Urang nong hu bruk ngak tani tanat pak di palei pala 

Ong Hà Minh Trung, Phaok Yam ndok  Sở lao động thương binh song  xã hội tỉnh Bình Dương brei thau, meng jhul khang, ngak siam bruk palei pala bahrau, dalam nan hu tanut patagok HTX tui jalan bahrau, nan ye  boh sang kan kathao di tỉnh dak harei dak trun bier  song urk ni oh dok. Bruk ni lac meng hu tỉnh sangka patagok ngak nong, dalam nan mek  HTX dang akaok nao dahlau, jhul patagok bruk ngak kinh tế ni.

Di  huyện Bắc Tân Uyên, tapa pasang iek, tal puac thun 2019, huyện dok  203 boh sang kan kathaot tui tanut iek tui rilo gah di tỉnh, meblah  1,57% song hu  139 sang jiak kathaot, meblah labaih  1,08%. Piah dong ka bhap bini paglaong jien mek tame, patrun kathaot khang kajap, huyện hu pambuak bruk song tỉnh jhul khang bruk patagok kinh tế kapul nyaom di dom xã.

Pagap yau di xã Hiếu Liêm tuk halei jeng kham merat pathau khan jak ba urang nong pataom tame, pambuak gauk piah patagok  bruk ngak  kinh tế kapul nyaom. Urak ni,  xã hu 2 HTX (lac HTX ngak nong Nhân Đức song  HTX dịch vụ tổng hợp Ngọc Quang Thanh). Meng tuk padang tabiak tal urak ni, 2 HTX hu pambuak haong karja  xã peih ngak  bruk  quy hoạch, parabha bhum sản xuất, salih janih phun pala , athur raong, daong palagaih ka dom boh sang peih bruk sản xuất njauk tui jalan ba tabiak.

Gam hong nan, HTX ba brei ilamu kỹ thuật, ba bruk sản xuất di mangaok mblang taneh  pala drak dak harei dak tagok glaong, rik dong paglaong jien mek tame ka bhap bini. Meng ngak hu siam lagaih, yaok thun, yaok  HTX hu ba bruk ngak gam gam ka labaih  20 urang ngak di pak ni, dong duah jien mek tame yaok  tỷ đồng ka urang dalam HTX saong ka urang ngak.

Atau yau huyện Dầu Tiếng hu pren khang gah ngak nong. Thau hu labik dang di bruk ngak kinh tế kapul nyaom, huyện hu patagok  14 HTX ngak nong  song  124 urang, abih tih jien mek tame hu jiak 14 tỷ đồng, kein laba hu labaih  2tỷ 700 triệu đồng. Dom  HTX ngak nong yau  HTX Minh Hòa Phát, HTX Tâm Phát (xã Minh Hòa)... bruk ngak tani tanat meng salih karei, peih prong bruk ngak mbang, parilo janih phun pala, pabak phun pajaih, pandap ngak nong ka bhap bini. Meng nan, bruk ngak di dom HTX rik dong siam ka bruk peih ngak tanut patrun kathaot, paglong jien mek tame.

Meda ndom lac, jalan ba tal kein laba, siam mekre di bruk patrun kathaot hu  Bình Dương iek prong lac, ba jalan ngak mbang duah jien suai lavik ka urang kathaot, dalam nan tỉnh iek prong "brei gaiy vah salih ka brei ikan".

Rilo jalan ngak mbang  kinh tế peih ngak hu kein laba tapa dom  HTX, kapul pambuak bruk di dom puk palei, meng nan dong ba bruk ngak pak di labik ka boh sang kathaot, dong ka urang dalam HTX pandar ilamu công nghệ, mesraiy phun jien, peih bruk pablei salih…

Meng thun  2016 tal ni, dom huyện, ban dalam  tỉnh hu padang 94 HTX, kapul pambuak bruk. Ba dom  HTX dalam tỉnh tagok  212 HTX, dalam nan, gah ngak nong dang akaok  haong 68 HTX. Mô hình HTX ngak nong dak harei dak brei mboh  labik dang praong dalam bruk ba jalan, dong song paglaong kein laba bruk ngak nong, rik dong oh sit ka bruk patagok kinh te di puk palei

Urak ni, dalam tỉnh dak harei dak hu rilo HTX ngak bruk hu kein laba, rilo kreh camin brei mboh ka hatai khang yam tapa kan kandah, yam tagok ngak kaya meda,  jeng dom kreh camin ngak mbang palei salih naih joi, yau: HTX phun mbang boh  Tân Mỹ, HTX Darum Thanh Kiên, HTX ngak nong  Công nghệ glong  Kim Long…

Kayua yau nan ye, piah patui jalan dong ka bhap bini paglong rai duik, plaih bruk patrun kathaot  jak jeng min njauk kan kathaot veik , tuk vak anak tal, Bình Dương daok salih bahrau jalan sahneng, jalan ngak, sami samar pandar dom sarak dalam bruk patrun kan kathaot. Gam hong nan, pataom tame pasang iek dom jalan ngak mbang duah jien hu siam lagaih, peih prong bruk ba brei sang kan kathaot, sang jiak kathaot dom ilamu  công nghệ tapa dom HTX, kapul pambuak bruk piah patagok  xã hội hóa dalam bruk peih ngak jalan patrun kan kathaot  khang kajap./.

Urang lang: Hanipha- 26/7