Ong Dương Công Cứ, umo 71 thun, urang daok di palei Xà Bang 1, xã Xà Bang khan lac, 1 thun dahlau tuk khin ngak  dom harak gar, bhap bini brei nao tal UB bhap bin xã, lahik rilo tukvak, abih di nyu nan lac urang umo taha ye lac oh lagaih kayua nao mai rilo mbang. Di akaok bilan 5 meng blaoh, UB bhap bini xã Xà Bang hu blei sa bo mac vi tinh, mac in, pagam wifi di labik ngak bruk di palei piah daong ka mikva ngak dom harak gar oline tui jalan “puk palei thong minh”. Bhap bini dalam bhum mboh biak lagaih, abih takik tukvak, abih di nyu lac dom urang umo taha,  bhian tavak bruk hamu apuh jeng meda ngak hu tuk melam. Di labik ini, yaok melam jeng hu sa urang jakar pakat xa, urang di kapul dalam dara, palei pala…daong ngak harak gal biak samar, rahra  biak uan tabuan:  “Tuk harei khol dahlak jar var haong rilo bruk min melam mai tame labik ngak bruk di palei  ngak harak gal online, jalan ngak yau ini daong ka rahra biak ralo,  rahra biak uan tabuan. Uan kayua drei ngak hu bruk, oh abih tukvak nao mai rilo mbang tame tal Ub bhap bini xã blaoh daok cang suai”

Piah ngak hu siam lagaih bruk “puk palei thong minh”, meng kaok thun 2024 UB bhap bini huyen Châu Đức, tỉnh Bà Rịa - Vũng Tàu hu peih tal pasram ka dom urang akok puk palei, bhap bini brei tame VneID, padang dom Kapol  kong nghe so tacei pato bhap bini ngak harak gal tui jalan salih birau.

Tui ong Nguyễn Đạo Thành, Akok puk Xà Bang 1, xã Xà Bang, huyện Châu Đức, jaik abih urang umo dam dara dalam palei tame ngak harak gal hu siam mekre abih tapa phone tangin. Daok bruk “puk palei thong minh” ye biak lagaih haong urang taha, urang nao ngak mbang atah. Ong Thành daok brei thau lac, meng tuk UB bhap bini xã peih ngak bruk ini ye rahra mai ngak hu tgaok rilo mboh cambaic, ralo meng lac dom janih harak gal pambuak tal ho tich, ho khau, khai sinh:“ Meng tuk peih bruk ngak harak gal hanh chinh online di labik ngak bruk di palei biak lagaih ka rahra. Urak ini, rahra caong ngak ye tame labik ngak bruk di palei hu kapol dam dara, mban ngak bruk palei, Kapol kong nghe bhap bini daong ka mikva ngak. Pak di sang ngak bruk di palei ngak harak gal blaoh payua gah ngak bruk sa pabah mbang di UB bhap bini xã, tuk sa pabah mbang ngak bruk blaoh bayar harak gal mai palei, khan brei mikva thau mai mek. Meng harei hu bruk ngak nan, mikva biak chreih chrai, mai labik ngak bruk palei biak ralo”.

Tui UBND huyện Châu Đức, tỉnh Bà Rịa – Vũng Tàu, urak ini bhap bini khin ngak harak gal hành chính dalam huyen ralo meng lac urang ngak nong saong urang taha, oh hu kamputer, jeng oh thau pandar phone tangin piah tame ngak online. Kayua yau nan ye, jhul akhang bruk “ puk  palei thong minh” meda trun hu trak damak ka urang jakar sa pabah mbang dom pakat.

Muk Hồ Thị Mỹ Hoà, Akok UBND xã Xà Bang khan lac, urak ini xã hu 7 puk palei, dalam nan hu 2 palei Xàng Bang 1 saong  Xàng Bang 2  ngak hu jak jeng bruk “ puk palei thong minh” , ini lac 2 palei hu ralo rahra abih dalam xã, labaih 1.000 baoh sang. Tuk bhap bini mai UB bhap bini xã  ngak dom harak gal, abih di nyu lac ngan haong dam dara, thau pandar kong nghe ye bruk ngak harak gal di phone pan tangin  biak samar, lagaih. Daok urang taha, umo thun praong ye urang jakar xã  lahik tukvak tacei pato tame, brei thau khaw tin di drei yau ye biak glaih glar ka urang jakar ngak bruk sa pabah mbang: “ Bruk nan tacei pato ka bhap bini peih ngak biak lagaih, trun trak damak glaih glar ka urang jakar pakat xã bo bhap bini mboh bingi sahanang jang. Anak tal, xã kham ngak brei pambak praong jalan ngak ini tal dom bhum  palei daok veik. Pathau khan veik ka bhap bini  piah urang payua ho so hanh chinh di palei, plaik njaik bruk  bhap bini tame UB bhap bini xã rilo, ngak glaih mikva”.

Anak tal, huyện Châu Đức, tỉnh Bà Rịa – Vũng Tàu brei pabak ka dom puk palei mac vi tinh, mac scan, wifi piah palagaih ka rahra ngak harak gal online di palei tapa Kapol  Kong nghe so bhap bini. Bruk nan jeng daong jhul khang salih pandar so di puk palei cakrok tagok khang./.