Rilo puk palei di Ninh Thuan hu salih bahrau di anak meta 

Ong Bá Bình Yên, phaok akaok mban bangsa  tỉnh Ninh Thuận brei thau, Ninh Thuận urak ni hu  32 bangsa takik ngan song labaih  144.200 urang, meblah  24,4% menuac sia di  tỉnh. Dalam tỉnh  urak ni hu  28 xã dalam bhum bangsa takik song bhum ceik, dalam nan hu  15 xã bhum III, 1 xã bhum II song 12 xã bhum I.

Bahrau ni,  Thủ tướng rajaei hu patabiak sarak ka 1719/QĐ-TTg harei 14/10/2021 brei peih ngak danak dak pakat negar ka  patagok  kinh tế - xã hội bhum bangsa takik song bhum ceik tuk vak  2021 - 2030, tuk vak ka  I meng thun  2021 tal thun 2025. Ni lac bruk sangka praong di Đảng, Quốc hội, rajaei, lac kadha prong piah ka  Ninh Thuận patui jalan buh jien tabiak padang ngak cơ sở hạ tầng, buh pren tame ngak ka bhum bangsa takik song bhum ceik tabiak truh kan kandah, yam tagok dalam rai duik, patagok khang kajap.UB bhap bini tỉnh Ninh Thuận hu tabiak jalan ngak, padang mban tacei jalan peih ngak ; Anak meta, tỉnh daok brei  jhul khang bruk ieu pataom, pabak jien padai pren khang brei ngak dahlau ka bhum bangsa takik song bhum ceik; iek prong bruk pabalk dom pren khang tame ngak, plaih nyaih bruk chồng chéo; tapa nan, pandar hu siam lagaih dom pren khang, piah jhul patagok kinh tế - xã hội bhum bangsa takik song bhum ceik tui jalan khang kajap. Bruk ngak prong di  tỉnh lac patagok samu gauk dom jalan nao mai, abih di nyu nan lac jalan palei song pambuak pagam dom bhum palei; dong bruk ngak mbang gam song dong duah bruk ngak ; dong dom jalan ngak mbang duah jien lagaih hong yaok puk palei, yaok nyaom bangsa , dong  palagaih ka urang bangsa takik, urang kathaot hu mbang tui dom sarak, pren khang, drak pasa piah patagok kinh tế…

Piah ngak hu bruk ni, tỉnh Ninh Thuận hu panuac ieu dom mintri, dom gah  pagam tal samar patabiak harak tacei pato peih ngak dom danak dak praong, sit dalam danak dak pakat negar patagok  kinh tế - xã hội bhum bangsa takik  song bhum ceik  kayua dom mintri, dom gah khik ramik .

Gam hong nan, tỉnh jeng cong samar parabha phun jien piah peih ngak danak dak pakat negar patagok  kinh tế - xã hội bhum bangsa takik song bhum ceik dalam tukvak ka I , meng thun  2021 - 2025;  tapa nan, trun dom kan kandah dalam tuk vak camereip  taduan ngak, kayua kan kandah tuk salih bruk parabha labik dom  xã, palei bhum bangsa takik song bhum ceik tui ilamu patagok tuk vak  2021 – 2025 tal dom sarak bangsa ngan song boh sang kan kathaot, jiak si kan kathaot, boh sang bangsa takik song dom urang lac  urang jakar, công chức, viên chức ngak bruk dalam puk palei hu bruk  kinh tế - xã hội biak kan kandah.

Tal urak ni, bhum bangsa takik song bhum ceik di Ninh Thuận hu 20 dalam 37 xã mek hu chuẩn palei pala bahrau; sang kan kathaot trun samar, tui kuhria yaok thun trun 3 - 4%, urak ni, dok  14,46%; jien mek tame kuhria tui akaok menuac  tagok  30,4 triệu đồng  thun  2021, tagok  1,19 triệu đồng dut song thun  2020. Taong abih dom  xã hu jalan ô tô tal pasak  xã; taong abih dom palei hu jalan  điện negar , song labaih  98% dom boh sang hu  điện truac hadah; 98% dom boh sang hu pandar ia hacih saat. Bruk pato pakai; y tế, iek glang pren yava bhap bini dak harei dak hu iek prong song paglong. Bruk quy hoạch, pato pakai , pasram megru paglaong ilamu, bruk ba tame pandar dom urang jakar, công chức, viên chức urang bangsa takik hu sangka.

Langiu di nan,  bruk khik ramik, patagok yaom glaong ilamu siam mekre di dom bangsa takik dak harei dak hu sangka jang ; bruk chính trị di bhum bhap bini hu pakhang pakajap, bruk jum pataom bangsa  hu patagok, an ninh chính trị, trật tự an toàn xã hội hu khik kajap. Hatai jia di bhap bini bangsa takik bhum ceik ngan song  Đảng, Karja dak harei dak hu khang, kajap./.

Urang lang: Hanipha- 16/4