Dalam puk palei hu rilo xã mek hu angan palei pala bahrau paglong 

Xã  Đa Kia, huyện Bù Gia Mập, tỉnh Bình Phước hu  5 sang bac, ye urak ni jeng hu buh jien padang ngak  mek hu tanut chuẩn gah cơ sở vật chất. Bruk njauk menyai nan lac, Đa Kia A lac sang bac tiểu học camereip di  huyện hu pok brei angan mek hu tanut pasang iek  chất lượng pato pakai pakat  2 song mek hu chuẩn pakat negar tanut  1.

Meng di labik taom gaok, ginum biai di sang ilamu sit sot, pandiak pa-uh, hu tuk ginum biai nyim sang di bhap bini ye urak ni, bhap bini palei  2 hu sang ilamu bhap bini praong laneing, siam mekre abih di  xã Đa Kia. Piah hu yau nan, palei  2 peih bruk salih taneh, meng labik taneh sup palup, sit sot, tapa labik taneh praong, laneing, glaong song daok di pasak labik sang danaok di bhap bini, prong labaih 1.600m2.

Urak ni, jiak abih jalan xã, jalan palei di dom xã mek hu  chuẩn palei pala bahrau paglong  jeng hu tuh  bê tông, tuh nhựa saong hu gom jalan, hu camera pasang iek an ninh song pala bingu di 2 gah takai jalan. Abih di nyu nan lac, hu  xã dok paglong tanut meng bruk peih prong jalan jang 2 mbang dut song dahlau deih. Njauk ndom tal di abih dalam bruk ni lac di xã Tân Lập, huyện Đồng Phú, hu pagap yau “bruk cách mạng peih prong jalan palei” camereip abih dalam tỉnh. 

Yaok mesup, rilo rahra di  xã Tân Lập pataom gauk  di sang pakacah  đa năng di xã piah main thể thao pasram pahat pasiam pren yava. Piah hu mblang main siam mekre , labaih 10 thun dahlau, tuk buh jien tabiak padang ngak palei pala bahrau, Tân Lập hu quy hoạch Pasak ilamu  - Thể thao song bac megru bhap bini  xã prong jiak  9.000m2. Thun  2021, tuk padang ngak palei pala bahrau paglong , xã hu buh jien tabiak labaih  400 triệu đồng ramik ngak pasiam dom labik di sang pakacah , piah bhap bini hu labik pasram pahat siam jang.

Bruk bo thei jeng mbuan si mong mboh di labik daok di bhap bini xã palei pala bahrau paglong lac tapen dom jalan bahrau, dom boh sang pakacah gauk padang tagok, ngak hadah tagok ka labik  đô thị dalam harei anak tal. Bruk pasiam jalan mbak  gam duh siam ka bruk nao mai saong pajeng ba pandap panda gam pabak pren khang jhul patagok kinh tế - xã hội. Labik dân cư kiểu mẫu palei  Thủ Chánh, xã Thành Tâm, huyện Chơn Thành lac điển hình. Ong Phạm Nguyên Khang, Akaok palei Thủ Chánh khan lac “Meng jalan bê tông prong labaih  3m,  urak ni tong abih  jeng hu bhap bini  tuh bê tông, peih prong jiak danieng paga. Taong abih sang bhap bini hu buh jien tabiak padang paga pacang taom dar , hu điện truac hadah, hu camera khik iek an ninh trật tự. Hulin mboh lac  palei Thủ Chánh lac labik njauk dok, kayua hu jalan prong di abih, hu jalan tathuak ia siam di abih, an ninh jeng hu siam di abih”

Meng bruk padang ngak palei pala bahrau paglong, akaok sahneng di bhap bini hu salih bahrau dalam bruk ngak kinh tế. Nan lac pandar  công nghệ bahrau tame ngak mbang, pala drak. Hadei di  30 thun pala amriak kalu, song hu ngak iek biak rilo bruk pruh ia , min, ni lac mbang camereip ong Lương Hữu Hải daok di palei  4, xã Đa Kia njauk hatai song bruk pruh ia patak pataom. Tuk hu karja  dong jien, ong Hải hu roh duah ngak  tabiak  mô hình lagaih song kein laba jang, nan lac bruk pruh ia di mangaok  caduk. Ong dok roh duah caik ngak hệ thống pandar meng atah, tok kateik nút lac  jamriak nyu pruh. Meng  0,8 ha amriak kalu, ong Hải ngak 14 béc phun hu bán kính pruh  tal  25m. Jalan ngak ni, gam dong patrun urang ngak, gam paglong yaom pandap panda, tuk yaom am riak kalu oh tani tanat yau urak ni./.

Urang lang: Hanipha- 15/9