajap haong bruk taong ikan jaik takai tasik, eng drei ngak po dalam raidiuk. Ong Khánh daok brei thau lac: “Dahlau deih, gilai li-i mac, đò nan di pak ini biak takik, tok hu dom sruh min. Urak ini, gilac li-i mac tagok jang, trun daok takik dom sruh gilai taong ikan atah tasik kayua oh daok hu laba nan ye salih tapa ngak bruk karei. Dalam nan hu dom urang nao gilai hu masaiy jien blei gilai li-i piah taong mek ikan jaik takai tasik. Bruk nao taong mek ikan meng gilai li-i oh daok pagam pambak tame tame po gilai bo eng drei ngak po.”

Tui panuac khan di kanja palei, dom sruh gilai li-i, đò nan di ban sit Phước Hải, huyện Đất Đỏ jeng daok tagok yaok harei, dom janih kaya ikan taong mek hu jeng rilo janih jang. Rilo jit vu, quan pablei pandap mbang kaya tasik di bhum takai tasik Phước Hải hu padang tabiak, dui pachreih hu rilo tuai dalam saong langiu tỉnh mai mbang me-in, ba jien tame dak harei dak tani tanat ka rahra./.