Yaih khan rup binguk, pambuak bruk pablei pandap tui jalan khang kajap

Tal tukvak ini, tỉnh Ninh Thuận hu 69 pandap mek hu angan pandap OCOP. Rilo pandap meng danak dak OCOP hu chất lượng glaong hu daong patagok yaom ngak tabiak kaya nong, kinh tế palei pala, bo daok hu daong jhul paglaong angan pablei salih kaya pandap di tỉnh. Gam haong nan, ngak jeng bruk pambuak gauk khang kajap, paglaong yaom ka urang ngak tabiak pandap siam hu chất lượng pabak hatai caong di urang blei pandar.

Pagap yau bruk pambuak gauk ngak nho, medar di Cty Sản xuất saong pablei salih kaya nong Thái Thuận (xã Nhơn Sơn, huyện Ninh Sơn). Meng pambuak bruk haong dom pasak roh duah, ngak kaya nong, Viện Công nghệ thực phẩm roh duah saong ba brei ilamu ngak baoh medar, nan ye yaok thun Cty blei di urang nong jaik 150 tấn baoh medar, baoh taginui (nho) pabak ka darak pasar. Ngak jaik 15 tấn baoh medar bluh thu saong ngak jaik 3.000 lít si rô meda, giấm medar. Tal urak ini, công ty hu 10 janih pandap mek hu angan pandap OCOP pakat tỉnh.

Rilo pandap karei di dom labik ngak di Ninh Thuận tuk hu brei angan lac mek hu tanut chuẩn OCOP jeng dak harei dak brei mboh angan pablei salih, hu darak pasar takre blei. HTX dịch vụ tổng hợp Nông nghiệp Thái An (xã Vĩnh Hải, huyện Ninh Hải) hu 8 pandap hu brei harak angan OCOP. Urak ini HTX daok pala pambak praong pajaih taginui bahrau NH 01-152 haong taneh praong jaik 20 ha di palei taginui Thái An. Meng pabak hu dom tanut ba tabiak ka bruk pala, ngak, baoh taginui mbang that di HTX hu dak angan pandap OCOP 4 patuk pakat tỉnh.

Meng hu rilo pandiak, takik hajan, nyu ngak ka Ninh Thuận hu rilo janih pandap karei di drei yau ye taginui, medar, măng tây xanh, pabo, pabe, hadang pajaih…. piah pataom tame ngak jeng pandap tui chuỗi giá trị. Min bruk cakrok kaya nong chất lượng glaong oh ka samu haong prein khang. Kayua yau nan ye, anak tal, UB bhap bini tỉnh daok tacei pato dom sở, ngành, puk palei pablak tame saong peih ngak samar drah dom sarak daong brei, ieu pataom prein khang pambuak pagam Danak dak OCOP haong dom danak dak karei. Meng nan, daong bruk sản xuất, pasiam, paglaong kaya pandap, dịch vụ mek hu tanut chất lượng glaong.

Tui ong Lê Huyền - Phaok Chủ tịch UB bhap bini tỉnh Ninh Thuận, anak meta, piah jhul patagok dom pandap OCOP, Ninh Thuận daok brei daong dom doanh nghiệp tapa dom danak dak pachreih kong, cakrok ngak nong daong jamriak mac moc, pandap piah ngak, patagok bruk pambuak gauk tui chuỗi, bhum nguyên liệu; pato pakai parilo menuac ngak, daong bruk pablei salih saong yaih khan angan pandap OCOP. Meng nan, ba dom pandap tame pablei di dom siêu thị, dom cửa hàng tiện lợi saong dom sàn pablei salih điện tử.

Piah ba mbuan lagaih ka urang blei pandar duah thau, pilih ruah dom pandap OCOP di tỉnh, Sở Ngak nong saong Patagok palei pala tỉnh hu pambuak bruk haong gah du lịch yaih khan, ba dom pandap OCOP tabiak parang iek di dom labik du lịch, dom labik padeih takai piah duh ka tuai damuai. Abih di nyu lac pataom tame cakrok pandap hu prein khang, pandap karei di tỉnh tui jalan patagok yaom glaong, pabak tiêu chuẩn saong bruk caong hu dak harei dak glaong di darak pasar. Tapa nan, daong palagaih piah cakrok kinh tế dom đơn vị saong baoh sang./.

Lang sap: Mousa Phương – 09/04