Tukvak jiak di ini, manuac sia mboh huac saong pandik hatai anak dom bruk uranaih metai kayua njauk taong paoh yau: bruk uraniah kumei umo 3 thun  daok  di huyện Thạch Thất, Hà Nội metai kayua payo di amaik rilo mbang taong paoh saong peng paku tame kaok, atau bruk uraniah kumei umo 8 thun daok di Ban raya HCM metai hadei di mbang taong paoh rilo mon di amaik hamum saong bruk oh caik hatai tal di ame pajeng. Dahlau di nan, bruk uranaih kumei 3 thun  di tỉnh Kiên Giang njauk ame hamum taong paoh biak jhak yau cuh pakao tame pabah adei, patok akaok kamuan trun ba tal metai. Atau bruk aranaih kumei 6 thun  daok di quận Bắc Từ Liêm, Hà Nội metai hadei tuk pandiak hatai di ame pajeng kayua gaok trak damak meng bruk pato anek bac online…

Tui yaok pataom di Mentri C.A, thun 2020 dalam negar hu 2.000 bruk taong paoh uranaih biak khang, tal thun 2021 trun takik jang 31 bruk min bruk ngak brei pandik harao uranaih jeng daok rah tabiak sraw kadau, abih di nyu lac dom bruk taong paoh, ngak brei pandik harao uranaih dalam baoh sang biak trak damak, ngak haduh hatai manuac sia. Dalam 2 thun tapa, dalam negar hu labaih 110 bruk pametai uranaih, ngan saong 120 uranaih. Mentri C.A hu langyah labaih 3,300 bruk duis, dalam nan langyah gah hình sự labaih 3.400 urang.  Daok tui Cục Uranaih di Mintri Lao động, Thương binh saong Xã hội, thun 2021, Tổng đài Negar khik iek uranaih 111 hu taduan saong langyah labaih 1.000 mbang.

Ngak brei pandik harao uranaih hu rilo janih karei di gauk yau ye taong paoh, rapeik rapai, pacap uranaih ngak bruk tuk umo daok sit, pablei, klak caik. Dom roh duah jeng brei mboh, jaik 80% uranaih njauk taong paoh dalam baoh sang drei saong meng ame, amaik, gauk gar saong urang iek glang uranaih.Yaom lac, bruk khik caga, iek glang uranaih hu siam jang, min kayua habar dom bruk pandik harao yau nan jeng daok rah tabiak  saong tal tuk rah tabiak trak damak manuac sia meng thau. Luật sư Nguyễn Đức Hùng - kapol luật sư ban Hà Nội langyah:

“Khol drei daok kurang dom jalan pasang iek saong khik caga dom uranaih hu siam di abih meng adat hukum tal bruk tui iek di bhap bini dalam bruk iek glang dom uranaih. Tui dahlak, khol drei njauk pakhang bruk tui iek. Daong iek glang uranaih, abih di nyu lac uranaih dalam dom baoh sang hu raidiuk kan kandah.”

Bruk njauk biai nan lac hadei di dom bruk pandik harao rah tabiak, manuac sia jeng mboh lac: meyah karja,  jabat chức năng palei pala ba tangin tame bruk catang jang; bhap bini dalam palei – lac dom urang daok jiak  uranaih “oh kandang” saong thau jalan langyah samar drah jang, meda plaih hu bruk pandik harao. Ong Đặng Hoa Nam, Akok Cục Uranaih  di Mentri Lao động Thương binh saong  Xã hội ndom lac:

“Langiu di bruk pacang caga, daok hu sa bruk tra lac bruk di bhap bini, pok sap brei thau, tacei tabiak dom bruk taong paoh uranaih tuk drei mboh medil taong paoh. Sa bruk medil halei di mikva sahaneng lac uranaih mboh yau njauk taong paoh, njauk urang ngak brei pandik harao, jeng meda khan brei Tổng đài negar khik caga uranaih 111 thau.”

  “Ba tangin tame khik caga uranaih, njauk pok sap pacang, caga bruk  ngak brei pandik harao, taong paoh uranaih”. Ini jeng lac asar kadha hu pathau khan dalam Bilan ngak ka uanaih thun ini. Piah ka asar kadha nan oh lac panuac ndem saoh saong biak biai hu kein lagaih, piah trun takik di abih dom bruk ngak brei pandik harao, taong paoh uranaih ye yaok urang saong abih manuac sia xa hoi brei pok sap tagok saong njauk ngak meng bruk iew phone chip tal Tổng đài negar khik caga uranaih 111, atau khan brei jabat karja, gah khik iek uranaih daok jaik abih yaok mbang mboh, medil hu bruk ngak brei pandik harao, taong paoh uranaih./.