Labaih 2 ha kruac bung kanduh hijao, durian pambuak haong yit vu rivang ma-in bein pala nan lac baoh jeng siam mekre hadei di ralo thun kham marat ngak bruk di ong Katơr Quỳnh pak xa Phước Bình, huyen Bác Ái. Tui hatai saneng ngak dahlau piah mikva bac megru ngak tui, meng phun jien patak pataom di mangavom, akaok mati ong Katơr Quỳnh tok pala labaih 20 phun kruac bung kanduh hijao, hadei 2 thun mboh siam makre, ong hu pala meblak tame phun panat, durian saong patei. Urak ni, bein kruac bung hu peih praong tagok 300 phun saong brei jien mek tame yaok thun labaih 150 triệu đồng. Ong Katơr Quỳnh daok pak palei Hành Rạc 2, xa Phước Bình, huyen Bác Ái mayai khan:

"Akaok mati dahlak pala min oh hu ia, oh hu hagait nan mikva mayai lac yau nan habar ngak. Pala kruac bung blaoh pablei ka thei min tuk dahlak ngak blaoh, mikva meng mboh gheih blaoh magru bac tui. Yaom pablei yau halei blaoh jang hu jien meik tame ka mangavom drei nan dahlau di abih. Meng nan, baoh sang kathaot rambah yaok thun hu patrun."

Pak dom bhum mikva bangsa takik, dak harei dak ralo mikva ngak mbang naih jioy. Hu ralo thaik ngak mek jien tame angaok 300 trieu dong tal 1 ty dong/sa thun. Dalam nan, thaik ngak pala rabung tei hijao di bhum mikva bangsa Cam palei Katuh Tuấn Tú, xa An Hải, huyen Ninh Phước sa thun meik jien tame jaik 4 ty dong ngak brei pambak praong tabiak, ngak jeng pren khang ka mikva tapa truh kathaot meng pren khang di drei. Ong Châu Minh Hương, Akaok Kapul nyaom Halau Janeng Bani tinh Ninh Thuan khan lac:

"Meng harei Ndang, Karja hu ba rabung tei hijao mai palei Katuh Tuấn Tú dahkak, mikva harei halei jang hu jien meik tame. Ndang saong Karja hu sangka maong iek tal mikva. Urakni, mikva harei halei jang hu jien mek tame, oh daok kan kathaot yau dahlau tra”.

Ngak tui Harak marat hatai di Nyaom roya Urang la mbaok mikva bangsa takik mbang di 3 thun 2019, 5 thun tapa, tỉnh Ninh Thuận hu buh labaih 4.800 ty dong ngak ha tang, cak rok jalan ngak mbang, grap tanat bhap bini, patrun kathaot tui jalan khang kajap saong dak padang Bhum palei bahrau di bhum mikva bangsa takik saong bhum ceik. Kuhria ta-eng dalam 3 thun tapa peih ngak Danak dak nagar cak rok patagok kinh tế - xã hội bhum urang bangsa takik saong bhum ceik, Ninh Thuan hu buh jaik 590 ty dong daong peih ngak 10 Danak dak ngan haong labaih 120 bruk ngak, ngak brei cak rok patagok danak dak hạ tầng bhum bangsa takik.

"Yaok thun baoh sang kathaot jang patrun angaok 3% pabak tui danak dak ba tabiak, jum pataom dom bangsa takik hu patagok saong mikva bangsa takik jia tame jalan ba di Đảng saong Karja. Ngan haong buk buh jien tame ngak yau nan ye mbaok meta bhum palei bhum ceik hu salih bahrau ralo jang dut haong tukvak dahlau."

Tui ong Nguyễn Long Biên, phaok Akaok UB Bhap bini tỉnh Ninh Thuan, ngan haong jalan “Sarak, phun jien buh tame ngak di karha nan dahlau abih, prein khang di rahra nan lac asal gha”, dom thun tapa, Ninh Thuận hu pambuak 2 janih ni piah ka mikva bangsa takik salih hatai saneng, jalan ngak, khang hatai yam tapa truh kathaot, cakrok jalan ngak mbeng khang kajap.

"Njauk ndom lac tukvak tapa, tỉnh hu jak ba dom pren khang kham marat peih ngak ka hu siam gheih. Hadei nan khaol ita peih ngak 3 danak dak jalan ngak nagar, hu ralo siam gheih dalam bruk cak rok patagok bhum urang bangsa takik saong bhum ceik dak harei dak hadah hadai, dak harei dak bahrau. Dalam bruk ngak nong, mikva hu pandar dom ilamu kỹ thuật, ralo abih nan dom kaya nong ngak tabiak. Ngak brei salih hatai saneng di bruk ngak, ngak tabiak pandap panda, ngak tabiak dom kaya hu prein khang, patagok jien mek tame, ngak brei patrun kathaot dalam tuk vak anak tal."

Nyaom roya urang la mbaok ka dom mikva bangsa takik dalam tinh mbang ka IV – thun 2024, meda patui veik jalan ngak, grap tanat khang kajap ka dom baoh jeng siam mekre mek hu, patui veik ka bruk cak rok patagok, taphia di nan peih ngak dom jalan ngak piah marat abih hatai ngak salah blaoh dom bruk, tanut ngak, jalan ngak dalam tuk vak anak tal./.