Dalam tỉnh Bến Tre urak ini hu 50.000ha taneh siam ka bruk raong kaya ikan, saong hu 46.500ha daok hu raong, yaok thun mek hu 250 rabau tấn. Bến Tre daok lac labik dang ka 3 di bhum ĐBSCL ka phun mbang baoh, ngan haong taneh praong jaik 28 rabau ha, yaok thun mek hu labaih 335 rabau tấn. Tỉnh jeng lac sa dalam dom labik hu ginup 12 janih baoh kayau hu Mintri ngak nong saong patagok palei pala ramik ngak jeng bhum pala chuyên canh saong rải vụ.

 Taphia nan, bruk ngak phun pajaih - bingu kiểng Cái Mơn, huyện Chợ Lách hu pambak praong saong cakrok, jeng labik pabak saong ngak tabiak phun pajaih - bingu kiểng biak hu angan di bhum ĐBSCL jeng yau di taneh ia. Urak ini, abih tih dom sang ngak saong pablei phun pajaih dalam tỉnh lac labaih 8.000 sang haong 1.650ha, pabak labaih 40 triệu phun pajaih. Dalam tỉnh hu 7.900 sang ngak, pablei bingu kiểng, rilo meng lac di huyện Chợ Lách. Yaok thun, huyện Chợ Lách pabak ka darak pasar meng 15 - 18 triệu phun bingu kiểng dom janih, rilo meng lac hoa giấy, tắc kiểng, mai kanyik, bingu tual, kiểng hala, bingu cakak dhar, bonsai saong kiểng athur.

Dom thun jaik ini, meng bruk kham merat di abih hệ thống chính trị, kapul nyaom saong bhap bini, tỉnh hu padang ngak rilo bruk, rilo danak dak praong, ngak pasiam taneh riya piah pandar kaya pandap meng langik tasik di palei hu kein laba jang, lagaih haong biến đổi khí hậu saong ia tasik tagok galong, tani tanat bruk ngak mbang duah jien di bhap bini. Pambuak gauk patagok di dom labik dalam bhum ĐBSCL saong dom labik jaik taphia dom thun jaik ini hu peih tabiak jalan ka du lịch cakrok. Jalan mbak nao mai pambuak Bến Tre haong TP. Hồ Chí Minh saong dom tỉnh dalam bhum dak harei dak mbuan lagaih piah ka Bến Tre gam lac labik mai tal, gam lac labik padeih takai di tuai damuai. Du lịch cakrok hu daong jhul salih bahrau kinh tế saong xuất khẩu pak di labik, ba rilo bruk ngak, paglaong raidiuk bhap bini, yaih khan mbaok meta puk palei, anek menuac Bến Tre.

Dalam vaktu 2016 - 2019, abih tih dom tuai du lịch mai tal tỉnh yaok thun tagok 17%. Tỉnh daok patagok prein khang haong rilo janih ngak, rilo pandap du lịch yau: ravang iek dom bein la-u, labik ngak phun pajaih - bingu kiểng, bein phun mbang baoh; ravang iek, duah thau bruk ngak mbang ngak huak yaok harei bhum palei pala di sang bhap bini, ravang iek ngak nong ilamu glaong, ravang me-in tasik pambuak haong duah thau hệ sinh thái glai dauk ia mbak; ravang iek saong duah thau dom palei ngak meng kan, mbang iek dom janih pandap mbang pambuak haong la-u…

Tukvak tapa, gah du lịch tỉnh jeng hu pambuak bruk haong dom gah, dom puk palei daong palagaih ka dom labik du lịch pambuak haong dom Cty lữ hành yau peih rilo bruk pasang iek ka dom doanh nghiệp lữ hành dalam saong langiu tỉnh, dom báo, đài piah padang ngak, yaih khan dom labik ravang me-in pambuak haong ngak nong dalam tỉnh; peih bruk brei ka dom sang rahra ngak du kich ngak nong, du lịch cộng đồng ravang iek, bac megru ilamu dom bruk ngak du lich jak jeng dalam saong langiu tỉnh.

Dom labik nao tal ka tuai ravang iek du lịch ngak nong dak harei dak rilo janih, yau ye bruk: bein dưa lưới saong dom pandap ngak nong ilamu glaong di Phú An Khang; ravang iek “Nông trại Hải Vân – mblang cim Vàm Hồ”; ravang iek saong paik mek dom kaya nong hacih di Ben Tre Riverside Garden, Forever Green Resort; ravang iek dom bein phun mbang baoh, bingu kiểng di Chợ Lách; labik nông trại Menuac khik glai di huyện Bình Đại saong dom labik raong kaya ikan… Bruk du lich homestay tukvak tapa jeng tagok biak samar, dalam tỉnh urak ini hu 41 homestay di dom huyện Châu Thành, Chợ Lách, Giồng Trôm saong TP. Bến Tre, hu labik ginup ka labaih 1.000 tuai.

Tỉnh jeng daok peih dom jalan ravang iek pambuak haong dom labik du lịch cộng đồng, dom kaya nong. Urak ini hu 5 jalan du lich praong hu peih tabiak ngak yau ye: jalan du lịch sinh thái darak la-u angaok kraong Thom; jalan du lich sinh thái 3 xã gah meraong TP. Bến Tre; jalan du lich sinh thái 8 xã tapen kraong Tiền, huyện Châu Thành (Mekong Tour); jalan du lich mai halau gha saong sinh thái 3 huyện (Mỏ Cày Bắc - Mỏ Cày Nam - Thạnh Phú); jalan du lịch mai halau gha Giồng Trôm - Ba Tri - Bình Đại.