Patagok saong ba dom ilamo gheih mekre di urang Cam nao grauk labik di taneh ia

Oh yau lan am Bát Tràng di Hà Nội atau lan am Chu Đậu di Hải Dương, lan am Hamu Traok hu dom ilamo biak karei. Yaok jalan payeng, bingu la jeng hu ngak biak tani tanat saong taong abih jeng hu ngak meng tangin. Sa-ai Đàng Năng Nghiêm daok di Khu phố Bàu Trúc, ban sit Phước Dân, huyện Ninh Phước, Ninh Thuận ndem lac: “Pang hu khau tinlac tinh meda peih labik parang iek lan am Hamu Traok di Ha Noi…”

Yaom lac hu mayaih khan, parang iek di rilo tinh, ban dalam taneh ia, min nghệ nhân Đổng Thị Sữa, Khu phố Bàu Trúc, ban sit Phước Dân, huyện Ninh Phước jeng daok mboh hadah mbaok meta tuk mbang ini hu lambaok ka palei Hamu Traok hu mbaok tame “Harei ilamo - Du lịch Ninh Thuận di Hà Nội” thun 2022. Amuk brei thau, bruk parang iek ilamo ngak lan am di mbang ini lac piah ka manuac sia saong tuai damuai hu mboh cambaih pandap jeng yau iek praong prein yava, bruk sahneng duah saong dom yaom glaong biak gheih di palei ngak lan am lavik saman abih di Đông Nam Á. Amuk Đổng Thị Sữa khan lac: “Pang hu khau tin lac tinh meda daong jien nao Ha Noi…”

Tui ong Đinh Xuân Hương, Yam ndok Pasak ilamo tỉnh Ninh Thuận, tui kuhria, “Harei ilamo - Du lịch Ninh Thuận di Hà Nội” saong Nyaom biai jhul samar, mayaih khan du lịch Ninh Thuận di Hà Nội” thun 2022 meda hu labik parang iek, mayaih khan pandap manyim khan bai Palei Cakleng saong lan am  Palei Hamu Traok. Kayua yau nan ye dom nghệ nhân kham merat ngak siam bruk mayaih khan pandap panda di palei ngak meng kan di urang Cam: “Dom nghệ nhân hu caga dom pandap panda ba tabiak mayaih khan di Harei ilamo du lịch tỉnh Ninh Thuận di Hà Nội. Tapa  ini jeng caong tuai Hà Nội thau cambaih jang ka palei ngak lan am Hamu TRaok saong bruk  manyim khan bai di Palei Cakleng drei.”

Meng abih hatung hatai, dom nghệ nhân di 2 palei ngak lac lan am Hamu Traok saong Palei manyim khan bai Cakleng daok khik ramik, patagok saong ba dom ilamo gheih mekre di urang Cam nao grauk labik di taneh ia. Saong “Harei Ilamo - Du lịch Ninh Thuận di Hà Nội” haong Nyaom biai jhul samar, mayaih khan du lịch Ninh Thuận di Hà Nội” thun 2022, hu maong lac jalan peih tabiak ka dom nghệ nhân di 2 palei hu mayaih khan, parang iek piah ka manuac sia saong tuai damuai thau tal pandap panda lan am Hamu Traok saong manyim khan bai Palei Cakleng rilo jang./.

Urang lang: Thu Thao – 29/09