Sang bac Cao đẳng Nghề Ninh Thuận tuk halei jeng sangka buh jien tame padang ngak cơ sở vật chất

Sang bac Cao đẳng Nghề Ninh Thuận lac sa dalam dom sang bac bruk ngak hu Mintri Lao động – Thương binh saong Xã hội pilih ruah hu mbaok tame Danak dak “Salih bahrau pato pakai bruk ngak Việt Nam” hu ủy quyền di Mintri pambuak bruk Kinh tế saong cak rok patagok CHLB Đức (BMZ) saong hu peih ngak kayua Gah pambuak bruk dunya Đức. Dom thun tapa, Sang bac oh lac hu buh jien tame padang ngak cơ sở hạ tầng, blei pandap pato bruk ngak, bo dom gru pato jeng hu pasram megru paglaong ilamo nan ye bruk pato pakai dak harei dak hu siam mekre.

Adei Đàng Năng Đức, sinh viên tal bac Cơ điện tử – sang bac Cao đẳng Nghề Ninh Thuận ndom lac: Meng vdanak dak pato pakai di sang bac hu mbaok di doanh nghiệp dalam tukvak pato pakai, pasang iek, taong yaom meda daong ka sinh viên hu ilamo saong kỹ năng bruk ngak khang kajap, lagaih haong công nghệ ngak bruk di doanh nghiệp, meda ngak bruk chip hadei di tuk bac tamat blaoh.“Tapa mbang duah thau di mangaok mạng xã hội ye adei hu thau dalam bruk bac cơ điện tử.”

Bruk sang bac Cao đẳng Nghề Ninh Thuận salih jalan pato pakai meng kan tapa pandar dom pandap panda bahrau dalam pato pakai oh lac daong ka sinh viên thau hu dom ilamo hu hàm lượng tự động hóa glaong bo bruk pato pakai di gru pato jeng hu mbuan lagaih jang. Piah daong palagaih di abih ka sinh viên dalam tuk bac megru di sang bac,Sang bac Cao đẳng nghề Ninh Thuận hu padang sa Kapul tacei jalan bruk ngak ngan haong bruk hu mbaok di rilo doanh nghiệp dalam saong langiu tỉnh. Ong Nguyễn Xuân, akaok Khoa Cơ khí – Xây dựng, Sang bac Cao đẳng Nghề Ninh Thuận, lac:“Bruk ngak Cơ điện tử di sang bac daok  hu chuyển giao công nghệ di Đức piah bac dom gah cơ khí, điện, điện tử saong Công nghệ thông tin. Meng danak dak ini, dom adei hu bac di sang bac dom ilamo cơ bản saong dom adei hu pasram ngak di doanh nghiệp. Bruk pambuak gauk ini meda daong ka dom adei tuk tabiak sang bac meda pandar chip hu ilamo di drei tame bruk ngak di doanh nghiệp. Dom adei meda pandar hu dom dây chuyền tự động hóa bahrau.”

Bruk salih bahrau khang kadang jalan pato pakai, sangka ba ba công nghề bahrau tame pato pakai ilamu ngak bruk, pato pakai ngak iek dalam bruk ngak di doanh nghiệp di Sang bac Cao đẳng bruk ngak dak harei dak lagaih haong bruk salih bahrau di bruk ngak dalam tuk cách mạng công nghiệp mbang ka 4 saong salih tapa số./.

Urang lang: Thu Thao – 23/04