Ninh Thuan pato pakai bruk ngak pho thong ka urang ngak

Sa-ai Thành Thị Thu Thúy daok di xã Bắc Sơn, huyen Thuận Bắc bahrau hu taduan tame ngak bruk di Cty may Minh Sơn. Oh ka hu bac bruk ngak, oh ka thau bruk ngak, nan ye Cty abih 3 adit brei ka sa-ai Thúy bac bruk ngak meng jhik hu. Sang daok atah, njauk pah labik daok, gam haong jien mbang huak, nan ye dalam tukvak bac bruk, sa-ai Thúy duh hatai lo. “Bac bruk di palei tok bac hu labaih 1 bilan. Pak nan urang pato dom janih cơ bản, jamriak mac moc oh siam oh bahrau yau labik ini, nan ye tame ini adei brei bac veik meng ngak hu bruk.”

Taduan lahik tukvak meng 1 tal 2 bilan piah pato hu 1 urang ngak meda ngak bruk hu. Jien pato pakai abih 4 triệu meteh sa urang sa bilan. Ini lac jalan bo dom doanh nghiệp pandar urang ngak bruk phổ thông di Ninh Thuận daok ngak piah tani tanat menuac ngak, piah ngak dom đơn hàng njauk tukvak sanya. Sa-ai Võ Thị Thanh Trúc, Phòng nhân sự - Cty may Minh Sơn brei thau, Cty bahrau pilih ruah hu 150 urang ngak, ye 80% brei tapa tukvak bac bruk, meng nduac hu dây chuyền jhik. “Ngan saong dom urang oh ka thau bruk, dom bilan Cty taduan khat piah pato bruk ngak. Urang halei hadah hatai ye pato dalam 1 bilan lac ngak hu bruk. Pandap jhik tabiak oh hu rilo min meda lac urang ngak hu bruk ye. Daok dom urang suai damuai ye lahik meng 2-3 bilan, tui nan Cty taduan lahik dua klau bilan piah pato, tapa bilan ka 4 dom urang nan meng ngak hu bruk.”

Thun 2021, Ninh Thuận ba bruk ngak ka 11.237 urang ngak, dalam nan hu 6.801 urang ngak di palei hu pato bruk ngak, rilo meng lac dalam gah ngak nong. Dalam 3 bilan akaok thun 2022, dalam tỉnh hu ba bruk ngak ka 5.923 urang ngak. Min darak pasar urang ngak di Ninh Thuận daok hu bruk salih bahrau biak samar meng ngak nong tapa oh ngak nong, nan ye ini lac sa dalam dom makna praong ba tal kurang urang ngak bruk phổ thông hu tangin gheih ngak. Ong Hà Anh Quang, Yam ndok Sở LĐTBXH tỉnh Ninh Thuận brei thau, dalam thun ini, Ninh Thuận ba tabiak bruk pato bruk ngak ka 9.000 urang ngak, ye hu tal 5.400 urang ngak hu pato pakai sơ cấp bruk ngak saong 2.600 urang ngak di palei hu pato bruk ngak, pambuak haong hatai caong di doanh nghiệp. Min dom urang ngak nan jeng oh ka pabak ginup ka darak pasar urang ngak. “Salih bahrau urang ngak, ngak jeng bruk ngak bahrau. Urak ini gah LĐTBXH haong gah ngak nong saong dom puk palei padang ngak palei pala bahrau kol dahlak daok ba tabiak jalan pambuak haong dom doanh nghiệp pandar rilo urang ngak meda pato pakai samar gah sơ cấp, pagap yau patao jhik, pato chế biến kaya nong, kaya glai, kaya ikan, pato dom bruk gah du lịch pagap yau ngak mbang huak duh ka tuai damuai, nan lac pato pakai samar dalam danak dak pato bruk ngak ka urang ngak di palei.”

  Jit ruak Covid-19 hu jhul tagok samar bruk urang ngak nong tapa oh ngak nong. Nan ye dom doanh nghiệp caong hu rilo urang ngak yau ye: jhik, ngak kaya nong, kaya glai, kaya ikan brei dang tabiak pato pakai dom menuac ngak hu ilamu, gheih bruk, maong nan lac bruk njauk ngak piah ka doanh nghiệp cakrok khang kajap./.

 Urang lang: M. Phuong – 24/07