Chuyển đổi số dalam KT kapul nyaom lac số hóa bruk pala, ngak, pablei salih, dịch vụ, pandar công nghệ piah thau hu asal di nyu

Tui dom chuyên gia, chuyển đổi số dalam ngak nong oh lac sa bruk pandar công nghệ thông minh dalam pala, ngak, bo daok njauk pandar công nghệ dalam taong abih chuỗi giá trị yau duah thau hu asal di nyu, khik ramik chất lượng kaya pandap saong pablei kaya pandap tapa jalan pablei salih điện tử… Min jeng daok hu rilo HTX tok pandar công nghệ tame 1 atau dom kadha di bruk pala, ngak, nan ye oh pandar hu abih siam lagaih di công nghệ bahrau. Taphia nan, bruk thau ka công nghệ thông tin daok biar, daok takik, bruk ngak di HTX daok sit sot, rilo meng lac pablei salih meng kan. Bruk yau nan, kayua urang jakar saong urang di rilo HTX hu umo thun meng 35 tagok nan ye oh khin tame dom ứng dụng KT bahrau, dalam tuk bruk công nghệ thông tin di dom HTX daok kurang.

Anak meta mboh lac, công nghệ số hu labik dang biak praong dalam bruk ngak nong, ngak glai, salih jalan ngak, patakik di abih prein ngak, paglaong năng suất saong chất lượng kaya pandap. Mboh cambaih lac di bhum kreh Tây Nguyên, rilo HTX daok padang bruk pacang caga khuah glai meng jamriak viễn thám; ngak dom bruk kế toán tapa dom phần mềm; iek glang phun pala, athur raong meng camera; yaih khan pandap pablei tapa smartphone piah nao gam haongcông nghệ số dalam yaok bruk pala, ngak.

Tui lambaok HTX HueTechCo.op,  tỉnh Thừa Thiên-Huế, piah chuyển đổi số hu jak jeng siam mekre, dom HTX njauk số hóa thông tin gah blei saong pandap panda - dịch vụ. Gam haong nan, dom HTX brei hu mbaok tame dom bruk khan brei thau, kham merat yaih khan mangaok Internet saong tame dom sàn pablei salih điện tử yau Kinh tế pambuak gauk (oh abih jien), Shopee, Tiki, Lazada, Alibaba, Amazon…

Daok di Đà Nẵng,  pak ini bhian peih tal pato pasram ka urang jakar khik ramik HTX thau ka bruk chuyển đổi số saong dom tal bac megru ilamu di HTX chuyển đổi số bloh  hu jak jeng. Langiu di nan, Liên minh Hợp tác xã Đà Nẵng daok ba mbuan lagaih ka dom HTX hu mbaok tame dom danak dak peih bruk pablei salih,  peih bruk đầu tư, danak dak daong doanh nghiệp; pandar ilamu, công nghệ tapa chuyển đổi số piah trun yaom phun saong paglaong siam mekre di pandap.

Ong Nguyễn Ngọc Bảo, Chủ tịch Liên minh HTX Việt Nam ndom lac: Piah jhul khang chuyển đổi số dalam gah KT kapul nyaom, pandar bruk chuyển đổi số, Liên minh HTX Việt Nam daok padang Danak dak chuyển đổi số, pandar công nghệ thông tin daong dom HTX tui yaok bruk cambaih laih./.

Urang lang: M. Phuong – 06/07